aRooma 10:2 - Emakhuwa Bible

² Vano kinoowera okhalela onamoona weera awo arino nthiti wa itthu sa Muluku, mene nthitinaya khanihiyono mwaha wa esuwelo.

aRooma 10:2 Iomraidhean Croise

2 Mamwene 10:16

Yehu aamweerela: “Mukitthare ni moone omukhalelawaka nthiti Yave.” Vano Yehonadabi aarowa ni yoowo mukaaronimwawe.

Icipo 14:4

Weeraka yaawo ampaka soonanara khaanxutta etthu – yaawo ankhuura mulokwaaka ntoko mutthu oncaawe yooca, ehimwiitthanaka Yave?

Masu a Miruku 19:2

Khoonreera okhalela nthiti ohikhalanne miruku, hata ocereenga ni oyeleela ephiro.

Yesaya 27:1

Nihuku nenenenno Yave onoottaruxa ni ekatanaawe, ekatanaawe yoowoopiha, etokotoko ni yooweraxa, Levitiyani*, enowa eniipurula, Levitiyani*, enowa yoowiipirikixa. Yave onimwiiva enowa yoowoopiha eyo ya mphareiya.

Yohaane 16:2

Nyuwo mmoomoliwe muSinagogani*. Vekhaikhai, eniiphiye ehuhu yaawo eneera ewiiveeni, eniyuupuwele weera animurumeela Muluku epakaka yeeyo.

Miteko 21:20

Yiiwaka yeeyo, yaamuttottopela Muluku ni yaamweerela Pawulo: “Ntoko munoonaanyu, munna, aakhala aYuda ancipale aroromenle ni ootheene awo ari ni nthiti munlamuloni.

Miteko 21:28

ekhuwelaka: “aYixrayeli, munikhavihere! Ola ti mulopwana onaaxuttiha ootheene a ilapo sootheene itthu siniittana ni mulokwaahu, nlamulonahu ni nipuro nna. Ohiya toko yeeyo, owo aahaavoleiha aGrego Mpaani mwa Muluku ni aananariha Nipuro Nootteela* nna.”

Miteko 22:22

Atthu ancipale yaamwiiwa Pawulo mpaka aahimmaawe yeeyo. Vano yaakhuwela: “Mumvenxe mulopwana ola wa elapo ya vathi! Khaphwanenle okhala ni okumi!”

Miteko 22:3

“Kiri muYuda kiyariwe oTarso, elapo ya oSilisiya, mene kihuwiwe musidadeni yeela. Kaaxuttihiwa nnenesene ni Gamaliyeli munlamuloni noolipaxa na makholowaahu, kimukhalelaka nthiti Muluku ntoko muraanyu nyuwo ootheene olelo.

aRooma 10:1

Axunnaka, ohaawela wa murimaaka ni nivekelonaka wa Muluku mwaha wa aYixrayeli, ti weera awo evuluxiwe.

aRooma 10:3

Hapo ehisuwelaka waakhuleliwa onrweela wa Muluku ni yaasaasaka ekhaikhaiyaaya asineenaaya, awo khayaakhulenle waakhuleliwa wa Muluku.

2 aKorinto 4:4

Muluku a ehuhu ela ohuumiha sowiiwexexa sa atthu oohiroromela, weera ehoone waara wa masu ooreeraxa a ovuwa wa Kristu, mwa Yoowo ori mukhalelo wa Muluku.

2 aKorinto 4:6

Muluku eenre “Mpiphini waare omwaleela,” Owo muneenaawe ohaara mmurimanimwahu weera onimwaleele waara wa osuwela wa ovuwa wa Muluku, onaara mukhoveni mwa Kristu.

2 aKorinto 8:3

Vano, kinkhalela onamoona weera yaavaha sootheene yaaweraaya, ni mpakatho yahaaweraaya. Wa otthunawaya asineenaaya,

aGalata 1:14

Kaaraaka mudiinini ya aYuda, kaapwaha nthiti na aYuda akina ancipale yaari akhwaaka. Vekhaikhai, nthitinaka wa ikhovelelo sa makholowaaka naari ntokotoko.

aGalata 4:15

Yaakhumelenle eheeni ni ohakalalawanyu? Koosuwela vekhaikhai weera waawereya, nyuwo saano muzoonleene maithwaanyu weera mukivahe.

aFilipi 1:9

Nivekelonaka ti nna: weera osivelawanyu waandyeerereye, wootepaxa moosuwelani ni moomwalamwaxani yooreera ni yoonanara,

aFilipi 3:6

munthitini namattharatthara a ekerexa; moottharani ekhaikhai ya nlamulo, oohikhala malepa.

aKolosi 4:13

Vano kinimukhalela onamoona weera owo onnavara muteko vancipale niwoko na nyuwo, ni wa yaawo ari oLawodiseiya ni oHiyerapoli.