aKolosi 3:3 - Emakhuwa Bible

³ Nyuwo mohookhwa, ni vano okumaanyu woovithiwa ni Kristu mwa Muluku.

aKolosi 3:3 Iomraidhean Croise

Matheyo 11:25

Ehuhuweene yeele, Yeesu aaheera: “Miyo kinootthapelani Nyuwo, Atiithi, Apwiya a wiirimu ni vathi, niwoko mohaavithera itthu iya asuweli ni anamiruku, ni mwaawoonihera asikhaani.

Yohaane 14:19

Vahoolo vakhaani amalapo kheerwa ekoonatho; vano nyuwo mmwikoone. Keenre Miyo kikhalaka ni okumi, nyuwotho mmwikhale ni okumi.

Yohaane 3:16

Vano Muluku aasivela elapo ya vathi moota wooweera aamvahalaawe Mwanawe mmoharu weera atthu ootheene animuroromela Yoowo kheeriheya, mene anookhalano okumi woohimala.

Yohaane 4:14

Vaheera yoole ongwura maahi Miyo kinimvahaaka, kharwaru avoliwa ntthona. Ohiyanawaya, maahi kineeraaka kimvahe, eniithatuwe naattuuttu akhumiheraka maahi a okumi woohimala.”

Yohaane 5:21

Vano, mooteene yoowo Atiithi anaavenyererihaaya akhwiiye ni anaavahaaya okumi, hiihotho Mwaana onaavaha okumi yaale Owo onaatthunaawe.

Yohaane 5:24

Miyo kinoororomelihani: Yoowo oniiwa maswaaka ni anaaroromela Yaawo aakirumihale, ookhalano okumi woohimala ni kharwa athorihiwa, mene oolapuwa mookhwaani aphiyaka mpaka mookumini.

Yohaane 5:40

Wa soothesene, nyuwo khamuntthuna orwa wa Miyo weera mphwanye okumi woohimala.

aRooma 5:10

Naaraahu nlelo amwiittana a Muluku, niiraanyihiwe ni Yoowo niwoko na okhwa wa Mwanawe, wootepaxa vano, nireene oowiiraanyihiweene, nnivuluxiwe ni okumaawe!

aRooma 5:21

mooteene yoowo weera, hiiho ntoko yoottheka elamunlaaya mookhwaani, hiihotho mahala elamule niwoko na waakhuleliwa ni Muluku, eruuhaka okumi woohimala mwa Yeesu Kristu Apwiyaahu.

aRooma 6:11

Mooteene yoowo, mwiixuupuwelele weera mukhwiiyeene wa yoottheka, mene munoomukhalela Muluku mwa Kristu Yeesu.

aRooma 6:2

Hata vakhaani! Hiyo ninkhwela yoottheka, nnipwaherere hai okhala mwa yeeyo?

aRooma 8:2

Vano, niwoko na Kristu Yeesu, nlamulo na Munepa wa okumi nookivuluxa wa nlamulo na yoottheka ni na okhwa.

1 aKorinto 15:45

Hiiho yoolempwa: “Mulopwana oopacera, Adamu, aathatuwa erutthu ya okumi”; Adamu ookisera aathatuwa munepa omvaha okumi.

1 aKorinto 2:14

Mutthu ohikhanleno Munepa Wootteela, khanaakhulela itthu singwa wa Munepa wa Muluku, niwoko siri sa anepa wa yoowo. Owo khangwera wiiwexexa itthu iyo, niwoko ontthuneya ophima iyo ni ekhalelo ya mmunepani.

2 aKorinto 5:14

Vano osivela wa Muluku onninyesereriha, niwoko nooviriyeliwa weera mmoha okhwiiye wa ootheene, tivawo ootheene ahookhwa.

2 aKorinto 5:7

Niwoko ninkhala munroromeloni, ohiya wa yeeyo nnoonaahu.

aGalata 2:20

Kookhomeliwa vamoha ni Kristu. Hiiho nkihiyono miyo kinkhala, mene aani Kristu okhanle mwa miyo. Okumi kinkhalaaka vaanaano mweerutthuni, kinkhala kimuroromelaka Mwaana a Muluku okisivenlaawe ni iixinnyerenraawe wa miyo.

awEfeso 3:9

ni waathalihera ootheene mutekwaaya wa ntikhinelo nna, mwa nenno okhuma khalayi naahiipithihiwa mwa Muluku, mwa Yoowo opanke itthu sootheene.

aFilipi 4:7

Ni murettele wa Muluku ompwaha soowuupuwela sootheene onuuthokorore mirimasanyu ni soowuupuwelasanyu mwa Kristu.

aKolosi 1:5

niwoko na oweherera onoowehererani wiirimu. Nyuwo woopacera mohiiwa sa oweherera wu mwaha wa masu a ekhaikhai, masu ooreeraxa

aKolosi 2:20

Woonaka weera mohookhwa vamoha ni Kristu wa mikhalelo sa elapo ya vathi, heeni munttharaanyu ikano sa ele, ntoko nlelo muri a yeeyo?

aKolosi 2:3

Mwa Yoowo soovithiwa mihakhu sootheene sa miruku ni sa esuwelo.

aKolosi 3:4

Kristu ori okumaanyu ooniheriwaka, vano nyuwotho mmooniheriwe ni Yoowo moovuwani.

aHeberi 7:25

Tivawo, Owo ongweraawe waavuluxa nnenesene yaawo ammwaattamela Muluku mwa Yoowo, niwoko Owo onkhala mahuku ootheene weera aavekeleleke yaawo.

1 Pedru 3:4

Ohiyanawaya, oreerawanyu okhale mmurimanimwanyu, ntoko munepa woowiisuumaaliha ni murima woowiitthaala. Vano, oreerawene weiwo woohiriheya ori woottittimiheyaxa vamaithoni wa Muluku.

1 Pedru 4:2

Hiiho, ehuhu emuhaleenle mweelaponi, akhale weera apake otthuna wa Muluku, ohikhanle opaka soohaawela soonanara sa atthu.

1 Yohaane 3:2

Oosiveleya, vano nri anamwane a Muluku, ni nlelo khayoonihereiye yeeyo nneeraahu nikhale, mene noosuwela weera Owo iixooniheraka, nnikhale oolikana ni Yoowo, niwoko nnimoone moota okhanlaawe.

Ethupululo 2:17

Yaawo arino maaru, yiiwe yeeyo Munepa onleelaaya ikerexa! Wa namawina nkimvahe emana* yoovithiwa. Nkimvahetho nluku nootteela ni nsina nnyowani noolempwa mwemmo, noosuweleiya paahi ni yoowo onaakhela.