Amosi 7:4 - Emakhuwa Bible

⁴ Yeeyo Yave, onlamula sootheene, aakoonihenraawe ti ela: Kaamoona Yave onlamula sootheene iitthanaka mooro wa nthorihelo; owo waalaliha wuumihaka moowiixera, onanyaanya etthaya.

Amosi 7:4 Iomraidhean Croise

Yesaya 27:4

Nkinyoonyiwa. Rupulula ni nyiiwa sakixupa, kinimwaattamela seiyo weera kiphwate ni mooro.

Yeremiya 21:12

Ii! Ekhapira ya Davide, Yave oneera ha: Mpake ekhaikhai khula oxeexelo ni mmoopole mmatatani mwa namahasula yoole ohuhuliwe. Waahikhala hiiho, isarasaka sinoopatta sihiseke ntoko mooro woohicipiheya niwoko na soonanara mumpakaanyu.

Yeremiya 4:4

Mwiixiinele wa Yave, mwiinele mirimasanyu, nyuwosa asilopwana a oYuda ni amaki a oYerusaleemu. Mwaahipaka yeeyo, isarasaka sinoopatta sihiseke ntoko mooro, niwoko na yoonanara mpankaanyu, aani, sinoohisa ni khaawo anaawere ocipiha.”

Ezekiyeli 21:3

mweerelaka: ‘Yave oneera ha: Koowiittani. Kinoohulula ekatanaaka munluwoni weera kimmalamalihe okhuma oororomeleya mpaka mutakhali eriyaraanyu.

Yoweli 1:19

Ii Yave! Kinoovekelani Nyuwo, niwoko mooro woohisa waacihiwamo axinama ni malumi a mooro aalaliha nyiri sootheene sa mmatta.

Yoweli 2:30

Nkoonihere sootikhiniha wiirimu ni vathi: ephome, mooro ni amarimbu a mwiixi.

Levitiku 10:2

Vano Yave aarumiha mooro onaalaliha ni yaahookhwa vamaithoni wa Yave.

Amosi 1:4

kinoohisa empa ya Hazayeli, ni malumi a mooro anoolaliha moolipamo mwa Ben-Hadade.

Amosi 1:7

Tivawo kineeraaka kirumihele mooro ixiri sa oGaza, ni malumi a mooro anoolaliha moolipamwaya.

Amosi 2:5

Tivawo kineeraaka kirumihele mooro oYuda, olaliheke moolipamo mwa oYerusaleemu.”

Amosi 4:11

“Kaaphwata isidadesanyu ikina ikina, ntoko kaaphwantaaka oSodoma ni oGomora. Mwaari ntoko nrusuwela, mene waarookhalaru hiiho, nyuwosa khamuhokoleenle wa Miyo,” onghima Yave.

Amosi 5:6

Mmwaase Yave ni munookhalano okumi; ohiyanawaya, Owo onimwiixoonihera ntoko mooro eriyari ya ekhapira ya Yoseefe, mwa yoowo onuulalihe esidade ya oBeteli, ahikhalakaruwo aneera acipihe.

Amosi 7:1

Aakoonihenraawe Yave, onlamula sootheene, ti ela: Owo aamureherera nasope vahoolo wa ohepha wa mwene, ehuhuweene yeele onthapuruwaaya ohepha wanaaveeli.

Amosi 7:7

Owo aakooniheratho ela: Kaamoona Yave eemenleene muxerexere exiri yootekiwa ni efiiyu yoowookolelano, avarenleene efiiyu yoowookolelano.

Mikeyasi 1:4

Vathivawe, nyaako sintothowa ntoko nnyooma nreene vayikho, ni nyala sinookurukunduwela vathi ntoko maahi mancipale ekhuruwaka vamwaako.

Nahumi 1:6

Khaawo angwera ovilela onyoonyiwawawe hata isarasawe. Onyoonyiwawawe omvarela ntoko mooro ni nyala simphweeya ohoolowawe.

Nuumeru 16:35

Vano waahoorwa mooro waakhumelela wa Yave onaalaliha asilopwana macira meeli ni miloko mithanu yaaveleela erubani*.

Deuteronomiyo 32:22

Vano mooro woopatta musaranimwaka: Onuukhuruwe mpaka moowiixeraxa wa okhwa, ohisaka etthaya ni soohephasaya, olalihaka mathipelo a nyaako.

aHeberi 1:7

Mwaha wa andyelo, eenre: “Owo onaatatuxa andyelowaawe epheyo, ni arumeiyaawe malumi a mooro.”

Ethupululo 4:1

Vahoolo wa itthusene seiya kaaweha, ni ohoolowaka waakhala mulako woohuleya wiirimu. Nsu kiiwalaaka woopacera nuulumaka ni miyo ntoko nipalapatta, naaheera: “Ngweleke va ni kinoowooniherani yeeyo eneera ekhumelele vahoolo wa itthusene seiya.”