aRooma 12:1 - Emakhuwa Bible

¹ Tivawo axunnaka, kinoodyoonttelelani niwoko na ikharari sa Muluku, weera mwiileve ntoko yooveleela ya okumi, yootteela ni yoomusiveliha Muluku, niwoko wu ti omurumeelawanyu Muluku woowaakhuleleya.

aRooma 12:1 Iomraidhean Croise

Icipo 116:12

Khoongwereya omuliva Yave onnene wootheene onkipakelaawe.

Icipo 19:14

Masu a eyaanowaaka ni sootthokelela sa murimaaka soosiveliheni Nyuwo Yave, Mwalaaka ni Namoopolaaka.

Yesaya 56:7

vano yaawo kinimwaaruuha vamwaakoniwaka wootteela ni kinimwaavaha ohakalala Mpaanimwaka wa mavekelo. Sooveleelasaya soohisa ni sikina sinimwaakhuleliwa valtaariniwaka; vanonto Empaaka eniitthaniwa Empa ya mavekelo wa miloko sootheene.”

Yeremiya 6:20

Nkimpwattharu erubani* ya oXeba hoye hoye etthu yoowunkhelaxa enruuhiwa ilapo sa ottai. Sooveleelasanyu soohisa khasinaakhuleleya; sooveleelasanyu khasinkisiveliha.”

Hoxeya 14:2

Oreherere yoohima ni ohokoleele wa Yave. Mumvekele ha: “Mulevelele sootthekasahu sootheene ni mukhararinimwanyu munaakhulele weera noovaheeni sootthapela sa iyanosahu ntoko imombe simveleeliwa.

Nuumeru 7:21

mwaamombe mmoha, napunci ni eputtiputthi elopwana ya eyaakha emoha ntoko yooveleela yoohisa;

Luuka 7:47

Tivawo, Miyo kinooleelani: sootthekasawe sincipale sooleveleliwa, niwoko owo oosivela vancipale. Yooletho onleveleliwa vakhaani, onsivela vakhaanitho.”

aRooma 12:2

Muhitthareke mweettelo wa elapo ela, mene mutatuxiwe ni oreherera wa soowuupuwelasanyu. Hiiho nyuwo mmwiiwexexe ti heeni otthuna wa Muluku, eyo tiiyo, ti heeni yooreera, yoomusiveliha ni yookwanela.

aRooma 15:16

okhala murummwa a Kristu Yeesu wa amalapo, eyo tiiyo kookhalano muteko wa musaserdoti* olaleiya masu ooreeraxa a Muluku weera amalapo ethatuwe yooveleela yoowaakhuleleya wa Muluku, atteelihiwe ni Munepa Wootteela.

aRooma 15:30

Kinoodyoonttelelani nyuwo, axunnaka, mwa Apwiyaahu Yeesu Kristu ni mwa osivela wa Munepa, weera mukhale vamoha ni miyo mukhottonimwaka, mumvekelaka Muluku niwoko na miyo.

aRooma 2:4

Weeraka nyuwo munramusa mihakhu sa murimaawe wooreera Muluku, opixa murima, ni oweherera ni ovilela wa Muluku, muhisuwelaka weera murima wooreera wa Muluku onooronghani woorukunxani murima?

aRooma 6:13

Muhiveleele mipatta sa irutthusanyu wa yoottheka ntoko mipatta sa soonanara. Ohiyanawaya, mwiivaherere wa Muluku, ntoko atthu aruuhiwe wa okhwa mpaka okumi. Mveleele mipatta sa irutthusanyu wa Yoowo, ntoko mipatta sa ekhaikhai.

aRooma 6:16

Khamusuwenle weera nyuwo mwiivahereraka wa mukina weera mmwiiwelele ntoko ipottha, nyuwo munkhala ipottha sa yoowo mumwiiwelelaanyu – hata sikhale ipottha sa yoottheka, enooronghani wa okhwa, hata sikhale ipottha sa wiiwelela, onooronghani wa waakhuleliwa ni Muluku?

aRooma 6:19

Kinuuluma yeeyo ni mikhalelo sa omutthu, niwoko khamuniiwexexa itthu sootheene. Hiiho ntoko nyuwo mwaavahereraanyu mipatta sa irutthusanyu weera sikhale ipottha sa ohitteela ni onanara onrongha wootepa onanara, vano mvaherere iyo weera sikhale ipottha sa ekhaikhai enrongha wa ntteeliho.

aRooma 9:23

Nihimeke eheeni Owo aapankaawe yeeyo weera sisuweliwe mihakhu sa ovuwawawe wa nyaapu sa ikhararisawe Owo orehererenlaawe khalayi ovuwa?

1 aKorinto 1:10

Axunnaka, kinoodyoonttelelani nyuwo ootheene mwa Nsina na Apwiya Yeesu Kristu, weera mwiiwanane mukina ni mukhwaawe yeeyo munuulumaanyu, weera ohikhale ohiiwanana variyariwanyu. Aani, weera ootheene mukhaleno wiiwanana omoharu ni wuupuwela omoharutho.

2 aKorinto 10:1

Akina aneera weera, miyo kireene ni nyuwo, ‘kinkhala oowiiyeviha,’ mene kireene ottaiwene, ‘kinnoolipiherani.’ Vano, niwoko na murima woomaaleleya ni murima wooreera wa Kristu, miyo, Pawulo, kinoovekelani etthu.

2 aKorinto 4:1

Tivawo, neenre nikhalakano muteko ola wa ikharari nivahiwaahu, hiyo khanimporora.

2 aKorinto 4:16

Tivawo khanimporora. Naamwi omokoniwahu otepaka onanariheya, mpuwamwahu ninnakhalihiwa onyowani khula nihuku.

2 aKorinto 5:20

Tivawo nri anamitthenga a Kristu, ntoko waari weera Muluku onuuluma ni eyanowaahu. Niwoko na Kristu ninoodyoonttelelani nyuwo: mwiiraaneke ni Muluku.

2 aKorinto 6:1

Ntoko anamiteko a Muluku, hiyo ninniwoopererani weera muhaakhele siiyo mahala a Muluku.

awEfeso 4:1

Ntoko ootthukiwa mwa Apwiya, kinoodyoonttelelani weera mweettele mukhalelo woophwanelela wiitthaniwa mwaakhenlaanyu.

awEfeso 5:10

Mwaase osuwela yeeyo enaasiveliha Apwiya.

Deuteronomiyo 14:2

Nyuwosa ti muloko wootteeliheriwa Yave Mulukwaanyu. Yave ohoothanlani nyuwosa variyari wa miloko sootheene sa elapo ya vathi weera mukhale mulokwaawe woosiveleyaxa.

aFilipi 1:20

Kingweherera ni murima wootheene ni kinroromela weera nkirwa kuuliwa muru ni yakhalaru etthu. Ohiyanawaya, kinroromela weera ntoko ehuhu yootheene, hiiho vaanaano vaava Kristu anunnuwihiwe mweerutthunimwaka: okhalaka mookumini, hoye hoye mookhwaani,

aFilipi 2:17

Wa soothesene, hata kirihiwaka ntoko yooveleela yoowura vasulu wa yooveleela ni muteko onrweela wa nroromelonanyu, koohakalala ni kootteeliwa murima ni nyuwo ootheene.

aFilipi 4:18

Kohaakhela sootheene ni sookaattela. Kohaattano woowaakhela wa Epafrodito soovaha seiyo nyuwo mwaarumihalaanyu. Iyo siri yoovaha yoowunkhela yooreera, yooveleela emoha yoowaakhuleliwa ni yoomusiveliha Muluku.

1 aTesalonika 4:1

Woomaliha, axunna, noohooxuttihani moota wooweetta weera munsivelihe Muluku, ni mwa Yoowo nyuwo munimweera weetta. Vano, ninoovekelani ni ninoodyoonttelelani mwa Apwiya Yeesu weera mupwahereraxe mwa mweetteloweene yoowo.

1 aTesalonika 4:10

Vekhaikhai munaasivela axunna ootheene a elapo yootheene ya oMasedoniya. Wa soothesene, axunna, ninoonyesererani weera mutepaxe opwaherera mwa yeeyo.

1 aTesalonika 5:12

Ninoovekelani, axunna, weera mwaattittimihe yaawo anlipihera ovara muteko variyariwanyu, ni anoohoolelani mwa Apwiya nitho anoolakani.

1 Timootheyo 2:3

Eyo ti yooreera ni yoosiveliha vamaithoni wa Muluku Mvuluxaahu,

1 Timootheyo 5:4

Vano, akhala naamukhweli orino anamwane, naari osuulu, awo epacere toko oxuttera okwanihera ediinaaya ni miteko yaapasoopaka amusaaya asineenaaya ni waatthapela axinaangolo, niwoko yeeyo enoomusiveliha Muluku.

Filemone 1:10

kinoodyoonttelelani niwoko na mwanaka Onesimo, mwa yoowo kimuyanraaka kitthukiweene.

Filemone 1:9

miyo nkeere woovekelani etthu moosivelani. Miyo, Pawulo, vano kohuuluvala, nitho namatthukiwa a Kristu Yeesu,

aHeberi 13:22

Axunnaka, kinoovekelani nyuwo weera muvilele maswaaka a owoopererani. Vekhaikhai, miyo kohoolepelani masu vakhaani.

1 Pedru 2:20

Nttottopelo heeni mwavilela owaxuliwa mpankeene yoonanara? Vaheera nyuwo mwavilela ohaawa niwoko na opaka yooreera, eyo ti yoottottopeleya vamaithoni wa Muluku.

1 Pedru 2:5

Nyuwotho, ntoko maluku makumi, mutekiwe mpaani mwa mmunepani weera mukhale osaserdoti* wootteela, muvahaka sooveleela sa mmunepani sowaakhuleliwa ni Muluku niwoko na Yeesu Kristu.