Amosi 5:18 - Emakhuwa Bible

¹⁸ Ii! Nyuwosa munghaawela nihuku na Yave! Munghaawelela heeni nyuwosa nihuku na Yave? Nno nnikhale nihuku na epiphi, ohikhanle waara.

Amosi 5:18 Iomraidhean Croise

Yesaya 13:6

Mulalamike, niwoko nihuku na Yave nookhuveela; nnimoowa ntoko ophwata wa mpatta wa Namaweraxa.

Yesaya 24:18

Ootheene antthawa okhuweliwa wa woopiha, anoomorela mulittini; ootheene ankhuma munlittini, anoopharihiwa. Milako sa wiirimu soohuleya; mathipelo a elapo ya vathi anootetereya.

Yesaya 5:19

yaale aneera: “Muluku aakuvihe ovara mutekwaawe weera hiyo noone; ekwanihereye yoovaanela ya Ootteela a oYixrayeli weera nisuwele.”

Yesaya 5:30

Nihuku nenenenno awosa anootturumela oYuda ntoko oruma wa ephareiya. Mukina aweha elapo ya oYixrayeli, onimoona epiphi ni othanana; mpaka waara wa othana onimwiilihiwa ni mahutte.

Yesaya 58:2

Vano khula nihuku awosa annikaasa; awosa antthunaxa osuwela iphirosaka ntoko waari muloko ompaka yeeyo eri yooreera ni ohihingye malamulo a Mulukwaaya. Awosa ankivekela soolakela sa ekhaikhai ni ankhala ntoko anamahaawela weera Muluku aakhuveele.

Yesaya 8:22

Vahoolowaya anooweha vathi, yooneke othanana ni epiphi yoowoopiha paahi ni anoovonyeriwa mpiphini moohoonaniwa.

Yesaya 9:19

Elapo enoohisiwa niwoko isara sa Yave a ikuru sootheene ni atthu anoovareliwa muteko weera mooro owo opwaherere; khawowo anaamuurele munneiye.

Yeremiya 13:16

Mumvuvihe Yave Mulukwaanyu ahinaaye oruuhela epiphi ni, inaawosananyu sihinaaye okwakwathuwa mmattumuxani oosareya epiphi. Nyuwo mungweherera waara, mene Owo onootatuxa epiphixa, aani Owo onootatuxa ewiriphi.

Yeremiya 17:15

Aakhala akina ankeerela mahuku ootheene: “Masu a Yave ari woowi? Awo ekhwanihereye!”

Yeremiya 30:7

Moota nneeraaya noopihe nihuku nno! Noohilikanxereya! Eniikhale ehuhu ya othanana wa Yakobe; mene owo onoovuluxiwa.

Ezekiyeli 12:22

“Mwaana a mutthu, nxiripulo heeni nna nyuwosa murinaanyu oYixrayeli nneera: ‘Mahuku amvira ni nyoonelo sootheene khasivareleya muteko.’

Ezekiyeli 12:27

“Mwaana a mutthu, muloko wa oYixrayeli oneera ha: ‘Moonelo owo onoonaawe oniweereye muhoolommo, ni owo onthalihera otthuna wa Muluku mwaha wa sa muhooloxa.’

Yoweli 1:15

Ii! Nihuku nno! Vano nihuku na Yave nookhuveela ni nnimoowa ntoko ophwata wooweraxa wa Muluku a ikuru sootheene.

Yoweli 2:10

Ohoolowaya elapo enootetereya, erimu enothukumela, nsuwa ni mweeri soophilaatteya ni ithenyeeri soohiya waara.

Yoweli 2:11

Yave onnakhuwela ohoolo wa anakhottwaawe. Awo ari oohaalikeleya ni yaawo aniiwelela nlamulonawe ari ooweraxa. Nihuku na Yave ti ntokotoko ni noowoopihaxa. Khaawo anaawere ovilela.

Yoweli 2:31

Nsuwa nnithatuwe epiphi ni mweeri onuuthatuwe ephome nihinaaye ophiya nihuku ntokweene ni noowoopihaxa na Yave.

Obadiya 1:15

Nihuku na Yave nookhuveela wa miloko sootheene. Mweenre mpaka hiiha, munoopakeliwatho. Yoonarara mpankaanyu, enimoomorelani.

Malekiya 4:1

“Vano, vekhaikhai nihuku ntokotoko nnoophiyera ntoko ttukuttha. Anamwiixoona ootheene ni atakhali ootheene anookhala ntoko ikokhola, ni nihuku nno ninrwa onimwaapattela mooro,” oneera Yave a ikuru sootheene. “Khoohalaru mukwankhwaari naari mano nikukhu.

Deuteronomiyo 32:24

Kinimwaarumihela etala yoowiiva, xipwexa oowoopiha ni soohooxa soowiiva. Kinimwaarumihela axinama ooluwa ni inowa soohapala siniipurula vathi.

2 Pedru 3:10

Wa soothesene, nihuku na Apwiya nniwe ntoko namwiiya. Wiirimu onuulakaseye ni oruma otokotoko; itthu sa vathi nsiphwatiwe ni mooro, ni elapo ya vathi ni mitekosaya nsiruliwe.

2 Pedru 3:4

mwa yaawo eniyeere: “Ori woowi orwawawe woororomelihiwa? Okhuma okhwa wa makholowaahu sootheene simpwaherera ntoko okhuma ompacereroni wa ephattuwelo.”