Amosi 8:11 - Emakhuwa Bible

¹¹ Eneera ephiyaka mahuku,” onghima Yave onlamula sootheene, “kineeraaka kirumihele etala elapo yootheene ela – ehikhanle etala ya yooca naari ya ntthona, mene etala ni ntthona na wiiwa masu a Yave.

Amosi 8:11 Iomraidhean Croise

2 Nyaha 15:3

aYixrayeli yaakhala ehuhu yincipale ehirino Muluku a ekhaikhai, naari musaserdoti* oowaaxuttiha nlamulo.

Icipo 74:9

Khanivahiwatho ineneero sootikhiniheya; khaawoworu maprofeeti ni khaawo a hiyo osuwenle omalawaya.

Masu a Miruku 29:18

Ohinoonihereyaayawo otthuna wa Muluku, muloko onoohapuwa; vaheera ooreelihiwa yoole oniiwelela Nlamulo!

Yesaya 5:6

Kinootatuxa nthala; khaniseekeliwa naari khoolimmwamo; onimunnuwamo rupulula ni nyiiwa. Kinoolamulela mahutte weera ehirupihelemo epula.”

Ezekiyeli 7:26

Eviraleene erisa, enimoorwa erisa ekinatho, ni oviraleene woopiha, onimoorwa woopiha okinatho. Eniyeerere waasaasa moonelo wa mpatta wa mprofeeti, ni nihusiho na nlamulo mwa asaserdoti* nnooriheya, mpakatho olaka wa asitokweene.

Hoxeya 2:3

Ohiyanawaya, Miyo kinimwaarula ehaleke pwitipwiti ntoko nihuku yaayariwaaya; kinimwaapaka ntoko nikare, kaatatuxaka elapo yoowuumelela, ni kinoowiiva ni ntthona.

Mikeyasi 3:6

Mwaha wa sootheene iyo, ohiyu onimoorweelani, aani, ohiyu woohikhala nyoonelo; enookhala epiphi woohikhala sootthoma. Nsuwa nnimwaaneelela maprofeeti, ni othana onimwaariipela yaawosa.

Matheyo 9:36

Awoonaka atthu ancipale, Yeesu aahaamorela ikharari yaawo, niwoko yaakhala oohooxiwa ni oovololeene ntoko ikhondoolo soohikhalano mukukhuli.

1 Samuweli 28:15

Samuweli aamukoha Sawuli: “Munkixupelani mukivenxaka kaaraaka?” Sawuli aamwaakhula: “Miyo koovalavelihiwa niwoko aFilisti anookiwanano ni Muluku ookihiya. Owo khankaakhula – hata ni maprofeeti naari moolohani. Tivawo kiwiitthannaakani okileela yooweera.”

1 Samuweli 28:6

Aamukohakoha Yave, mene Yave khaamwaakhunle – naari moolohani, hata ni Urimi* hoye hoye ni maprofeeti.

1 Samuweli 3:1

Mmiravo Samuweli annarumeela vamaithoni wa Yave alamuleliwaka ni Eli. Mahuku ale waakhala woothowathowa waakhela mutthu mutthenga wa Yave, ni nyoonelotho sannahaleela.