aKolosi 3:2 - Emakhuwa Bible

² Mutthokelele itthu sa wiirimu ohiya sa vathi.

aKolosi 3:2 Iomraidhean Croise

1 Nyaha 22:19

Vano, mmwaase Yave, Mulukwaanyu ni murimaanyu wootheene ni okumaanyu wootheene. Mpacereke oteka Nipuro Nootteela* na Yave Muluku, weera nyuwosa ngwere waaruuha Arka* a Yave, ni ikaruma sootteelihiwa siri sa Muluku, wa Mpaani mwa Yave eniitekiwe nittittimihereliwaka Nsina na Yave.”

1 Nyaha 29:3

Ohiya seiyo, moosivelani Empa ya Mulukwaaka, vano kinkhumiha sa muhakhwaaka, eyuuma yoorikxa ni eparatha* wa Empa ya Mulukwaaka, ohiya sootheene kikhumihalaaka wa Empa Yootteela ela.

Icipo 62:10

Muhiroromele waahasula akina naari muhiixoone mwa itthu soowiiwa. Saandyeerereya mihakhusanyu, muhiroromele seiyo.

Icipo 91:14

Yave oneera: “Eenre akisivela, kinoomvuluxa; kinoomwaakiha niwoko owo oosuwela Nsinanaka.

Masu a Miruku 23:5

Mihakhu sinoolakaseya hiiho nyuwo munoonaanyu; iyo sinkhalano mapupha ni simvavela osulu ntoko xaaka.

Namalaleiya 7:14

Mahuku yaakhalaka ooreera, mweettihe nnenesene; vaheera yaakhalaka oonanara, moonele ha: Muluku opanke yaawo ntoko nikhwaaya, asembihaka weera mutthu ahoonelele etthu ya muhoolomwawe.

Matheyo 16:23

Yeesu aarukunuwa ni aamweerela Pedru: “Osuseke wa miyo, Satana! Weyo ti nluku ninkikwattula, ni khoonuupuwela itthu sa Muluku, mene sa atthu.”

Matheyo 6:19

Muhithukumanye mihakhu sa elapo ya vathi annanarihaayawo atthumpwiha ni murawa, nitho weiwo anamwiiya amvolowaaya ni aniiyaaya.

Luuka 12:15

Vano aaweerela: “Mwiipasoope! Musembe wakhalaru moota wa wiinlela mihakhu, niwoko okumi wa mutthu ti woopwahaxa sooreelasawe.”

Luuka 16:11

Nyuwo mwaahikhala oororomeleya ni mihakhu sa elapo ya vathi, eniyoororomeleni taani ni mihakhu sa ekhaikhai?

aFilipi 1:23

Nlelo kiri vamarekhano: Kinghaawela opwaha weera kikhale ni Kristu, yeeyo eri yootepaxa ooreera.

aKolosi 3:1

Tivawo, woonaka weera nyuwo moovenyerera vamoha ni Kristu, mwaasaase itthu seiyo siri wiirimu, weiwo Kristu okilaathiyaawe moono mulopwana wa Muluku.

aKolosi 3:5

Tivawo mwiive sootheene siri sa mukhalelo wa erutthu yootthekeya: oraruwa, ohitteela, soohaawela sa olavilavi, soohaawela soonanara, ni wiinlela mihakhu, ori olapa miluku sikina.