Amosi 8:10 - Emakhuwa Bible

¹⁰ Ifestasanyu kinootatuxa wiinanela ni iciposanyu sootheene olalamika. Kinoopakiha weera ootheene nyuwo ngware soowiinanelano ni mmetthe. Kinoopakiha weera nihuku nno nikhale ntoko na omwiinlela mwaana mmoharu, ni ommaleloniwaya ntoko nihuku na othananaxa.

Amosi 8:10 Iomraidhean Croise

Epacerero 21:16

Vano aarowa okilaathi ottai vakhaani, moota onkotaaya wuumpha wa muupa, niwoko uupuwela: “Nkintthuna omoona mwaana akhwaaka.” Akilaathiyeene vathi aahiinla vancipale.

Yobi 20:23

Owo iivonihaka, Muluku onoomurumihela isarasawe sivarelaka ni orupa wa omanawawe Muluku onoomuyeehera.

Yobi 3:5

Epiphi yooriipihana esareele nenno; nihuruweleye ni nihutte nooriipihanaxa; epiphi yoopopihe nne.

Yobi 30:31

Makitaaka ookokhiwa weera iipeliwe icipo sa mariro, ni mpeettaaka iipeliwe icipo soolalamika.

Yesaya 3:24

Ohiya wunkhela onuukhale wunkha; omuhiya laamba onuukhale, mukhoyi; ohiya otthaveliwa mayihi oophwaneliwa, onuukhale mputu; ohiya ikuwo soowaaraxa, nsikhale isaakho; ohiya ophwaneliwa, eniikhale mapharima oowoopiha.

Yeremiya 2:19

Yootakhalaanyu enimoottaruxani ni ovaanyawanyu onimoohiihani. Mwiiwexexe ni moone moota onnanaraaya ni ongwaawihaaya omuhiya Yave, Mulukwaanyu, muhikoovaka Miyo,” onghima Yave, a ikuru sootheene.

Yeremiya 48:37

Khula muru woometthiwa ni irerusene; matata ootheene ari makhwattaru ni eyuunu yootheene yookutteleliwa ni ikuwo soolalamikano.

Yeremiya 6:26

Ii! Mulokwaaka, muwarele isaakho ni mwiihele ettuura. Mwiinle moota woolalamikaxa ntoko mutthu ommwiinlela mwaniye mmoharu, niwoko wootutuxereya namaphwata onooniphwanya.

Icipo Soolalamika 5:15

Mmurimanimwahu khoowowo ohakalala; wiinawahu woothatuwa olalamika.

Ezekiyeli 7:18

Awosa eniyiikhuneele ikuwo soolalamikano ni eniiwarele ikuwo sootteengula. Ikhovesaya sinimuulihiheyaxa muru, ni mayihaaya eniimetthiwe.

Ezekiyeli 7:2

“Mwaana a mutthu, Yave onlamula sootheene oneerela ha muloko wa oYixrayeli: ‘Woophiya ommaleloni! Woophiya ommaleloni wa mattuumba maxexe a elapo ya oYixrayeli.

Hoxeya 2:11

Kinoomaliha ohakalalawaya wootheene: ifestasaya sa vayaakhani, sa nyeerisaya sinyowani, mahukwaaya a eSaabadu ni ifestasaya soothanliwa sootheene.

Hoxeya 2:13

Miyo kinimwaattaruxela mahuku yaahisenraaya aBahali* erubani*; awo yaahiiphwanelihano annela ni axiveeve, enaatthara yaawo anaakonanaaya, vaheera yaakittiwala Miyo,” onghima Yave.

Yoweli 1:8

Mulalamike ntoko mwaamwali oowiikosoopa awanreene sa enaamukhweli onimulalamikela namatthomeraawe akhwiiyeene vaanaanoru.

Levitiku 13:40

Mulopwana yammora mayihi, anahala ntariru, owo ti ootteela.

Amosi 5:21

“Miyo kinthanya ni kinnyoosa ifestasanyu sa ediini; nkimvilela mithukumanosanyu soolapa.

Amosi 5:23

Mususihe wa Miyo oruma wa iciposanyu ni oruma wa amakitaanyu.

Amosi 8:3

Yave, onlamula sootheene, oneera ha: “Nihuku nno, icipo siniipiwa Mpaani mwa Muluku, sinoothatuwa soolalamika. Sinookhala mittembo sincipalexa sineera sivonyerasiwe mmipattani sootheene! Fataari mmaaleke!”

Nahumi 1:10

Amwiittanaawe animwaanga munyiiwani esareiyeene nluma; anoohisiwa ntoko malaxi oowuumaxa.

Zakariya 12:10

Kinooyeehera ekhapira ya Davide ni amaki a oYerusaleemu munepa wa oreera murima ni odyoonttelela. Awosa anookiweha – yoowo yaamuhommaaya – ni anoomwiinlela ntoko oniinlelaawe yoole okhwiiye mwaniye aari mmoharu ni ntoko onlalamikeliwaaya okhwa wa ntthaara.

Deuteronomiyo 16:14

Muhakalale mufestanimwanyu – nyuwosa, anamwaniinyu, arumeiyaanyu asilopwana ni asithiyana, aLeevi ankhala mmasidadenimwanyu, anamarwa, akwaasuni ni asinaamukhweli ankhala variyariwanyu.