Amosi 5:2 - Emakhuwa Bible

² “Mwaamwali oowiikosoopa oYixrayeli, oomora woohiweherera ovenyatho. Oothaamiwa mulaponimwawe ni khawoworu aneera amvenxe.”

Amosi 5:2 Iomraidhean Croise

2 Mamwene 15:29

Mweehuhuni ya olamula wa Peka, mwene a oYixrayeli, Tigelati-Pileseri, mwene a wAsiriya, aavolowa, anakuxa wIyoni, wAbeli-Beti-Mahaka, oYanowa, oKedexi ni oHazori. Aakuxatho oGiliyadi ni oGalileya vamoha ni elapo yootheene ya oNafitali, anaavara atthu aaronghaka wAsiriya.

2 Mamwene 17:16

Aahiya malamulo ootheene a Yave Mulukwaaya, eniipakela miluku miili ni ekhalelo ya mwaamombe a eseeta, nitho nrimbu nimoha nootteeliheriwa Axera. Aakokhorela oohoolo wa ithenyeeri sa wiirimu, enamulapa Bahali*.

Yesaya 14:21

Mureherere nipuro noowiivela anamwanaawe niwoko na soottheka sa makholowaaya; awosa ehivenyeru weera yaakhele elapo esarihaka isidadesaya.

Yesaya 24:20

Etthaya emveveleya ntoko namuhapaliwa; enttikinyeya ntoko mukottha ni epheyo. Emmora ni olemelaxiwa niwoko na nthowanaya na ovaanya ni kheevenyatho.

Yesaya 3:8

oYerusaleemu onooveveleya; oYuda ohanle vakhaani omora; maswaaya ni mitekosaya nsiniiwanana ni Yave, siramusaka okhalawawe woovuwa.

Yesaya 37:22

Masu Yave omuulumenlaawe yoowo ti ala: Mwaamwali oowiikosoopa a oSiyoni ohooveihani ni ohootthebwani. Mwaana muthiyana a oYerusaleemu ompukunya muru nyuwo mutthawaka.

Yesaya 43:17

eettinghe ikaaro sa ikavalu* vamoha ni ikavalusaya*, anakhotto ni anamakhaviheraaya ni awosa yaattakaneelamo ehivenyakatho – emalihiweene, aani aacipihiwa ntoko mutthambo. Vanonto Yave ola oneera ha:

Yeremiya 14:17

“Mwaaleele ha: ‘Maithwaaka esareyeke maithori ohiyu ni othana woohihiyerera, niwoko mwanaka oowiikosoopa, mulokwaaka, oovulalaxa, oomaniwa moota woowoopiha.

Yeremiya 18:13

Tivawo Yave oneeraawe ha: “Mwakohakohe eriyari ya miloko: Ookhala otonke wiiwa itthu ntoko iya? Etthu yoowoopihaxa opankaawe mwali oowiikosoopa, Yixrayeli.

Yeremiya 2:27

Vano, aneerela mwiri: ‘Nyuwo tiithaaka,’ ni wa nluku:‘Ti nyuwo mukiyanre.’ Aakirera ettuli ni khaakiwenghe, vaheera mmakacamihoni aneera: ‘Murwe munivuluxe!’

Yeremiya 31:4

Miyo kinimootekatho, Ii! Mwaamwali oowiikosoopa oYixrayeli! Weyo onooraseliwa! Weyo onimwiiphwanelihatho ni miheya ni onookhuma wiinaka ni yaawo anghakalala.

Yeremiya 4:20

Erisa enttharelana erisa; elapo yootheene yooheleya nthala. Wootutuxereya iheemasaka soophwatiwa vamohamoharu moowiipithamwaka.

Yeremiya 50:32

Namwiixoona onookwakwathuwa, uuweke ni khaawo anaamukhavihere ovenya. Kinoopattiha isidadesawe, ni mooro onoolaliha sootheene sa mukhwipimwawe.”

Yeremiya 51:64

Vano mweere: ‘oBabiloniya onoottatta ntoko hiiha ni khootekiwatho, niwoko na erisa kineeraaka kiruuhele. Ni mulokwaaya onoomora. Mpaka va masu a Yeremiya.’ ”

Yeremiya 8:4

“Mwaaleele: ‘Yave oneera ha: Atthu yaamoraka, khaamvenyatho? Mukina ahapuwa, khanghokoleelamotho?

Yeremiya 9:21

Okhwa woowela onavolowa muxanelanimwahu ovolowakatho mapurowaahu oolipihiwaxa; wohaamalamaliha anamwane mmiseweni ni amiravo mmapuwani.

Yeremiya 9:9

Kintthuneya waattaruxa niwoko na yeeyo,” onghima Yave. “Kintthuneya wiinlela ikukuttula muloko ntoko ola.”

Icipo Soolalamika 2:13

Ii! Mwaana muthiyana a oYerusaleemu, kooleeleketho eheeni? Kheewowo enlikana ni yawawo! Ii! Mwali oowiikosoopa a oSiyoni! Moota heeni kineeraaka koopepese? Nikhwattanawo ti noowiixera ntoko ephareiya. Taani anoolamihe?

Hoxeya 14:1

Ii! oYixrayeli, ohokoleele wa Yave, Mulukwaawo. Sootthekasawo sohoomoroxa!

Hoxeya 6:2

Eviraleene mahuku meeli, Owo onoonivahatho okumi; vanihukuni nanaararu, onoonireherera weera nikhale vamaithoniwawe.

Amosi 8:14

Yaale anlipela mwa nsina na oSamariya yeeraka: ‘Mwa nsina na muluku a oDani,’ hoye hoye, ‘Mwa nsina na muluku a oBerxeba,’ anoomora woohivenyatho.”

Amosi 9:11

“Nihuku nno kinooreherera eheema ya Davide emonre. Kinooreherera yeeyo mipattasaya soonanara, ni kinoorasela milepesaya. Miyo kinimweemexa ntoko yaaraaya khalayi,