aKolosi 2:8 - Emakhuwa Bible

⁸ Mwiipasoope weera ahikhale mutthu aneera oopakeeni ipottha sa miruku sa siiyo ni soolokottha sinrweela wa ikhovelelo sa atthu ni makhalelo a elapo ya vathi ela, ohikhanle wa Kristu.

aKolosi 2:8 Iomraidhean Croise

Ecipo Yooreeraxa 2:15

Munivarele akhwatte, axaana a akhwatte annanariha imatta sa iwuuva*, niwoko imattasahu sa iwuuva* soottuva.

Yeremiya 29:8

Aani, Yave a ikuru sootheene, Muluku a oYixrayeli, oneera ha: “Muhaahiye maprofeeti ni anahako ari eriyaraanyu yoolokotthakani. Muhiwiiwelele mwa sooloha munaalipiheraanyuno.

Matheyo 10:17

Mwiipasoope ni alopwana. Awo eniyooveleeleni wa alipa oowuuluma milattu ni eniyoowaxuleni muSinagoganimwaya*.

Matheyo 16:6

Yeesu aaweerela: “Mukhale oowehaweha ni mwiipasoope ni eferementu ya afarasi* ni aSaduki*.”

Matheyo 7:15

Mwiipasoope ni maprofeeti oolokottha. Awo angwa wa nyuwo ewanreene ixapala sa ikhondoolo, mene mpuwa ari miici soolumaxa.

Miteko 17:18

Asuweli akina a Epikuro ni a mahusiho a Estoyika yannatthekula ni Pawulo. Akina yaakoha yeeraka: “Eheeni ontthunaawe ohima, namatipura ola?” Akina yaaheera: “Nnoona ntoko owo onlaleiya miluku sa anamarwa,” niwoko Pawulo aalaleiya masu ooreeraxa mwaha wa Yeesu ni wa ovenyerera.

Miteko 17:32

Yiiwaka sa ovenyerera wa anamakhwa akina yaamveiha, ni akinatho yaaheera: “Mwaha wa yeeyo, nnimwiiwe ehuhu ekina.”

aRooma 16:17

Kingwoopererani nyuwo, axunna, weera mwiipasoope wa yaale anruuhela ohiiwanana ni angwooceelihani mwa nihusiho nyuwo mwaakhenlaanyu. Mususe wa yaawo.

1 aKorinto 10:12

Tivawo, yoole onuupuwela weera oolipa, iipasoope weera ahimore!

1 aKorinto 8:9

Wa soothesene, mwiipasoope weera oneethaanyu owo ohithatuwe etthu yoowaakwattula atthu oohilipa.

2 aKorinto 10:5

Nimphwata owana ni masu, ni wiixoona wootheene oniikhumelelihera osuwela wa Muluku. Hiyo nimvara soowuupuwela sootheene weera sithatuwe soomwiiwelela Kristu.

aGalata 1:14

Kaaraaka mudiinini ya aYuda, kaapwaha nthiti na aYuda akina ancipale yaari akhwaaka. Vekhaikhai, nthitinaka wa ikhovelelo sa makholowaaka naari ntokotoko.

aGalata 4:3

Ntokotho hiyo naaraahu akhaaneene, naalamuleliwa ni mikhalelo sa mweelaponimu.

aGalata 4:9

Vanonto, nyuwo munsuwenleene Muluku, hoye hoye fataari, musuweliweene ni Yoowo, mungwera hai nyuwo ohokoleela mikhalelo iyo, soolosowa ni sa siiyo? Muntthuna okhalatho ipotthasaya?

aGalata 5:15

Nyuwotho mwalumana ni mwakhuurana mukina ni mukhwaawe, mwiipasoope weera muhiphwatane.

awEfeso 2:2

mwa seiyo mweettelaanyu, muttharihaka mukhalelo wa elapo ya vathi ela, aani mwaamuttharaanyu mutokweene a ikuru sa opheyoni, munepa owo omvara muteko vaanaano mwa yaawo ankhala ni ettiyamaaru.

awEfeso 4:20

Wa soothesene, khamuxuttenre nyuwo mooteene yoola omusuwela Kristu.

awEfeso 5:6

Ahikhale anoolokottheni ni masu a siiyo. Siri niwoko na itthusene seiyo isara sa Muluku sinaakhuruwela atthu oohiiwelela.

Deuteronomiyo 6:12

mwiipasoope weera muhimuttiwale Yave ookhumihaleni wExipitu, elapo ya okaporo.

aFilipi 3:2

Mwiipasoope ni alapwa. Mwiipasoope ni yaawo ampaka soonanara; yaawo antthuna wiineliwa paahi.

aKolosi 2:18

Muhimuhiye mukina oniixeera oowiiyeviha ni onaalapa andyelo awooceelihakani owina ntthuvelo. Mutthweene yoowo onthaliha nnenesene nyoonelosawe ni soowuupuwelasawe sa erutthu sinthatuwa soowiixoona.

aKolosi 2:20

Woonaka weera mohookhwa vamoha ni Kristu wa mikhalelo sa elapo ya vathi, heeni munttharaanyu ikano sa ele, ntoko nlelo muri a yeeyo?

aKolosi 2:22

Itthu sootheene iyo nsiriheye muhoolo, niwoko sinrweela wa malamulo ni mahusiho a mutthu.

aKolosi 2:23

Ikano seiyo sookhalano wiixeera wa miruku, niwoko siniixeera moota wa ediini, wa wiiyeviha ni wa wiixuumaaliha erutthu. Vaheera iyo khasimvareleya muteko, niwoko khasingwera olamula soohaawela sa erutthu.

1 Timootheyo 6:20

Timootheyo, othokorore yeeyo ovahereriwaawo. Osembe nyaha sa siiyo ni soohitteela ni miruku sa wiittana siniitthaniwa moolokotthani “esuwelo.”

2 Timootheyo 3:13

Wa soothesene, oonanara ni oolokottha eniitepaxe onanara elokotthaka ni ereene oolokottheya.

aHeberi 13:9

Muhikuxiwe ni makhalelo a mahusiho ootheene oohiyanahiyana a amalapo. Ti wooreera weera murimaahu olipihiwe ni mahala, ohikhanle ni yooca, mwa yeeyo ehingwera waapuhiha yaawo anca.

aHeberi 3:12

Mwiipasoope, axunna, weera hata mmoha a nyuwo ahikhalane murima woonanara ni woohiroromela onsusa wa Muluku mukumi.

1 Pedru 1:18

Moosuwela weera moovuluxiwa mwa mikhalelosanyu sa siiyo sa okhala nyuwo mwaakhenlaanyu ni makholowaanyu. Khamvuluxiwe ni itthu sooriheya ntoko iyuuma soorikaxa,

2 Pedru 3:17

Tivawo, oosiveleya, musuwelaka yeeyo, mwiipasoope weera muhikuxiwe ni olokottha wa atakhali, naari muhiyeleele olipawanyu.

2 Yohaane 1:8

Mwiipasoope weera nyuwo muhiphwate soowiima sa mitekosahu, mene muliveliwe moota wookwanela.