Amosi 3:10 - Emakhuwa Bible

¹⁰ “Awosa khaangwera okhalano mweettelo woowookoleleya,” onghima Yave, “awosa anthukumanya moolipamwaya seiyo yiiyalaaya ni ahuhunlaaya.”

Amosi 3:10 Iomraidhean Croise

Yobi 20:21

Kheewo emuhalenle yoonyaanya; weetteleyawawe nnene khoonlekela.

Icipo 14:4

Weeraka yaawo ampaka soonanara khaanxutta etthu – yaawo ankhuura mulokwaaka ntoko mutthu oncaawe yooca, ehimwiitthanaka Yave?

Masu a Miruku 1:13

Nnoophwanya itthu sootheene sootthuneyaxa ni nnoosariha mpaanimwahu seiyo niiyalaahu.

Masu a Miruku 11:16

Muthiyana a nnene omphwanya nttittimiho, vaheera asilopwana oowuuma murima antthukuruwela mihakhu.

Masu a Miruku 28:5

Atthu oonanara murima khaaniiwexexa ekhaikhai, vaheera ammwaasa Yave anniiwexexa nnenesene.

Namalaleiya 4:1

Kaawehatho, kinoona nihasu nootheene nneereya mulaponimu: Kaahoona maithori a oohooxiwa ni khaakhanleru oowaapembesa; olamula ti wa anamahasula, ni khawoworu oowaapembesa.

Yeremiya 4:22

“Mulokwaaka ti mulolo; awosa khaakisuwenle Miyo, ehiiwexexaka etthu. Ankhovelela opaka soonanara, mene khaangwera opaka yooreera.”

Yeremiya 5:4

Kaahuupuwela: “Awo ti oohaawa paahi; ti alolo, niwoko khaansuwela ephiro ya Yave hata soonyesereriha sa Mulukwaaya.

Ezekiyeli 18:7

Owo khanimuhasularu mutthu, mene onghokoloxera yeeyo eemexenraawe mookoongoranimwawe. Khaniiya, mene onaavaha yooca oovoliwa aakawelaka soowara oothaaleliwa.

Ezekiyeli 22:29

Muloko wa mulaponi annyesereriha oliviwa, wiiyaka; onaahooxa oohaawa ni othoiwa waahasulaka anamarwa, waakhoottelaka waapakela ekhaikhai.

Ezekiyeli 8:17

Owo aakeerela: “Mwaana a mutthu, nyuwo mohoona yeeyo? Weeraka miteko soohiira iya khavetthwaayawo muloko wa oYuda? Onootthuneyatho osariha nipuhero mulaponi ni opwaherera okitannyera isara? Moone! Awosa aniikaathi ephandi muxerexere ephula!

Hoxeya 7:1

Miyo keereraka olamiha oYixrayeli, soottheka sa Efrayimi sinkhala vanlakalakani ni sootakhala sa Samariya sinoothupululiwa. Vano awosa ampaka soonanara; anamwiiya amvolowa mmampaani, alavilavi aniiya mmiseweni;

Amosi 4:1

Mwiiwe masu ala nyuwosa imombe ithiyana sa oBaxani muri vamwaako wa oSamariya, nyuwosa asithiyana munaahasula oohaawa, munaattikittha oothoiwa, ngweerelaka asiiyinyu: “Muniruuheleke soowura weera niwure!”

Amosi 5:7

Nyuwosa muntatuxa yookwanela enakhala yoohapala, mumvonyera vathi ekhaikhai.

Amosi 6:12

Weeraka ikavalu* sinootthimaka vasulu mwala? Mukina onoowera ottipuramo ni imombe? Vaheera nyuwosa mootatuxa yoowookoleleya, enakhala yoohapala, ni yoowiima ya ekhaikhai enakhala yoowaawa;

Amosi 6:3

Nyuwosa munuupuwela weera munsusa nihuku noonanara, mene vekhaikhai munkhuveeliha nihuku noowoopihaxa.

Amosi 6:8

Yave onlamula sootheene ohiilipela! Yave, Muluku a ikuru sootheene, oneera ha: “Onkihiira wiixoona wa Yakobe, ni kinthanya impasawe sa emwene; kinimwinnyerera esidade ni sootheene sirimo.”

Mikeyasi 6:10

Vaate wa mutakhali, nkirwa kittiwala muhakhu woophwanyiwa moota woohiroromeleya ni muringo woolokottha ori woolamphwa.

Zefaniya 1:9

Nihuku nno kinimwaattaruxa ootheene anraramela waathi nsele, esarihaka mpaani mwa milukusaya nipuhero ni olokottha.

2 Pedru 3:5

Vaheera awo animwiittiwaliha mwayiini weera khalayi, niwoko na masu a Muluku, waakhala wiirimu ni elapo, ni eyo yaapattuxiwe ni maahi ni yiikaathiwe variyari wa maahi.