Amosi 7:17 - Emakhuwa Bible

¹⁷ Vaheera Yave ongweerelani: ‘Amwaarinyu anoothatuwa puuta a musidade, ni anamwaniinyu asilopwana ni asithiyana animwiiviwa ni ekatana. Ilaposanyu sinookawaniwa, ni nyeenyuweene munookhwela omalaponi. Vano, woohihovela, Yixrayeli onooronghiwa wootthukiwani elapo ekina, ottai wa elapo oyareliwaawe.’”

Amosi 7:17 Iomraidhean Croise

2 Mamwene 17:6

Mwene a wAsiriya aakuxa oSamariya vayaakhani yanaathannaaxexe ya olamula wa Hoxeya, anaavarela aYixrayeli wAsiriya. Aahaatekiha oHala, elapo ya oGozani, mukerekhere mooloko Habori ni mmittettheni sa oMedesi.

Icipo 78:55

Aahoomola miloko saakhalamo avahaka mulokwaaya ilaposaya ntoko yoohiyeriwa; aapakiha weera ipuumba sa oYixrayeli siitekihemo mmaheemanimwaya.

Yesaya 13:16

Anamwanaaya asikhaani anoohononeliwa vamaithoniwaya; vaatewaya onoohuhuliwa ni axaaraya anoopuheriwa.

Yesaya 22:18

Owo onimookhunyanyani ntoko boola oovonyerekeni mweelaponi etokotoko. Iwo munimookhwa ni ikaarosanyu sa ikavalu* sooreeraxa sinookhalawo ntoko wuulihiwa muru wa vaate wa pwiiyaanyu!

Yeremiya 14:16

Ni wa yaawo anaathaliheraaya anoovonyerasiwa mmiseweni sa oYerusaleemu niwoko na ekatana ni etala. Khawowo aneera ahale weera aavithe naari axaaraaya, anamwane asilopwana hoye hoye asithiyana. Miyo kinimwaamoroxela erisa awosa amphwanelaaya.

Yeremiya 20:6

Ni nyuwo, Paxuri, ni emusaanyu yootheene munookhala ntoko anamatthukiwa oBabiloniya. Wu munimookhwa ni munoovithiwa – nyuwo ni asithamwenaanyu ootheene mwa yaawo mwaathalihenraanyu soowootha mwa Nsina na Yave.’”

Yeremiya 28:12

Mprofeeti Hananiya amalihaleene opasa nihasu muxiko wa mprofeeti Yeremiya, Yave amweerela Yeremiya:

Yeremiya 28:16

Tivawo Yave oneeraawe ha: ‘Kinimoovenxani mulaponi. Nyuwo munimookhwa mutano, niwoko moomvaanya Yave.’ ”

Yeremiya 29:21

Yave a ikuru sootheene, Muluku a oYixrayeli oneera ha mwaha wa Ahabi, mwaana mulopwana a Kolaya ni wa Zedekiya, mwaana mulopwana a Maaseya, anoothaliherani nyuwo soowootha mwa Nsinanaka: “Miyo kinoowinnyererasa mmatatani mwa Nebukadenezari, mwene a oBabiloniya, ni owo onoowiiva, nyuwo moonaka.

Yeremiya 29:25

“Yave a ikuru sootheene, Muluku a oYixrayeli oneera: Nyuwo moorumiha ikaratta mwa nsinananyu wa muloko wootheene wa oYerusaleemu, Zefaniya, mwaana mulopwana a musaserdoti* Maaseya, ni wa asaserdoti* ootheene. Nyuwo mmweerenle ha Zefaniya:

Icipo Soolalamika 5:11

Asithiyana ampuherasiwa oSiyoni, ni aximwali oowiikosoopa ampuheriwa mmasidadeni sa oYuda.

Ezekiyeli 4:13

Yave aaheera: “Mooteene yoowo, aYixrayeli animooca yooca yoohitteela eriyari ya miloko kineeraaka kiwoomolele.”

Hoxeya 9:3

Awosa kheepwaherera okhala mulaponi mwa Yave; wEfrayimi onoohokoleela wExipitu, ni wAsiriya onimooca yooca yoohitteela.

Amosi 6:7

Tivawo nyuwosa muneeraanyu mukhale eriyari ya yaawo eniipacere oronghiwa wootthukiwani elapo ekina; sinoomala ifesta sa yaawo ankhala moopuhani.

Amosi 7:11

Onghimaawe Amosi ti ela: ‘Yerobowami onimwiiviwa ni ekatana, ni woohihovela Yixrayeli onooronghiwa wootthukiwani elapo ekina, ottai wa elapo oyareliwaawe.’ ”

Amosi 8:1

Yave a ikuru sootheene ookoonihera mpapara wa soowiima soowiitthwa.

Amosi 9:1

Kaamoona Yave valtaarini* ni Owo aaheera: “Mmane vasulu wa amarimbu weera sittikinyeye isereemu. Mpakihe weera iyo saamorele ootheene arimo; ni yaawo eniihalahale kinoowiiva ni ekatana. Khawoworu anaatthawe naari anoopowe.

Amosi 9:8

Woohihovela Yave a ikuru sootheene ongwehexexa omwene ola wootthekeya. Miyo kinoohonona mulaponi, mene nkiphwata woomalela ekhapira ya Yakobe,” onghima Yave.

Mikeyasi 1:16

Mmetthe mayihaanyu mooniheraka wiikhupanyera mwaha wa anamwane mwa yaawo munaahakalalelaxaanyu; mmetthe mputu moli ntoko mwaaxaana a nrepo, niwoko awosa aaronghiwa wootthukiwani.

Zakariya 14:2

Kinoothukumanyiha miloko sootheene weera siwaneno oYerusaleemu; esidade enookuxiwa, impasaya sinoohuhuliwa ni asithiyana anoopuheriwa. Eriyari ya amaki a esidade anooronghiwa ottai ootthukiweene, mene akinaawo kheeronghiwa.