Amosi 4:11 - Emakhuwa Bible

¹¹ “Kaaphwata isidadesanyu ikina ikina, ntoko kaaphwantaaka oSodoma ni oGomora. Mwaari ntoko nrusuwela, mene waarookhalaru hiiho, nyuwosa khamuhokoleenle wa Miyo,” onghima Yave.

Amosi 4:11 Iomraidhean Croise

Yesaya 13:19

oBabiloniya, nluku noowaaraxa na omwene wootheene, waara wa ovuwa wa aBabiloniya, onoophwatiwa ni Muluku ntoko oSodoma ni oGomora.

Yesaya 7:4

Mwamuleele: ‘Mwiipasoope, mwiimaalihe ni muhoove. Muhiporore niwoko na ikhuuni piili iya sintthuwa mwiixi – niwoko na isara sa Rezini ni Arami ni sa mwaana mulopwana a Remaliya.

Yesaya 9:12

awArami a mpatta ninkhuma nsuwa ni aFilisti a mpatta ninkela nsuwa yaanyaanya woomalela oYixrayeli. Sirookhalaru sootheene iye, isara sa Muluku khasihapungwe ni ntatanawe nri etheteeliwo.

Yeremiya 23:14

Ni variyari wa maprofeeti a oYerusaleemu kohoonatho etthu ya mwiikho ela: Awosa anraruwa, okhalawaya ti woowootha. Awosa anaalipihera yaawo ampaka soonanara weera ahikhaleru a yaawo anaarukunxe murima mwa sootakhalasawe. Wa Miyo, ootheene yaawo anlikana oSodoma; amaki a oYerusaleemu anlikana oGomora.”

Yeremiya 49:18

Mooteene yoowo waaphwatiwaaya oSodoma ni oGomora vamoha ni isidade soowaattamana,” oneera Yave, “hiihotho khaawo anaamakewotho, naari mutthu mmoha.

Yeremiya 5:3

ii! Yave, maithwaanyu anaasaasa ekhaikhai. Nyuwo mwaahaavulaliha, mene awosa khayoonne ovoreya; mwaahaattaruxa, mene yaakhoottha olakiwa. Yaahuumihaxa mirimasaya, ekhoottaka orukunxa murima.

Yeremiya 50:40

Mooteene yoole Muluku aaphwantaawe oSodoma ni oGomora ni isidade soowaattamana,” onghima Yave, “khaawo anaamakewo, naari mmoha.

Ezekiyeli 24:13

Vano, soohitteelasanyu ti soohaawelasanyu. Keenre Miyo kahaawela wootteelihani, ni nyuwo khamutthunne otteelihiwa, nyuwo khamuhokoleela okhalatho ootteela isarasaka sihookhurunuwenleni.

Hoxeya 11:5

Awosa anoohokoleela wExipitu ni awAsiriya animwaalamula niwoko na okhoottawaya orukunxa murima.

Hoxeya 11:8

Moota heeni kineeraaka koohiyeeni Efrayimi? Yixrayeli, moota heeni kineeraaka kiwinnyerereni mmatatani mwa akina? Moota heeni kineeraaka koopakeeni ntoko kaampankaaka Adema? Moota heeni kineeraaka koopakeleni yeele kaampakenlaaka Zeboyimi? Murimaaka khoonoona mathanlelo; ikhararisaka sootannyereya.

Amosi 4:6

“Ti Miyo koovolihani etala wa khula esidade, ni othowa wa yooca mmapuroni moothemwene, ni waarookhalaru hiiho, nyuwosa khamuhokoleenle wa Miyo,” onghima Yave.

Axewu 2:17

Miyo koophwata muteko wootheene wa matataanyu ni nihooxo, murawa ni maralala, vaheera nyuwosa khamwaahokoleenle wa Miyo,” onghima Yave.

Zakariya 3:2

Yave aamweerela Satana: “Yave onimoohiihani Satana! Yave othanlale oYerusaleemu onimoohiihani! Mulopwana ola ori ntoko nthatu noovenxiwa vayikho.”

aRooma 9:29

Ntoko Yesaya eenraawetho khalayi: “Apwiya a anakhotto yahaanikhalinghe ekhapira, naamuthatuwa ntoko oSodoma, ni naamulikanyihiwa ni oGomora.”

1 aKorinto 3:15

Yeeyo mukina otenkaawe yasa, anaahaawe mooyeleelani iwo, wa soothesene anaavuluxiwe ntoko mukina onoopowa avinreene mmooroni.

Deuteronomiyo 28:24

Yave onootatuxa epula ettuura ni ntthupi mmamattanimanyu, mwa nenno nneera nirweele wiirimu mpaka ophwatiwawanyu.

Deuteronomiyo 29:23

Elapo yootheene eniikhuneeleye ni maakha, enxofre* ni itthu soohisiwa moota wooweera waala etthu woohimela, kheewo eneera yunnuwewo. Onuukhale ntoko ophwatiwa wa oSodoma ni oGomora, wAdema ni oZeboyimi mwa seiye Yave aaphwantaawe oonyoonyiweene ni isara.

2 Pedru 2:6

Aathorihatho isidade siitthaniwa Sodoma ni Gomora, ahisaka seiye mpaka othatuwa ettuura, apakaka iye ethoonyero sa seiyo seera saakhumeleleke atakhali.

Yuda 1:23

Mwaavuluxe akina ngwookholaka mmooroni; wa akinatho, mwaamorele ikharari ni woova, muthanyaka mpaka ikuwo sivalihiwe ni otakhala wa erutthu.

Yuda 1:7

Moota woolikana ni iya, Sodoma ni Gomora, ni isidade sa mukerekheremwaya, sohiileva wa olavilavi ni wa oraruxana asilopwanaru. Sittaruxiweene ni mooro woohimala, iyo simvarela muteko ntoko ethoonyero.

Ethupululo 9:20

Yaawo yaahanle ehiiviwe ni sohooxa iye, waarookhalaru hiiho, khayaarukunxale murimaaya wa miteko sa matataaya. Awo khayaahiyale olapa minepa soonanara ni miluku sikina sa iyuuma soorikaxa soohiyanahiyana; sa maluku ni sa nyiri; seiyo sahaawera woona, wiiwa, naari weetta.