aRooma 1:1 - Emakhuwa Bible

¹ Wa Pawulo, murumeiyi a Kristu Yeesu, iitthaniwe weera akhale murummwa, aathanliwe weera alaleiye masu ooreeraxa.

aRooma 1:1 Iomraidhean Croise

1 Nyaha 23:13

Anamwane asilopwana a Amrami: Aharoni ni Moisesi. Aharoni aamwalamwalihiwa, owo ni ekhapiraaweene wa mahuku ootheene weera aatteelihereke itthu sootteelaxa, ompakela sooveleela Yave, orumeela ohoolowawe ni oreeliha mwa Nsinanawe wa mahuku ootheene.

Yesaya 49:1

Mukiiwe nyuwosa icirumba, mwiiwe yeeyo nyuwosa miloko sinkhala ottai: Miyo kihinaaye oyariwa, Yave aakiitthana; okhuma oyariwawaka Owo iitthana nsinanaka.

Yeremiya 1:5

“Miyo kihinaaye woopakani mmirimani mwa amayinyu, kaahoosuwelani. Nyuwo muhinaaye oyariwa, Miyo kaahoothanlani ni kaahookhalihani ntoko mprofeeti wa miloko.”

Marku 1:14

Yohaane atthukiweene, Yeesu aarowa oGalileiya, alaleiyaka masu ooreeraxa a Muluku.

Yohaane 12:26

Yoowo onkirumeela, ontthuneya okitthara, ni kiraakawo, murumeiyaaka anaakhalewotho. Atithaka eniimuttittimihe yoowo onkirumeela.

Yohaane 15:15

Nkingwiitthanani arumeiyi niwoko murumeiyi khansuwela yeeyo Apwiyaawe ampakaaya. Ohiyanawaya, Miyo kingwiitthanani asinthamwenaaka, niwoko sootheene kiiwalaaka wa Atithaka, Miyo kohoosuwelihani.

Yohaane 15:20

Muupuwelele masu kooleenlaakani: kheewowo epottha yoowaapwaha apwiyaaya. Awo yaakittharatthanre Miyo, animoottharattharanitho. Yiiwelenle maswaaka, eniyiiweleletho maswaanyu.

Miteko 13:9

Vano Sawuli, iitthaniwatho Pawulo, oosareya Munepa Wootteela, aamuwehexexa nnenesene Elimasi, ni aamweerela:

Miteko 20:24

Wa soothesene, nkimpwatthela, naari nkinoonelamo okumaaka etthu yoottittimeheyaxa wa miyo mwaneenaaka. Yoohaawelaaka emoharu eri omaliha otthimakawaka ni okwanihera muteko kaakhenlaaka wa Apwiya Yeesu, eyo tiiyo okhalela onamoona sa masu ooreeraxa a mahala a Muluku.

Miteko 21:40

Atthuniheriwaka ni muhooleli, Pawulo eemenleene vaskadani, aahaamaaliha aathoonyeraka ni matata. Emaalakaru ootheene, aaweerela ni nuulumo na eHeberi:

Miteko 22:21

Vano Apwiya yaakeerela: ‘Murowe, Miyo nkoorumiheni ottaiwene, wa amalapo.’”

Miteko 22:7

Kaamorela vatthayani ni kaahiiwa nsu nimoha naakeerenle: ‘Sawuli, Sawuli, heeni munkisoondaanyu?’

Miteko 26:1

Vano Agripa aamweerela Pawulo:“Nyuwo munootthuniheriwa wuuluma ni wiixaakihawanyu.” Vahoolowaya Pawulo aapaka eneneero ni ntata, anapacera wixaakihawawe eeraka:

Miteko 26:14

Ootheene yaamorela vathi ni kaahiiwa nsu naakeerela vaHeberi: ‘Sawuli, Sawuli, heeni nyuwo munkisoondaanyu? Mungwana vasiiyoniwene ni eniyoorweeleni yoovoreiya paahi.’

Miteko 27:23

Ohiyu wa osilo, aakirweela ndyelo mmoha a Muluku mwa Yoowo miyo kiraaka awawe ni mwa Yoowo kinimulapaka, ni ndyelo owo aakeerela:

Miteko 9:15

Apwiyatho yaamweerela Ananiya: “Muroweke, mulopwana owo ti exaavaaka yoothanliwa weera ekuxe Nsinanaka wa amalapo, mamwenaaya ni wa muloko wa aYixrayeli.

aRooma 1:16

Nkinuulihiwa muru niwoko na masu ooreeraxa, niwoko ti ikuru sa Muluku singwera waavuluxa ootheene anroromela, woopacera aYuda ni wanaaveeli aGrego.

aRooma 1:5

Niwoko na Yoowo ni na Nsinanawe nohaakhela mahala ni muteko okhala arummwa, weera niweettihe atthu a miloko sootheene weera eroromele ni yiiwelele.

aRooma 1:9

Muluku, mwa Yoowo kinimurumeelaaka ni murima wootheene kilaleiyaka masu ooreeraxa a Mwanawe, ti namoonaaka moota miyo kingwuupuwelelaakani mahuku ootheene

aRooma 11:13

Kinuuluma ni nyuwo amalapo. Keenre kikhalaka murummwa wa amalapo, kookhalano nttittimiho nincipale mmutekonimwaka,

aRooma 15:16

okhala murummwa a Kristu Yeesu wa amalapo, eyo tiiyo kookhalano muteko wa musaserdoti* olaleiya masu ooreeraxa a Muluku weera amalapo ethatuwe yooveleela yoowaakhuleleya wa Muluku, atteelihiwe ni Munepa Wootteela.

aRooma 15:29

Koosuwela weera karowa wooxekurani, nkirowe mwa waatta wa mareeliho a Kristu.

aRooma 16:18

Vano atthweene yaawo khaanimurumeela Kristu Apwiyaahu, mene soohaawelasaya asineenaaya. Ni masu oosiva ni ooreera omokoni awo anlokottha mirima sa atthu oohisuwela.

aRooma 16:25

Ti Muluku ongwera wookhalihani nyuwo munroromeloni niwoko na maswaaka ooreeraxa ni olaleiyawaka wa Yeesu Kristu. Vano, olaleiya wu ti mwaha wa othupulula wa ntikhinelo naavithiwe khalayi.

1 aKorinto 1:1

Ya Pawulo, iitthaniwe ni otthuna wa Muluku weera akhale murummwa a Kristu Yeesu, ni wa munna Sostene.

1 aKorinto 9:1

Nkihiyono neethi? Nkihiyono murummwa? Nkimoonne Yeesu Apwiyaahu? Khamuhiyono nyuwo soowiima sa mutekwaaka mwa Apwiya?

2 aKorinto 1:1

Ya Pawulo, murummwa a Kristu Yeesu ntoko otthuna wa Muluku, ni munna Timootheyo. Wa ekerexa ya Muluku eri oKorinto, vamoha ni ootteela ootheene ankhala elapo yootheene ya wAkhaya.

2 aKorinto 11:5

Wa soothesene, nkinroromela okhala mwaamukhaani a arummwa yaala oottittimiheyaxa.

2 aKorinto 11:7

Weeraka yookhala etthu kitthenkaaka, miyo kiiyevihaka weera koottukhuleni, koolaleerakani ya mahala masu ooreeraxa wa Muluku?

2 aKorinto 12:11

Kaari ntoko naanepa, mene nyuwo mwaakinnyesereriha yeeyo. Waatthuneya miyo olangheriwa ni nyuwo, keenre kihikhalaka ooyevaxa wa arummwa “oottittimiheyaxa,” naamwi kihikhalaka etthu.

2 aKorinto 2:12

Miyo kiphiyakaru oTrowada weera kilaleiyewo masu ooreeraxa a Kristu, ni koonaka weera Apwiya yaakihulela mulako,

2 aKorinto 4:5

Vano, khanniilaleiya hiyo asineenaahu, mene ninnimulaleiya Yeesu Kristu weera ti Apwiya, vaheera hiyo nri ipotthasanyu niwoko na Yeesu.

aGalata 1:1

Ya Pawulo, murummwa ahirumihiwe ni alopwana, naari mutthu mmoha, mene aani, ni Yeesu Kristu ni Muluku Atithi, amvenyererihale Yeesu mookhwaani.

awEfeso 1:1

Ya Pawulo, murummwa a Kristu Yeesu, ntoko Muluku aatthunaawe, wa ootteela ni oororomeleya mwa Kristu Yeesu ari wEfeso:

awEfeso 1:13

Nyuwo mookhalatho mwa Yoowo vahoolo woowiiwa ni woororomela masu a ekhaikhai, masu ooreeraxa awo yoovulunxeni, ni nyuwo mohiiyaatheriwa ni Munepa Wootteela woororomelihiwa.

awEfeso 4:11

Vano Owo ohaathanla akina weera ekhale arummwa, akina maprofeeti, akina anamalaleiya a masu ooreeraxa, akina akukhuli, ni akinatho ahusiha.

Deuteronomiyo 10:8

Ehuhuweene yeele Yave aathanla epuumba ya aLeevi weera yaateexe Arka* a wiiraana a Yave; yeemele vamaithoni wa Muluku erumeelaka ni weera elaleiyeke mareeliho mwa Nsinanawe, ntoko empakeyaaya olelo.

aFilipi 1:1

Ya Pawulo ni Timootheyo, arumeiyi a Yeesu Kristu, wa ootteela ootheene mwa Kristu ari oFilipi vamoha ni asitokweene ankosoopa* ni adikoni*:

aFilipi 2:11

ni atthu a muulumo ootheene elape weera Yeesu Kristu ti Apwiya, wa ovuwa wa Muluku Atiithi.

aKolosi 1:1

Ya Pawulo, murummwa a Kristu Yeesu mwa otthuna wa Muluku, ni munna Timootheyo,

aKolosi 1:25

Koothatuwa murumeiyi a ekerexa, ntoko muteko Muluku okivanghaawe weera koothalihereni nnenesene masu a Muluku,

1 aTesalonika 2:2

Naari mweeraru nihasuliwaka ni niruwaniwaka oFilipi, ntoko musuwenlaanyu, naalipiha murima ni ekhavihero ya Mulukwaahu, woolaleerani masu ooreeraxa a Muluku variyari wa wiittana wincipale.

1 aTesalonika 2:8

Hapo nohoosivelani moota ola, khanaalakenle woovahani paahi masu ooreeraxa a Muluku, menetho okumaahu, niwoko nyuwo moothatuwa oosiveleyaxaahu.

1 aTesalonika 2:9

Axunna, vekhaikhai munuupuwelela mitekosahu ni okhulumuwawahu. Nannavara muteko ohiyu ni othana weera nihikhale oomulemela mutthu, hiyo noolaleerakani masu ooreeraxa a Muluku.

1 Timootheyo 1:1

Ya Pawulo, murummwa a Kristu Yeesu munlamuloni na Muluku, Mvuluxaahu, ni na Kristu Yeesu, owehererawahu.

1 Timootheyo 2:7

Wa yeeyo kookhalihiwa namalaleiya ni murummwa, muhusiha a nroromelo na ekhaikhai wa amalapo. Kinghima ekhaikhai – nkinootha.

2 Timootheyo 1:11

Miyo kookhalihiwa namalaleiya, murummwa, ni muhusiha a masu ooreeraxa ala.

Titu 1:1

Ya Pawulo, murumeiyi a Muluku ni murummwa a Yeesu Kristu, weera aweettihe oothanliwa wa Muluku munroromeloni ni mwesuweloni mwa ekhaikhai, engweettihera murima wa omuluku.

aHeberi 5:4

Khaawo omvara nttittimiho nna mwaneenaawe, mene ontthuneya wiitthaniwa ni Muluku ntoko iitthaniwaawetho Aharoni.

aHeberi 7:26

Vano, ti Mutokweenexa a asaserdoti* ntoko Ola hiyo nnimuhaawelaahu: ootteela, oohikhala ni nthowa, oohittheka, oomwalamwalihiwa ni anamattheka, ni awelihiweene wiirimu woopwahaxa.

Yakobe 1:1

Ya Yakobe, murumeiyi a Muluku ni a Apwiya Yeesu Kristu, wa ipuumba muloko ni piili simwaramwareiye variyari wa miloko: Salaama!

1 Pedru 4:17

Vano, yoophiya ehuhu weera opacere othoriha Empa ya Muluku. Ni, othoriha wapacera ni hiyo, eniikhale emalihero heeni ya yaawo ahiniiwelela masu ooreeraxa a Muluku?

2 Pedru 1:1

Ya Simeyoni Pedru, murumeiyi ni murummwa a Yeesu Kristu, wa yaale yaakhenle, ntoko hiyo, nroromelo noottittimiheyaxa niwoko na waakhuleliwa wa Mulukwaahu ni Mvuluxa Yeesu Kristu:

Yuda 1:1

Ya Yuda, murumeiyi a Yeesu Kristu, ni munneiye Yakobe, wa yaawo yiitthaniwe, yaasiveliwe ni Muluku Atiithi ni yaakosoopiwe ni Yeesu Kristu:

Ethupululo 1:1

Ethupululo ya Yeesu Kristu, Muluku aamvanghaawe weera awoonihere arumeiyaawe mwaha wa seiyo sineera sikhumelele woowaakuveya. Amurumihelaka ndyelowaawe, Owo aamusuweliha murumeiyaawe Yohaane,

Ethupululo 22:6

Ndyelo aakeerela: “Masu ala amphwanela ororomeliwa ni ti a ekhaikhai. Apwiya, Muluku a minepa sa maprofeeti, yaamurumiha ndyelowaaya weera ewoonihere arumeiyaaya itthu sihanle vakhaani okhumelela.”

Ethupululo 22:9

Mene owo aakeerela: “Muhipake yeeyo! Kiri murumeiyi ntoko nyuwo ni axunninyu, maprofeeti, ni ntoko yaawo anthokorora masu a elivuru ela. Mmulape Muluku!”