Amosi 1:5 - Emakhuwa Bible

⁵ Kinookurumula mulako wa oDamasku; kinoomphwata mwene ori mureyareyani na wAveni, vamoha ni yoole omvarelela ekopo ya emwene oBete-Edomi. Muloko wa wAsiriya onooronghiwa wootthukiwani elapo ekina ya oKiri,” onghima Yave.

Amosi 1:5 Iomraidhean Croise

2 Mamwene 14:28

Vano, mwaha wa sookhumelela sikina sa olamula wa Yerobowami – sootheene aapankaawe ni ikhottosawe sootheene nitho moota aawoopolenlaawe aYixrayeli oDamasku ni oHamati waari wa oYawudi – oolempwale mulivuruni ya nyaha sa mamwene a oYixrayeli.

2 Mamwene 16:9

Mwene a wAsiriya aahaakhulela yooveka ela anawanano oDamasku, anakuxa. Aawoomolela amakaaya oKiri amwiivaka Rezini.

Yesaya 22:6

awElami ankuxa nyuupa, enarwa ni anamweettihaaya a ikavalu* ni ikavalusaya*. aKiri anoonihera exikudu*.

Yesaya 43:14

Vano Yave, Mvuluxaanyu, Ootteela a oYixrayeli oneera ha: “Ngwoosivelanimwaka kinimwaarumihela anakhotto oBabiloniya kaapakihaka aBabiloniya ootheene okhala ootthukiweene mmakulani matokotoko mwa yaawo yiixoonelaayano.

Yesaya 8:4

Mwaana ola ahinaaye osuwela weera ‘tiithi naari’ maayi, mwene a wAsiriya onookuxa mihakhu sa oDamasku ni soohuhula sa oSamariya.”

Yeremiya 50:36

Ekatana yoowaawanano maprofeetaaya oowootha! Awosa anoothatuwa masikini. Ekatana yoowaawanano anakhottwaaya! Awosa anootteenguwa.

Yeremiya 51:30

Anakhotto a oBabiloniya aahiyerera owana; ampwaherera okhala moolipamwaya. Sohaamalela ikurusaya; aathatuwa ntoko asithiyana. Moomakamwaya moohisiwa; anampattika a maselaaya akarasuliwa.

Icipo Soolalamika 2:9

Maselaaya aamorela vathi; anampattikaaya ohaaphwata. Mwenaaya ni ahoolelaaya aaronghiwa wootthukiwani wa ilapo soohiyanahiyana ni khaniwoworu nlamulo; maprofeetaaya khaanaakhela nyoonelo sa Yave.

Ezekiyeli 27:23

oHarani, oKane, wEdeni ni ananakoso a oXeba, wAxuri ni oKilimade yaampaka nakoso ni nyuwo.

Ezekiyeli 30:17

Amiravo a oHeliyopolisi ni a oBubastis, animwiiviwa ni ekatana, ni muloko wa isidade onooronghiwa wootthukiwani.

Hoxeya 10:8

Altaari* a Empa ya Sootakhala ari soottheka sa aYixrayeli, anoophwatiwa. Nyiiwa ni malaxi sinimunnuwa saakutteleleke altaaraaya*. Vano awosa eniyeerele nyaako: “Munikhuneele!” Ni wa mattumuxa: “Munipittuwele!”

Amosi 5:5

muhaase oBeteli, muhirowe oGiligali, muhivireru oBerexeba. Vano vekhaikhai, amaki a oGiligali anoroonghiwa wootthukiwani, ni oBeteli onooheliwa nthala.”

Amosi 9:7

“Nyuwosa aYixrayeli, khamuhiyono ooreerela wa Miyo waapwaha aKuxe,” onghima Yave. “Miyo kohaakhumiha aYixrayeli wExipitu, menetho aFilisti oKaftori ni awArami oKiri.

Nahumi 3:13

Woone, anakhottwaawo ootheene ari ntoko athiyana! Milako sa esidadaawo siri khweengwere weera amwiittanaawo evoloweke; anampattikaaya aahisiwa ni mooro.