Amosi 4:10 - Emakhuwa Bible

¹⁰ “Kaahoorumihelasani mahooxo ntoko kaapakenlaaka wExipitu. Kaawiiva amiravo ni ekatana; kaahiya sivariwaka ikavalusanyu*. Kaahunkhihaxa mphulanimwanyu ni wunkha wa anamakhwa mwaakonenlaanyuwo, mene waarookhalaru hiiho, nyuwosa khamuhokoleenle wa Miyo,” ongima Yave.

Amosi 4:10 Iomraidhean Croise

2 Mamwene 10:32

Ehuhuweene yeele Yave aapacera ovukula waatta wa aYixrayeli. Hazayeli aahaawina aYixrayeli a mipatta sincipale sa oYixrayeli,

2 Mamwene 13:3

Isara sa Yave saahaaluttuwela aYixrayeli. Aatthunihera weera ewiniwe ni Hazayeli, mwene a awArami ni mwanawe Beni-Hadadi wa ehuhu yincipale.

2 Mamwene 13:7

Wa anakhotto ootheene a Yehowazi, yaahanle paahi anamweettiha a ikavalu* miloko mithanu, ikaaro sa ikavalu* muloko ni anakhotto macira macireene muloko, niwoko mwene a awArami aahaaphwata akinaawo aaxilaka.

2 Mamwene 8:12

Hazayeli aamukoha: “Pwiiyaaka muniinlelani?” Elixa aamwaakhula: “Niwoko koosuwela itthu soowoopiha muneeraanyu mwaapakele aYixrayeli. Munoohisa mapurowaaya oolipihiwa, ngwiivaka amirawaaya ni ekatana, mwaanyakattaka anamwanaaya ni munimwaaphulakasa oorupala.”

Okhuma 10:27

Yavetho aahuumiha murimaawe Farawu* ni khaatthunihera aYixrayeli orowa.

Okhuma 10:3

Moisesi ni Aharoni yaarowa wa Farawu* emweerelaka: “Yave, Muluku a aHeberi eenre ha: ‘Mpaka yaakhani mukhoottaka wiiyeviha ohoolowaka? Muhiyeke mulokwaaka weera wakilape!

Okhuma 14:4

Vano nkuumihe murima wa Farawu* ni owo onimwaatthimakela. Wa soothesene, Miyo nkittottopeliwe mwa Farawu* ni anakhottwaawe ootheene, ni awExipitu ootheene anoosuwela weera Miyo ti Yave.” Vano aYixrayeli yaapaka hiiho.

Okhuma 15:26

aweerelaka: “Nyuwosa mwamwiiwelela Yave, Mulukwaanyu, ni mwapaka yeeyo onaakhulelaawe ni mwiiwelela malamulowaawe muttharaka ikanosawe sootheene, nkoorumihelasani hata eretta emoha sa seiye kaarumihenlaaka awExipitu, niwoko Miyo ti Yave onoolamihani.”

Okhuma 8:19

Yaamweerela Farawu*: “Ela ti ekatha ya Muluku.” Wa soothesene, murima wa Farawu* waapwaherera wuumihiwa ni owo khaatthuna owiiwa, ntoko Yave eenraawe.

Okhuma 9:12

Mene Yave aahuumiha murima wa Farawu* ni owo aakhootta omwaakhulela Moisesi ni Aharoni, ntoko Yave aamuleenlaawe Moisesi.

Okhuma 9:17

Wa soothesene, nyuwo nlelo munnyeserera wooceeliha mulokwaaka muhitthuniheraka orowa.

Yesaya 34:3

Anamakhwaaya anoovonyeriwa vaate; mittembosaya sinimunkhaxa; nyaako sinoosareya ephomaaya.

Yesaya 50:11

Vano, ootheene nyuwo mumpattiha mooro, mwiiwarihakano mithuko sivarelaka, murowe, mweette ngwaarani mwa moorowaanyu ni mwa mithukusanyu mupattinghaanyu. Yeeyo muneeraanyu mwaakhele mmatatanimwaka ti ela: munimwiixaatalela oohooxeyeene.

Yesaya 9:12

awArami a mpatta ninkhuma nsuwa ni aFilisti a mpatta ninkela nsuwa yaanyaanya woomalela oYixrayeli. Sirookhalaru sootheene iye, isara sa Muluku khasihapungwe ni ntatanawe nri etheteeliwo.

Yesaya 9:13

Vaheera muloko khawaamurukunuwenle Yoowo aavulalinghe, naari khawaamwaanse Yave a ikuru sootheene.

Yesaya 9:17

Tivawo Yave ohinaahakalalelaawe amiravo hata ohinaamorelaawe ikharari akwaasuni naari asinaamukhweli, niwoko ootheene aamurakamela Muluku ni a murima woonanara, anuuluma moota woohiloka. Sirookhalaru sootheene iye, isara sa Muluku khasihapungwe ni ntatanawe nri etheteeliwo.

Yeremiya 11:22

aani, oneera ha mwaha wa yaawosa: “Kinimwaattaruxa. Amiravowaaya animwiiviwa ni ikatana ni anamwanaaya asilopwana ni asithiyana ni etala.

Yeremiya 15:3

Kinimwaarumihela nyoota mixexe sa anamaphwata,” onghima Yave, “ekatana weera ewiive, alapwa weera yaapurule ni ipalame sa wiirimu ni axinama a ntuphini weera yaalume ni yaaphwate.

Yeremiya 16:4

“Awosa sinoowiiva iretta soowoopiha. Khaawo anaakhupanyere awosa hata kheevithiwa, mene anookhala ntoko ikokhola vatthayani. Animwiiviwa ni ekatana ni etala ni mittembosaya sinookhala sooca wa ipalame sa wiirimu ni axinama a ntuphini.”

Yeremiya 18:21

Vano ngwinnyerere anamwanaaya mutalani ni mukatanani. Axaaraya etatuxiweke asinaamukhweli woohikhalano anamwane; asiiyaya yiiviwe ni amiravowaaya yiiviwetho ni ekatana mukhottoni.

Yeremiya 48:15

oMowabe woophwatiwa ni isidadesaya sinoovoloiwa; amiravowaaya ooreerela anoorowa owiiviwani,” onghima Mwene, mwa Yoowo Nsinanawe ti Yave a ikuru sootheene.

Yeremiya 49:26

Tivawo, amiravowaaya eneeraaya emorele mmiseweni ni anakhottwaaya ootheene emaale nihuku nno,” onghima Yave a ikuru sootheene.

Yeremiya 5:3

ii! Yave, maithwaanyu anaasaasa ekhaikhai. Nyuwo mwaahaavulaliha, mene awosa khayoonne ovoreya; mwaahaattaruxa, mene yaakhoottha olakiwa. Yaahuumihaxa mirimasaya, ekhoottaka orukunxa murima.

Yeremiya 6:11

Mene miyo koosareya isara sa Yave ni nkingweraru okhalano.” Mwaayeehere seiyo anamwane mmiseweni ni amiravo anthukumana mikuttula mikuttula; asiiya ni axaaraaya anoophwanyiwa ni seiyo ni hiihotho anamuuluvala – yaawosa arino iyaakha sincipale.

Yeremiya 9:22

Mweere: “Yave oneera ha: ‘Mittembo sinookhala ntoko ikokhola vanlakani, ntoko etrigu enghiiwahiiwa ni namahepha, ahikhalaka oothukumanya.’ ”

Hoxeya 11:5

Awosa anoohokoleela wExipitu ni awAsiriya animwaalamula niwoko na okhoottawaya orukunxa murima.

Yoweli 2:20

Kinoowoomolelasani amwiittana anrweela mpatta wa ottuttuwani, kaathaamiheraka munikareni noowuumaxa. Ohoolowaya kinimwaavonyera mphareiyani ya ninkhuma nsuwa ni ottuliwaya mphareiyani ya ninkela nsuwa. Mittembosaya nsunkhaxa.” Vekhaikhai Yave oopaka itthu sootikhiniheya sitokotoko!

Levitiku 26:16

vano Miyo kinimoopakani ha: Kinimooruuhelani woova wootutuxereya, ikwerere soohonona, xipwexa soowiipayipa sineera sooruuheleni evaasi, siyavayavihaka okumi. Munimwaala, mene khamphurela etthu niwoko amwiitthanaanyu animooca izosanyu.

Levitiku 26:25

Kinimoorumihelani ekatana weera mwiinlele ikukuttula wiiraana. Nyuwosa mwaatthawelasaka musidadenimwanyu, kinimoorumihelani nihooxo ni munimwinnyereriwa mmatatani mwa amwiittana.

Amosi 4:6

“Ti Miyo koovolihani etala wa khula esidade, ni othowa wa yooca mmapuroni moothemwene, ni waarookhalaru hiiho, nyuwosa khamuhokoleenle wa Miyo,” onghima Yave.

Amosi 8:3

Yave, onlamula sootheene, oneera ha: “Nihuku nno, icipo siniipiwa Mpaani mwa Muluku, sinoothatuwa soolalamika. Sinookhala mittembo sincipalexa sineera sivonyerasiwe mmipattani sootheene! Fataari mmaaleke!”

Axewu 2:17

Miyo koophwata muteko wootheene wa matataanyu ni nihooxo, murawa ni maralala, vaheera nyuwosa khamwaahokoleenle wa Miyo,” onghima Yave.

Deuteronomiyo 28:21

Yave onimoorumihelasani mahooxo a iretta mpaka ophwatiwawanyu mweelaponi muneeraanyu mwavolowe weera mwakuxe.

Deuteronomiyo 28:22

Yave onimoorumihelasani ikwerere soohonona, xipwexa soowiipaipa, ovihaxa mpaka ohaawela maahi iretta sa irooro, mwa seiyo sineera soohooxaseni mpaka ophwatiwawanyu.

Deuteronomiyo 28:60

Yave onimoorumihelasani iretta soowoopiha sootheene sa wExipitu ni iyo nsookeleeni.

Deuteronomiyo 7:15

Yave onoowaakiherani iretta sootheene. Khasookhumelelani iretta soowoopihaxa ntoko musuwenlaanyu seiye saaphwannye awExipitu; mene sinrowa waakela amwiittanaanyu ootheene.