Amosi 7:13 - Emakhuwa Bible

¹³ Ohithaliheretho otthuna wa Muluku oBeteli, niwoko nna ti Nipuro Nootteela* na mwene ni empa ya olapa ya omwene.”

Amosi 7:13 Iomraidhean Croise

1 Mamwene 12:29

Aamurumihela mwaamombe mmoha oBeteli ni mukina oDani.

1 Mamwene 12:32

Aakhaliha efesta munihukuni na naamuloko ni mathanu na mweeri wanaathannaararu, ntoko efesta yaapakiwa oYuda, ni aapaka sooveleela valtaarini*. Aapaka yeeyo oBeteli, aapakelaka sooveleela aximombe eeli aapankaawe. Aahaakhalihatho asaserdoti* oBeteli, mmapuroni ootteela aatekenlaawe miluku sikina.

1 Mamwene 13:1

Yave aamulamula mulopwana a Muluku mmoha okhuma oYuda arowaka oBeteli, Yerobowami eemenleene valtaarini* weera ahise erubani*.

2 Mamwene 14:24

Aapaka yoonanara vamaithoni wa Yave ahihiyakaru soottheka sa Yerobowami, mwaana mulopwana a Nebati, mwa seiye aatthekihalaaweno aYixrayeli.

Yesaya 30:10

Awosa aniweerela anamoonihera*: “Muhikhalenotho moonelo!” ni wa maprofeeti: “Muhinooniheretho yeeyo eri ya ekhaikhai! Munithalihere masu oosiveliha, muhime iyoonihero soolokottha.

Yeremiya 26:9

Heeni nyuwo muthalihenraanyu otthuna wa Muluku mwa Nsina na Yave muhimaka weera Empa ya Muluku ela enookhala ntoko oSilo ni weera esidade ela enoophwatiwa ehiiweke?” Ni muloko wootheene waamurica Yeremiya Mpaani mwa Yave.

Amosi 2:12

“Vaheera nyuwosa moopakiha weera aNaziri* ewure eviinyu, munaalamulela maprofeeti weera ehithalihere otthuna wa Muluku.

Amosi 3:14

“Vanihukuni Miyo kineeraaka kaattaruxe aYixrayeli mwaha wa sootthekasaya, kinimwaaphwata altaari* a oBeteli; manyaka a altaari* anoothikiliwa, emoreleke vathi.

Amosi 5:5

muhaase oBeteli, muhirowe oGiligali, muhivireru oBerexeba. Vano vekhaikhai, amaki a oGiligali anoroonghiwa wootthukiwani, ni oBeteli onooheliwa nthala.”

Amosi 7:16

Vanonto, mwiiwe masu a Yave, nyuwo muneera: ‘Muhithalihere oYixrayeli otthuna wa Muluku, ni muhihiyerere olaleera ekhapira ya Isaaki.’

Amosi 7:9

Vaheera mapuro oolapa a Isaaki anooheliwa nthala, ni mapuro ootteela a Yixrayeli anoophwatiwa; Miyo kinoovenyera ekhapira ya Yerobowami kikuxaleene ekatana.”

Miteko 5:28

mwa yoowo aaweerenle: “Nohoolamulelani nnenesene weera muhixuttihe mwa Nsina nne. Wa soothesene, nyuwo moosariha oYerusaleemu ni nihusihonanyu, ni muntthuna onoothera ephome ya Mulopwana Owo.”

Miteko 5:40

Awo yaaviriyeliwa ni masu a Gamaliyeli. Yaawiitthana arummwa ni yaalamulela weera ewaaxuliwe. Vahoolowaya yaahaalamulela weera ehuulume mwa Nsina na Yeesu, ni yaahaahiya erowaka.