Amosi 8:3 - Emakhuwa Bible

³ Yave, onlamula sootheene, oneera ha: “Nihuku nno, icipo siniipiwa Mpaani mwa Muluku, sinoothatuwa soolalamika. Sinookhala mittembo sincipalexa sineera sivonyerasiwe mmipattani sootheene! Fataari mmaaleke!”

Amosi 8:3 Iomraidhean Croise

Icipo 39:9

Kiri emaalelo, kihihulaka eyanowaaka, niwoko ti Nyuwo mpanke yeeyo.

Yesaya 37:36

Vano ndyelo a Yave aarowa yaakonenlaayawo awAsiriya, anawiiva anakhotto 185 000. Oxaawaya evenyakaru akinaawo, yaaphwanya yaakonenlaayawo osareiyeene mittembo!

Yeremiya 22:18

Tivawo, Yave oneeraawe ha mwaha wa Yehoyakimi, mwaana mulopwana a Yosiya, mwene a oYuda: “Awosa kheemulalamikela ekhuwelaka: ‘Ii! Munnaka!,’ hoye hoye ‘Ii! Murokoraka!’ hata khayiilalamikela ekhuwelaka: ‘Ii! Pwiiyaaka!’ hoye hoye: ‘Ii! Atokweene!’

Icipo Soolalamika 2:10

Ahooleli a esidade ya oSiyoni ankilaathi vathi emaalelo. Aniihela ntthupi mmuru ni angwarela soolalamikano. Asimwali a oYerusaleemu anuuramihela muru vathi oowuulihiheyeene muru.

Yoweli 1:11

Mutteenguwe nyuwosa anamalima; mwiinleke nyuwosa murino imatta sa iwuuva*. Mulalamikele etrigu ni esevada*, niwoko soohepha soophwatiwa.

Yoweli 1:13

Ngware isaakho, nyuwosa asaserdoti* ni mulalamike nyuwosa munrumeela ohoolo wa altaari*. Murwe, mvirihe ohiyu ngwanreene isaakho, nyuwosa munrumeela vamaithoni wa Mulukwaaka, niwoko sooveleela sa etrigu ni soowura soorakamelihiwa Mpaani mwa Mulukwaanyu.

Yoweli 1:5

Mvenye nyuwosa anamuhapaliwa ni mwiinleke! Mulalamike nyuwosa anamawura a eviinyu ootheene! Mulalamike niwoko na eviinyu enyowani yeenre evenxiwa owanoniwanyu.

Levitiku 10:3

Vanonto Moisesi aamweerela Aharoni: “Uulummaawe Yave ti ela: ‘Kinimwiixoonihera Ootteelaxa variyari wa yaala ankaattamela; Miyo kinoovuwihiwa vamaithoni wa muloko wootheene.’” Aharoni aari mwaasa omaala.

Amosi 4:10

“Kaahoorumihelasani mahooxo ntoko kaapakenlaaka wExipitu. Kaawiiva amiravo ni ekatana; kaahiya sivariwaka ikavalusanyu*. Kaahunkhihaxa mphulanimwanyu ni wunkha wa anamakhwa mwaakonenlaanyuwo, mene waarookhalaru hiiho, nyuwosa khamuhokoleenle wa Miyo,” ongima Yave.

Amosi 5:16

Vanonto Yave, Muluku a ikuru sootheene, oneera ha: “Onookhala olalamika mmapuwani moothemwene, ni okhuweliwa wa othanana mmiseweni moothemwene. Anamalima anoolattuliwa weera yiinle, ni anamwiikhupanyera weera elalamike.

Amosi 5:23

Mususihe wa Miyo oruma wa iciposanyu ni oruma wa amakitaanyu.

Amosi 6:4

Nyuwosa muniixaatalela mbeettini soophwanelihiwa ni maino a etthepo muniixookola muhicenimwanyu sa nsawu. Munkhuura iputtiputthi sooreerela ni aximombe oonenevaxa.

Amosi 6:5

Mungwiipa amakitaanyu ntoko Davide, ni mumpakelela ikaruma sa masoma.

Amosi 6:8

Yave onlamula sootheene ohiilipela! Yave, Muluku a ikuru sootheene, oneera ha: “Onkihiira wiixoona wa Yakobe, ni kinthanya impasawe sa emwene; kinimwinnyerera esidade ni sootheene sirimo.”

Amosi 8:10

Ifestasanyu kinootatuxa wiinanela ni iciposanyu sootheene olalamika. Kinoopakiha weera ootheene nyuwo ngware soowiinanelano ni mmetthe. Kinoopakiha weera nihuku nno nikhale ntoko na omwiinlela mwaana mmoharu, ni ommaleloniwaya ntoko nihuku na othananaxa.

Nahumi 3:3

Anamweettiha a ikavalu*; ikatana siverinyaka ni mavaka yaaraka. Ekhwiiyeene ancipale nduu; mittembo soohaalikeleya ohivireyakamo.

Zefaniya 1:7

Mmaale ohoolo wa Yave onlamula sootheene, niwoko nihuku na Yave nookhuveela. Yave ooreherera yooveleela; ohaatteeliha yaawo aalattunlaawe.