Amosi 5:14 - Emakhuwa Bible

¹⁴ Mwaasaase mpuha ohikhanle yoonanara, weera mukhaleno okumi. Hiiho Yave, Muluku a ikuru sootheene, onookhala ni nyuwosa ntoko muhimmaanyu.

Amosi 5:14 Iomraidhean Croise

Epacerero 39:23

Mutokweene a mukaliposo kheewo aapwatthaawe mwa itthu saari ni Yoseefe, niwoko Yave aari ni yoowo. Hiiho sootheene Yoosefe aapakaawe, sannamweettela nnenesene.

1 Nyaha 28:20

Davide aamweerelatho: “Olipe ni ominye murima! Ovare muteko! Ohoove hata ohiporore, niwoko Muluku, Yave Mulukwaaka, ori ni weyo. Owo kharwa oohiya hata oothaama mpaka omala otekiwa wootheene wa Empa ya Yave.

2 Nyaha 15:2

Owo aarowa omukumanano Asa, anamweerela: “Asa vamoha ni muloko wootheene wa oYuda ni oBenyamini, mukiwiriyane: Nyuwo mwakhala ni Yave, Owo onookhala ni nyuwo. Mwamwaasa, Owo onimootthuniherani omphwanya, vaheera mwamuhiya, Owotho onimoohiyani.”

Icipo 46:11

Yave a ikuru sootheene ori ni hiyo; Muluku a Yakobe ti Nipuronahu Noolipaxa. Sela*

Icipo 97:10

Yaale animusivela Yave ethanye soonanara, niwoko Owo onkosoopa okumi wa oororomeleyaawe, aavuluxaka mmatatani mwa atakhali.

Okhuma 3:12

Muluku aamwaakhula: “Miyo nkikhale ni nyuwo. Ni ela eri eneneero weera ti Miyo kinoorumihani: Mwaakhumihaka atthu mwExipitu, nyuwosa mmwinlape Muluku mwaakweene yoola.”

Masu a Miruku 11:27

Yoowo onaasaasa mpuha onoophwanya murima wooreera; vaheera yoonanara enimurowela yoowo onaasa.

Yesaya 55:2

Munnanarihela heeni musurukhu ni etthu ehinciwa ni mwiikhulumulakano muteko woohiphureleya etthu? Mwiiwe, mukiiwe ni muce yeeyo eri yooreera ni okumaanyu onoohakalalela sooca sooreerelaxa.

Yesaya 8:10

Naari nyuwosa mpakaka miruku, iyo sinoopupurumiheya; naari mvaanelaka, khasiweettelani nnene, niwoko Muluku ori ni hiyo.

Amosi 3:3

Atthu eeli ehiiwananaka, animweetta vamoha?

Amosi 5:6

Mmwaase Yave ni munookhalano okumi; ohiyanawaya, Owo onimwiixoonihera ntoko mooro eriyari ya ekhapira ya Yoseefe, mwa yoowo onuulalihe esidade ya oBeteli, ahikhalakaruwo aneera acipihe.

Mikeyasi 3:11

Ahoolelaaya anlakela yeerelaka makhwankwa, asaserdotaaya anxuttiha yeerelaka owina, ni maprofeetaaya antthoma yeerelaka musurukhu. Eyo eri hiiho, aniikhaviherano Yave, yeeraka: “Yave ori eriyaraahu. Kheenikhumelelaru erisa.”

Mikeyasi 6:8

Ii! Mutthu, Owo oowooniherani yeeyo eri yooreera ni yeeyo Yave onnyesererihaawe: Mpake ekhaikhai, musivele ororomeleya ni mweette oowiiyeviheene ni Mulukwaanyu.

Zefaniya 2:3

Mmwaase Yave, ootheene nyuwo oowiiyeviha a mulaponi, nyuwosa mumpaka yeeyo Owo olamulenlaawe. Mwaasaase ekhaikhai; mwaasaase wiiyeviha; apaale nyuwosa mmwikhaleno wootthawela vanihukuni na isara sa Yave.

Nuumeru 16:3

Awosa yaamwaattamela Moisesi ni Aharoni, enaweerelasa: “Wookwana! Muthukumano wootheene ola ti wootteela, khula mutthu a yaawosa ti ootteela, ni Yave ori eriyaraayasa. Vano heeni nyuwosa muniixunnuwihaanyu mmuthukumanoni wa Yave?”

Matheyo 1:23

“Mwaamwali oowiikosoopa anaarupale, ni anaamuyare Mwaana Mulopwana ni atthu eniimwiitthane Emanuweli, entaphulela: Muluku ni hiyo.”

Matheyo 28:20

mwaaxuttihaka wiiwelela sootheene Miyo koolamulenlaakani. Ni Miyo kinookhala ni nyuwo mahuku ootheene, mpaka ommaleloni wa ehuhu.”

Matheyo 6:33

Mwaasaase toko omwene wa Muluku ni opaka otthunawawe, ni itthu seiyo sootheene mmwivahiwe nyuwo.

2 Timootheyo 4:22

Apwiya ekhale ni munepaawo. Mahala ekhale ni nyuwo ootheene.

Yoxuwa 1:9

Kohoolamulelani: Mukhaleke ookhomaala ni oolipa murima. Muhoove hata muhiporore, niwoko Yave Mulukwaanyu onookhala ni nyuwo weiwo muneeraanyu mvire.”