Amosi 3:8 - Emakhuwa Bible

⁸ Mwatto ohoopa murika, taani aneera ahoove? Yave onlamula sootheene, ohuuluma, taani aneera ahithalihere otthuna wa Muluku?

Amosi 3:8 Iomraidhean Croise

Yesaya 21:10

Ii! Mulokwaaka woonyikaleliwa vanipuroni nimveeriwa* etrigu, miyo kinoothaliherani yeeyo kiiwalaaka wa mpatta wa Yave a ikuru sootheene, Muluku a oYixrayeli.

Yesaya 31:4

Yeeyo Yave onkeerelawe ti ela: “Hiiho ntoko mwatto mutokotoko onoopelaawe murika, mukhwipi yoovaraawe onamurica mukuttula wa akukhuli, owo khanoova okhuwelawaya, hiihotho Yave a anakhotto onookhuruwa weera awane vamwaako Siyoni ni mmattumuxanimwaya.

Yeremiya 20:9

Vaheera miyo keera: “Nkimuromolatho hata nkuuluma mwa Nsinananyu,” maswaanyu anlikana mooro ovarelaka mmurimanimwaka; mooro mpuwa mwa makhuvaaka. Miyo kookhulumuwa niwoko na yeeyo; nkingwera opwaherera moota hiiho.

Yeremiya 26:12

Vano Yeremiya aaweerela ahooleli ni muloko wootheene: “Yave ookirumiha weera kithalihere otthuna wa Muluku Empa ya Yave ni wa esidade ela sootheene mwiiwalaanyu.

Ezekiyeli 29:21

Nihuku nno, kinimwaandyeerera ikuru sa muloko wa oYixrayeli ni eriyaraayasa, kinoohula eyanowaanyu. Hiiho, awosa anoosuwela weera Miyo ti Yave.”

Amosi 1:2

Owo aaheera: “Yave ontturuma oSiyoni ni onkukutteya oYerusaleemu; onuuma ancihaayamo akukhuli, ni ennyaala etthomela ya mwaako Karemeli.”

Amosi 2:12

“Vaheera nyuwosa moopakiha weera aNaziri* ewure eviinyu, munaalamulela maprofeeti weera ehithalihere otthuna wa Muluku.

Amosi 3:4

Mwatto aahivara yoovaraawe, onimoopa murika moothakoni? Ankha mwaaxaana a mwatto onimoopa murika munikhukunimwawe ahilupanttheru?

Miteko 4:20

Khaningwera ohiya wuuluma sa seiyo noonnaahu ni niiwalaahu.”

Miteko 5:20

aweerelaka: “Murowe, mwiixoonihere Mpaani mwa Muluku, ni mwathalihere muloko mutthenga wootheene wa okumi ola.”

Miteko 5:29

Pedru ni arummwa akina yaamwaakhula: “Ontthuneya omwiiwelela toko Muluku, ohikhanle wa atthu.

1 aKorinto 9:16

Wa soothesene, miyo kaalaleiyaka masu ooreeraxa, nkintthuna wiivuwiha, niwoko koolamuliwa olaleiya masu ooreeraxa. Ii! Wa miyo kaahilaleiya masu ooreeraxa!

Ethupululo 5:5

Vano mmoha a asitokweene aakeerela: “Muhiinle, moone! Mwatto a epuumba ya Yuda, mukwankhwaari wa Davide, aawina weera ahule elivuru ni ahule iwalelo ithannapiili.”