Amosi 9:14 - Emakhuwa Bible

¹⁴ Kinimwaahokoloxa aYixrayeli, mulokwaaka oronghiwe wootthukiwani; awosa anoorasela isidade sooheleya nthala ni mmo anookhalamo. Anoophatteya imatta sa iwuuva*, ewureke eviinyuwaaya; anoolima woophatteyamo nyiri eceeke soowiimasaya.

Amosi 9:14 Iomraidhean Croise

Icipo 107:37

Yaahaalawo irooro, enaphatteya imatta sa iwuuva* mwa seiye yaahemphaaya soowaatta;

Icipo 53:6

Ii! Weera ovuluxiwa wa oYixrayeli orweele oSiyoni! Muluku aarehereraka mulokwaawe, vano Yakobe ni Yixrayeli anoohakalalaxa!

Yesaya 60:4

Muttukhule maitho ni ngwehe mukhwipimwanyu: ootheene anthukumana, yoowehakani; anamwaniinyu asilopwana anrweela ottai ni anamwaniinyu asithiyana anrwa ekuxiweene veetthuuri.

Yesaya 61:4

Awosa anoorasela milepe sa khalayi ni anooreherera mapuro oophwatiwa mweehuhuni sivinre. Awosa anooreherera isidade sooheliwa nthala saahuhuliwe ni ikhapira ti ikhapira.

Yesaya 65:21

Awosa anooteka impa, ekhalekemo; anoophatteya imatta sa iwuuva* ni animooca soowiimasaya.

Yeremiya 12:15

Vaheera kivenxaleene, kinoomorelatho ikharari ni kinoomuhokoloxera khula mutthu yoohiyeriwaawe ni elapwaawe.

Yeremiya 16:15

mene awosa animweera: ‘Ninlipela mwa Nsina na Yave, mwa Yoowo aakhumihale aYixrayeli mweelaponi mwa ottuttuwani ni mweelaponi sootheene mwa weiwo aawoomolenlaawewo.’ Vano kinimwaahokoloxera mweelaponimwaya, mwa yeeyo kaavanghaaka makholowaaya.

Yeremiya 23:8

mene eniyeere: ‘Kinlipela mwa Nsina na Yave mwa yoowo aakhumihale ekhapira ya aYixrayeli mweelaponi mwa ottuttuwani ni mweelaponi sootheene mwa weiwo owoomolenlaawewo.’ Ni awosa anookhala mweelaponimwaya.”

Yeremiya 24:6

Kinimwaapwattha, ni nkinaahokoloxera elapweene yeela. Miyo kinimwaatekiha, kihaaphwataka; Miyo kinimwaatikithera, kihaavenxaka.

Yeremiya 29:14

Miyo kinimwiihiya weera kiphwanyiwe ni nyuwo,” onghima Yave, “ni kinimoohokoloxani wootthukiwani. Miyo kinimoothukumanyihani mmilokoni moothemwene ni mmapuroni moothemwene koomwaraxenlaakani, ni kinimoohokoloxerani mmapuroni kootthukenlaakani,” onghima Yave.

Yeremiya 30:18

Yave oneera ha: ‘Kinooceendya oreereliwa wa iheema sa Yakobe ni kinoomorela ikharari mookhalamwawe. Esidade enooraseliwa mmathalanimwaya ni empa ya emwene vanipuroniwaya.

Yeremiya 30:3

Vekhaikhai anoophiyera mahuku,’ onghima Yave, ‘kineeraaka kiceendye oreereliwa wa mulokwaaka, aYixrayeli ni aYuda, ni kinimwaahokoloxera elapo kaavanghaaka makholowaaya, weera ekuxe,’ oneera Yave.”

Yeremiya 31:23

Yave a ikuru sootheene, Muluku a oYixrayeli oneera ha: “Miyo kaahokoloxaka wootthukiwani, muloko wa oYuda ni mittetthesaya onimweeratho: ‘Ii! Wookhala woororomeleya, ii! Mwaako wootteela – Yave ooreeliheni.’

Yeremiya 31:28

Mooteene yoowo kaawehawenghaaka weera kiphele ni kinyaaye, weera kuuhe, kiphwate ni kaaruuhele erisa, kinimwaawehawehatho weera kiteke ni kiphatteye,” onghima Yave.

Yeremiya 31:5

Onoophatteyatho imatta sa iwuuva* mmattumuxani a oSamariya; aani anamalima anoophatteya ni anoohakalalela soowiimasaya.

Yeremiya 32:15

Niwoko Yave a ikuru sootheene, Muluku a aYixrayeli oneera ha: ‘Impa, imatta ni imatta sa iwuuva* sinoohokoleela othumihiwa elapweene yeela.’”

Yeremiya 32:37

Vekhaikhai Miyo kinimwaathukumanyiha mulaponi moothemwene kaamwaraxenlaaka musaranimwaka soopatta ni moonyoonyiwanimwaka otokotoko; Miyo kinimwaahokoloxera nipuro nna ni kinootthunihera weera ekhale oolipeene.

Yeremiya 33:11

masu a otthapa ni a ohakalala, masu a namatthomera ni namatthomeriwa, ni masu a yaale anruuha soovaha sootthapela wa Empa ya Yave yeeraka: Muntthapele Yave a ikuru sootheene, niwoko Owo ti ooreera, osivelawawe woororomeleya khoommala. Vano Miyo kinooceendya oreereliwa wa elapo ela ntoko khalayi,’ onghima Yave.

Yeremiya 33:7

Kinooceendya oreereliwa wa oYuda ni oYixrayeli ni kinooreherera ntoko waaraaya khalayi.

Ezekiyeli 16:53

Wa soothesene, Miyo kinooreherera oreereliwa wa Sodoma ni wa anamwanaawe asithiyana, ni wa Samariya vamoha ni anamwanaawe asithiyana nitho oreereliwawanyu vamoha ni yaawosa,

Ezekiyeli 28:26

Awosa anookhalawo oolipeene, anooteka impa, ephatteyeke ivideira*; anookhala oolipeene Miyo kaattaruxaka amwaattamanaaya ootheene yaapakenle yoonanara. Hiiho, awosa anoosuwela weera Miyo ti Yave Mulukwaaya.’”

Ezekiyeli 37:21

ni mwaaleelase weera Yave onlamula sootheene, oneera ha: Kinimwaakhumiha aYixrayeli mmilokoni arongwaayamo. Kinimwaathukumanyihasa mmapuroni moothemwene yaarukureenre, kaahokoloxereke mulaponimwaya.

Ezekiyeli 39:25

Tivawo oneeraawe ha Yave onlamula sootheene: Vano kinoomuhokoloxa Yakobe wootthukiwani elapo ekina ni kinoomorela ikharari muloko wootheene wa oYixrayeli, kaakhaleleke nthiti mwa Nsinanaka Nootteela.

Amosi 5:11

Nyuwosa munimuhasula oohaawa munnyesererihaka woovahani etrigu. Tivawo, murootekaru impa sa maluku, khamukhalamo; muroophatteyaru imatta sa iwuuva* soopomba, khamuwura eviinyuwaaya.

Zefaniya 1:13

Mihakhusaya sinoohuhuliwa; impasaya sinookurumuliwa. Naari etekaka impa inyowani, kheekhalamo; anoophatteya imatta sa iwuuva*, mene kheewura eviinyuwaaya.”

Zefaniya 2:7

Enookhala ya oohalahala a epuumba ya Yuda. Wu anoophwanyawo moocihamo; ni wiilaka, animwiixaatalela mpaani mwa Axekeloni. Yave, Mulukwaaya, onimwaakosoopa, ni onimwaahokoloxera oreeriwa.