aRooma 10:9 - Emakhuwa Bible

⁹ Nyuwo mwalapa ni eyanowaanyu weera Yeesu ti Apwiya ni mwaroromela ni murimaanyu weera Muluku aamvenyereriha mookhwaani, nyuwo munoovuluxiwa,

aRooma 10:9 Iomraidhean Croise

Luuka 12:8

Miyo kinooleelani: ootheene onkilapa vamaithoni wa atthu, Mwaana a mutthutho anaamuromole vamaithoni wa andyelo a Muluku.

Yohaane 9:22

Asinaangolowaawe yeenre yeeyo ewoovaka aYuda, niwoko ale yaalakela weera mukina alapa weera Yeesu ti Kristu, anoomoliwe muSinagogani*.

Miteko 16:31

Awo yaamwaakhula: “Mwaaroromele Apwiya Yeesu ni mmwivuluxiwe, nyuwo ni yaawo a vaatewanyu.”

Miteko 2:24

Vaheera Muluku oomuvenyereriha mookhwaani, amutaphulaka wa ovoreiya wa okhwa, niwoko khawaawereya weera okhwa omvare.

Miteko 2:32

Muluku oomuvenyereriha Yeesu Owo, ni hiyo ootheene nri anamoona a etthweene yeeyo.

Miteko 8:36

Yeettaka mphironi, yaaphiya vanipuroni yaaraayawo maahi. Enoko* aamweerela: “Moone, va aakhala maahi. Enkooceeliha eheeni weera kipatisiwe?”

aRooma 10:10

niwoko ni murima munroromela weera mwaakhuleliwe ni Muluku, nitho ni eyano munlapa weera mvuluxiwe.

aRooma 14:11

niwoko yoolempwa: “Apwiya yeenre: ‘Vekhaikhai, kinoororomelihani weera atthu ootheene eniikokhore ohoolowaka, ni malumi ootheene eniilape weera Miyo ti Muluku.’”

aRooma 14:9

Ti niwoko nna Kristu aakhwenlaawe ni aavenyerenraawe: weera akhale Apwiya a akumi ni akhwiiye.

aRooma 4:24

menetho wa hiyo Muluku aneeraawe anaakhulele, wa hiyo ninroromela mwa Yoowo omvenyererihale mookhwaani Yeesu, Apwiyaahu.

aRooma 8:34

Taani anaathorihe? Aari Kristu Yeesu okhwiiye. Wootepaxa, Owo oovenyerera ni ori moono mulopwana wa Muluku anivekelelakatho hiyo.

1 aKorinto 12:3

Tivawo miyo kinoororomelihani weera khaawo onuuluma ni Munepa wa Muluku ongwera weera: “Yeesu alamphwe,” ni khaawo ongwera ohima: “Yeesu ti Apwiya,” ahikhanle mwa Munepa Wootteela.

aFilipi 2:11

ni atthu a muulumo ootheene elape weera Yeesu Kristu ti Apwiya, wa ovuwa wa Muluku Atiithi.

1 Pedru 1:21

Niwoko na Yoowo nyuwo munimuroromela Muluku omvenyererihale Yeesu mookhwaani ni omvuwihale. Hiiho nroromelonanyu ni owehererawanyu onkhala mwa Muluku.

1 Yohaane 4:15

Akhala mukina onaakhulela mwaatthuni weera Yeesu ti Mwaana a Muluku, vano Muluku onkhala mwa yoowo ni owo mwa Muluku.

2 Yohaane 1:7

Wa hiihaawo, anamalokottha ancipale aakhumelela mweelaponi ya vathi, mwa yaawo khaanaakhulela weera Yeesu Kristu aarwiiye mweerutthuni. Yoole ti namalokottha ni namwiittana a Kristu.