aRooma 10:16 - Emakhuwa Bible

¹⁶ Wa soothesene, khaahiyono aYixrayeli ootheene yaakhulenle masu ooreeraxa. Vano Yesaya eenre: “Apwiya, taani ororomenle mutthengaahu?”

aRooma 10:16 Iomraidhean Croise

Yesaya 50:10

Taani a nyuwo ommoova Yave ni oniiwelela masu a murumeiyaawe? Yoole oneetta mpiphini ahikhalanaka waara aroromeleke mwa Nsina na Yave ni mwa Mulukwaawe.

Yesaya 53:1

Taani ororomenle mutthengaahu ni moono wa Yave ooniheringwe taani?

Matheyo 13:14

Mwa yaawo aakwaniheriwa masu a mprofeeti Yesaya owo eenraawe: ‘Nyuwo mahuku ootheene muneera mwiiwaka, mene khamurwa mwiiwexexa, mahuku ootheene muneera moonaka, mene khamurwa moonexexa.’

Yohaane 10:26

nyuwotho khamunroromela niwoko khamuhiyono a ikhondoolosaka.

Miteko 28:24

Akina yaaviriyeliwa ni yeeyo owo aahimmaawe, mene akinatho khayaaroromenle.

aRooma 1:5

Niwoko na Yoowo ni na Nsinanawe nohaakhela mahala ni muteko okhala arummwa, weera niweettihe atthu a miloko sootheene weera eroromele ni yiiwelele.

aRooma 11:17

Iphandi sikina soothikiliwa, mene nyuwo, mureene ya oliveira ya ntuphini, moolumbaanyiwa ni iphandi sikina ni vano nyuwo mungwura ebwanyaasi enrweela munkwankhwaarini wa sooliveira* sa ekhaikhai.

aRooma 16:26

Mene vano ntikhinelo nna nohooniheriwa niwoko na Soolempwa sa maprofeeti ni mwa malamulo a Muluku oohimala, weera miloko soothesene simuroromele Yoowo ni simwiiwelele.

aRooma 2:8

Nsikhaletho isara ni ottaruxiwa wa yaawo ari oowiipwattha asineenaaya paahi, yaawo ankhootta ekhaikhai ni antthara soonanara.

aRooma 3:3

Ankha akina a yaawo yaahiroromeleya? Ohiroromeleyawaya onuumalihe ororomeleya wa Muluku?

aRooma 6:17

Asanttetho wa Muluku niwoko, mwaarookhalaru ipottha sa yoottheka, nyuwo mohaakhulela ni murima wootheene moota wa nihusiho muvahiwaanyu.

aGalata 3:1

aGalata alolo! Yoolongweni taani? Mwaahooniheriwa Yeesu Kristu ntoko othomeiwalaawe vamuttandani.

aGalata 5:7

Nyuwo mwanneetta nnene. Taani owooceelihaleni weera muhipwaherereke ni ekhaikhai?

2 aTesalonika 1:8

Vano, Awo eniyaattaruxe yaawo ahimusuwenle Muluku, ni ahiniiwelela masu ooreeraxa a Apwiyaahu Yeesu.

aHeberi 11:8

Munroromeloni Abrahaamu, iitthaniweene, aahiiwelela ni aarowa vanipuroni, mwa nenno vahoolowaya eeraawe aakhele ntoko nawawe, aari mweeraru ahisuwenle aarowaawewo.

aHeberi 4:2

Vano, masu ooreeraxa aalaleiwatho wa hiyo, hiiho ntoko wa yaawo, mene mutthenga ale yiiwalaaya khawaatekeleiye etthu, niwoko yaawo yiiwale khayaakhenle mutthenga ole ni nroromelo.

aHeberi 5:9

Ni aakwanihenraawe wiiwelelawawe, aathatuwa Naattuuttu oohimala a ovuluxiwa wa ootheene ammwiiwelela,

1 Pedru 1:22

Vano, mutteelihiweene okumaanyu wa wiiwelela wa ekhaikhai weera mwaasivele ni ekhaikhai axunna, mwaasivele vancipale mukina ni mukhwaawe ni murima wootteela.

1 Pedru 2:8

ni “Nluku nookwattula ni mwala woowuuwiha.” Yaawo ahinroromela, anookwattuliwa, niwoko khaaniiwelela mutthenga, ni awo athanleliwe yeeyo.

1 Pedru 3:1

Mooteene yoowo, axaara, ngiiweleleke asiiyinyu. Hiiho, hata ekhalaka akina a yaawo oohiroromela mutthenga wa Muluku, anoowiniwa wa nroromelo niwoko na mweettelowaanyu. Khoontthuneya weera nyuwo muulume,