aRooma 11:26 - Emakhuwa Bible

²⁶ Ni hiihaawo aYixrayeli ootheene eniivuluxiwe, ntoko elempwalaaya: “Anaarweele oSiyoni Mvuluxa anaasusihe soonanara sa ekhapira ya Yakobe.

aRooma 11:26 Iomraidhean Croise

Icipo 106:47

Ii! Yave Mulukwaahu, munivuluxe ni munithukumanyihe variyari wa miloko weera nitthapele Nsinananyu Nootteela* nivuwihaka ngwoottottopelanimwanyu.

Icipo 14:7

Ii! Kinghaawela weera ovuluxiwa wa aYixrayeli orweele oSiyoni! Yave aarehereraka mulokwaawe, Yakobe ni Yixrayeli anoohakalalela!

Yesaya 45:17

Vaheera Yave onoovuluxa oYixrayeli ni ovuluxiwa woohimala; khookhalatho wuulihiheya muru hata oyeviheya wa mahuku ootheene

Yesaya 59:20

“Mvuluxa onimoowa wa oSiyoni, wa yaale a Yakobe anrukunxa murima mwa sootthekasaya,” onghima Yave.

Yeremiya 31:1

“Mweehuhuni eyo,” onghima Yave, “kinookhala Muluku a ipuumba sootheene sa aYixrayeli, ni awosa anookhala mulokwaaka.”

Ezekiyeli 39:25

Tivawo oneeraawe ha Yave onlamula sootheene: Vano kinoomuhokoloxa Yakobe wootthukiwani elapo ekina ni kinoomorela ikharari muloko wootheene wa oYixrayeli, kaakhaleleke nthiti mwa Nsinanaka Nootteela.

Hoxeya 3:5

Vahoolowaya, aYixrayeli anoohokolowa, emwaaseke Yave, Mulukwaaya, ni Davide mwenaaya. Mmahukuni ookisera animoowa ethukumelaka vamaithoni wa Yave ni wa mareelihowaawe.

Yoweli 2:32

Ootheene eneera yiitthane Nsina na Yave eniivuluxiwe, niwoko vamwaako Siyoni ni oYerusaleemu onuukhale woopoliwa, ntoko Yave aaroromelinghaawe wa yaawo eniihale ni okumi ni wa yaawo aneeraawe awiitthane.”

Matheyo 1:21

Owo anaamuyare Mwaana Mulopwana, ni nyuwo mmunttehe Nsinanawe Yeesu, niwoko anaavuluxe mulokwaawe mwa sootthekasaya.”

Miteko 3:26

Muluku amvenyererihaleene murumeiyaawe, ohoorumihelani toko nyuwo weera ooreeliheni oorukunxakani nyuwo ootheene wa sootakhalasanyu.”

Titu 2:14

Yeesu Owo iiveleenle wa hiyo weera anivuluxe wa sootakhala sootheene ni atteelihe muloko wa Yoowo mwaneenaawe, muloko mmoha ori ni nthiti opaka miteko sooreera.