Amosi 5:8 - Emakhuwa Bible

⁸ Yoowo opanke mikuttula sa ithenyeeri ithannapiili ni mikuttula sa ithenyeeri siitthaniwa Oriyoni*, ontatuxa epiphi ekamaama ni othana wa epiphi ya ohiyu; Yoowo oniitthana maahi a ephareiya, anamwaraxela mulaponi, vano Nsinanawe ti Yave.

Amosi 5:8 Iomraidhean Croise

Yobi 12:22

Onthupulula mpiphini itthu soowiixera, anaruuhela waara mpiphini mooriipihana.

Yobi 37:13

Muluku onruuha mahutte – vakina waattaruxa atthu – vakinatho ohelela etthayaawe ni owoonihera osivelawawe.

Yobi 38:34

Nyuwo munoowera okhuwela mpaka mmahutteni ni wiirupihela epula etokotoko?

Yobi 9:9

Owo Mpattuxa a Ursu* ni Oriyoni*, a mikuttula sa ithenyeeri ithannapiili ni mikuttula sa ithenyeeri sa mpatta wa ohitto.

Icipo 104:20

Nyuwo munruuha epiphi, oniila; vano axinama a ntuphini animweetteetta.

Icipo 105:28

Aarumihela epiphi mweelaponi ni yaakhala, niwoko awosa yaavaanya maswaawe.

Yesaya 42:16

Kinooweettiha oohoona mphironi ahisuwenlaaya; mphironi soohisuwanyeya kinooweettiha. Kinootatuxa epiphi waara ohoolowaya ni iphiro soothipeya kinoothatawaliha. Ti seiyo itthu kineeraaka kipake, ni Miyo nkaahiya.

Yesaya 59:10

Hiyo ninaapapela exiri ntoko oohoona naasaasaka ntoko atthu oohikhalano maitho. Ninkwakwathuwa othana ntoko oreene ohiyu. Variyari wa oolipa hiyo nri ntoko anamakhwa.

Yeremiya 16:21

“Tivawo kineeraaka kaaxuttihe; emaara ela kinimwaaxuttiha sa ikurusaka ni owerawaka. Vano anoosuwela weera Nsinanaka ti Yave.”

Yeremiya 33:2

“Yave opanke erimu, Yave okhalinghe, analipiha, mwa Yoowo Nsinanawe ti Yave, vano Owo oneera ha:

Amosi 4:13

Yoowo ompaka nyaako, ompattuxa epheyo ni onimusuweliha mutthu soowuupuwelasawe, yoowo ontatuxa ekamaama ya oxa epiphi, ni onnyikala nyaako sa mulaponi –Nsinanawe ti Yave, Muluku a ikuru sootheene!

Amosi 8:9

Nihuku nno,” onghima Yave onlamula sootheene, “kinoopakiha weera nsuwa nineele othana eriyari, ni oreene ngwee kiruuheleke epiphi elapo.

Amosi 9:6

Yave onteka ikwartusawe sa osulu wiirimu ni onkhaliha mathipelowaaya vatthayani. Owo oniitthana maahi a mphareiya, anamwaraxela vatthayani. Nsinanawe ti Yave.

Matheyo 4:16

Muloko wa atthu waakhala mpiphini waahoona waara otokotoko. Waara waahaarweela atthu yaakilaathiye wa elapo ya munttuusi wa okhwa.”

Luuka 1:79

weera aamwaleele yaale ari mpiphini ni mmunttuusini wa okhwa, ni weera aneettihe mphironi ya murettele.”