aKolosi 1:23 - Emakhuwa Bible

²³ mwapwaherera oolipeene ni ookhalihiweene munroromeloni, muhisusaka wa nroromelo mwaakhenlaanyu mwiiwakaru masu ooreeraxa. Awo ti masu ala nyuwo mwiiwalaanyu, ni alaleeriwe atthu ootheene a elapo ya vathi, ni miyo Pawulo koothatuwa murumeiyi a masu ooreeraxa ala.

aKolosi 1:23 Iomraidhean Croise

Icipo 125:5

Vaheera Yave onoowoomola yaale antthara iphiro soolavilavi vamoha ni anamapaka soonanara. Murettele okhaleke mwa oYixrayeli!

Icipo Soolalamika 3:66

Mwaattharelelase moonyoonyiwani ni mwaamalamalihe vathi wa wiirimuwanyu, Yave.

Ezekiyeli 18:26

Oororomeleya ahiya ororomeleyawawe, anattheka, owo anaakhwele yeeyo; aani, anaakhwele yoottheka opankaawe.

Zefaniya 1:6

Yaawo anghapuwa ehiyaka omutthara Yave, hata ehimwaasaka naari ehimukohereraka.

Marku 16:15

Aaweerela: “Murowe mweelaponi yootheene ni mwaalaleere atthu ootheene masu ooreeraxa.

Luuka 22:32

mene Miyo kohoovekelelani weera nroromelonanyu nihooceeleye. Vano nyuwo mwaarukunxaka murima, mwaalipihe axunninyu.”

Luuka 6:48

Owo onlikana mulopwana atekaka empa, aathipa woowiixa ni aapaka mathipelo vamwala. Siwaaka mirupi, mooloko waakusakula empa, khawaawenretho ottikinya empa ele, niwoko yaalipa.

Yohaane 15:6

Akhala mukina ohinkhala mwa Miyo, anaakhale ntoko murai omvonyeriwa okerekhere ni onuuma. Miraisene seiyo sinoottottiwa, sivonyeriweke mmooroni ni sinoohisiwa.

Miteko 1:17

Owo aahooneya ntoko mmoha a hiyo ni aavahiwa mpatta wa muteko ola.”

Miteko 1:25

weera apwaherere muteko ola wa orummwa, mwa yoowo Yudasi ohiyalaawe arowaka nipuronawe.”

Miteko 1:8

mene mmwaakhele ikuru Munepa Wootteela wookhuruwelakani nyuwo ni mmwikhale anamoonaaka oYerusaleemu, oYudeiya wootheene, oSamariya ni mpaka ekotenle elapo.”

Miteko 11:23

Owo aphiyaka weiwo ni oonaka mahala a Muluku, aahakalala ni aahaalipihera weera ekhaleke oororomeleya wa Apwiya ni murima wootheene.

Miteko 14:22

elipiheraka mirima sa oohusera ni ewoopereraka weera epwaherere munroromeloni, yeeraka: “Ontthuneya weera nivire mmahooxoni mancipale weera nivolowe moomweneni wa Muluku.”

Miteko 2:5

Vano, yaakhalawo oYerusaleemu aYuda, atthu emoovaka Muluku, erweelaka wa miloko sootheene sa elapo ya vathi.

Miteko 20:24

Wa soothesene, nkimpwatthela, naari nkinoonelamo okumaaka etthu yoottittimeheyaxa wa miyo mwaneenaaka. Yoohaawelaaka emoharu eri omaliha otthimakawaka ni okwanihera muteko kaakhenlaaka wa Apwiya Yeesu, eyo tiiyo okhalela onamoona sa masu ooreeraxa a mahala a Muluku.

Miteko 26:16

Vano muvenye ni mweemele. Miyo kohiixoonihera wa nyuwo weera kookhaliheni murumeiyi ni namoona a seiyo nyuwo moonnaanyu sa Miyo ni seiyo kineeraaka kiwoonihereni.

Miteko 4:12

Khoowowo ovuluxiwa mwa mukina. Khaniwowo nsina nikina nivahiwe wa atthu mwa nenno ontthuneya weera ninivuluxe.”

aRooma 10:18

Vano miyo kinookoha: Awo khayiiwale masu ale? Vekhaikhai yaahiiwa! Yoolempweene yeeyo yeenre: “Nsunaya nohiiwanyeya elapo yootheene, ni maswaaya mpaka ekotenle elapo yootheene.”

aRooma 15:16

okhala murummwa a Kristu Yeesu wa amalapo, eyo tiiyo kookhalano muteko wa musaserdoti* olaleiya masu ooreeraxa a Muluku weera amalapo ethatuwe yooveleela yoowaakhuleleya wa Muluku, atteelihiwe ni Munepa Wootteela.

aRooma 2:7

Owo anaavahe okumi woohimala wa yaawo ampwaherera opaka nnene ni anaasaasa ovuwa, nttittimiho, ni okumi woohimala.

aRooma 5:5

Ni oweherera wu khaninrowa wooceela, niwoko Muluku ooniyeehera osivelawawe mmurimanimwahu ni Munepa Wootteela Owo onivanghaawe.

1 aKorinto 15:58

Tivawo, axunnaka oosiveleya, mwiilipihe ni muhittikinyeye. Mahuku ootheene mupakeke miteko sa Muluku ni murima wootheene, niwoko moosuwela weera mwa Apwiya, mutekwaanyu khoohiyono wa siiyo.

1 aKorinto 3:5

Woomaleloni, nneereke Apolo taani? Pawulo taani? Ari arumeiyi paahi, yookhavihenreni ororomela. Ni awo ooweeli aapaka yeeyo Apwiya yaarumalaaya paahi.

2 aKorinto 10:1

Akina aneera weera, miyo kireene ni nyuwo, ‘kinkhala oowiiyeviha,’ mene kireene ottaiwene, ‘kinnoolipiherani.’ Vano, niwoko na murima woomaaleleya ni murima wooreera wa Kristu, miyo, Pawulo, kinoovekelani etthu.

2 aKorinto 11:23

Yakhala arumeiyi a Kristu (miyo kinuulumaxa ntoko naanepa!), miyo kohaapwahaxa! Miyo kootepa ovaraxa muteko, koowalelaxiwa mukaliposo imaara sincipale, kootepaxa owaxuliwa ni ekwamba, ni imaara sincipale kaari ngwoopihani wa okhwa.

2 aKorinto 3:6

Owo ooniweriha weera nikhale arumeiyi a wiiraana onyowani, khoohiyono wa soolempwa, mene wa Munepa, niwoko soolempwa siniiva, mene Munepa omvaha okumi.

2 aKorinto 4:1

Tivawo, neenre nikhalakano muteko ola wa ikharari nivahiwaahu, hiyo khanimporora.

2 aKorinto 6:1

Ntoko anamiteko a Muluku, hiyo ninniwoopererani weera muhaakhele siiyo mahala a Muluku.

aGalata 4:11

Miyo kinoova weera mitekosaka variyariwanyu nsikhale sa siiyo.

aGalata 5:5

Hiyo ningweherera munroromeloni ninrweela wa Munepa Wootteela waakhuleliwa ni Muluku ori owehererawahu.

aGalata 5:7

Nyuwo mwanneetta nnene. Taani owooceelihaleni weera muhipwaherereke ni ekhaikhai?

aGalata 6:9

Nihikhulumuwe opaka yooreera, niwoko ehuhu eneeneene nnihephe, hiyo naahiporora.

awEfeso 1:18

Kimvekelatho weera maitho a murimaanyu ekhale oomwaleeleya weera musuwele oweherera mwa weiwo Owo owiitthanenlaaweni ni mihakhu sa yoohiyeraawe* yoovuwaxa Owo oovahenraaweni nyuwo ootteela,

awEfeso 2:21

Vasulu wa Yoowo empa yootheene yootekiwa ni enunnuwa, weera ethatuwe empa yootteela mwa Apwiya.

awEfeso 3:17

weera Kristu akhale mmurimanimwanyu niwoko na nroromelo. Kimvekelatho weera nyuwo, mureene oothipeliwa ni oolipihiwa moosivelani,

awEfeso 4:16

Ti mwa Yoowo erutthu yootheene enkhalaaya yoolipeene, ekumanihiweene ni mikumano sootheene, ni enunnuwaaya, nitho eniipuhihaaya mwaneenaaya moosivelani, mipatta sootheene sivaraka mitekosaya.

Deuteronomiyo 2:25

Olelo vaava kinoopacera woopopiha moovasiwaka nyuwo mmilokoni sootheene sa elapo ya vathi. Iyo siiwaru epilaanyu nsithukumelase ni othanana.”

Deuteronomiyo 4:19

Nyuwosa mwaweha osulu moonaka nsuwa, mweeri ni ithenyeeri ni itthu sootheene sa wiirimu, muhihapuwe mukokhorelaka seiyo ni mulapaka itthu Yave Mulukwaanyu okawenlaawe miluku sootheene sa elapo ya vathi.

aKolosi 1:25

Koothatuwa murumeiyi a ekerexa, ntoko muteko Muluku okivanghaawe weera koothalihereni nnenesene masu a Muluku,

aKolosi 2:7

muthipeliweene ni mupuhihiweene nnenesene mwa Yoowo, mulipihiweene munroromeloni, ntoko muxuttihiwaanyu, mwaattaka mootthapelani.

1 aTesalonika 3:3

weera ahikhale mukina aneera attikinyiwe wootepaxa mwa soohooxa iya. Moosuwela nnenesene weera niitthaneliwe wa seiyo.

1 aTesalonika 3:5

Tivawo, kihiweraka ovilela, kaamurumiha Timootheyo weera asuwelihiwe mwaha wa nroromelonanyu. Kaahoova weera namweerera ohoohapuxani ephiro ya ekhaikhai, othatuwaka wa siiyo mutekwaahu.

1 aTesalonika 5:8

Wa soothesene, hiyo nri a othana nikhale oohula maitho, niwaraka eyuuma ya vakakasani ya nroromelo ni osivela, ni ekapasete ya oweherera ovuluxiwa.

2 aTesalonika 2:16

Apwiya Yeesu Kristu aneenaaya ni Mulukwaahu Atiithi, mwa Yoowo onisivenle ni onivanghe opepesa woohimala ni ororomela wooreera niwoko na mahala,

1 Timootheyo 1:12

Kinimutthapela Kristu Yeesu Apwiyaahu, okivanghe ikuru ni onkiitthana oororomeleya, akikhalihaka mmutekoni ola.

1 Timootheyo 2:7

Wa yeeyo kookhalihiwa namalaleiya ni murummwa, muhusiha a nroromelo na ekhaikhai wa amalapo. Kinghima ekhaikhai – nkinootha.

1 Timootheyo 3:16

Woohihovela weera ntikhinelo na ediinaahu ti ntokotoko: Yeesu ooniheriwe mweerutthuni, aakhuleliwe ni Muluku mMunepani, ooniwe ni andyelo, olaleiwe mmilokoni, ororomeliwe mweelaponi, ni aakheleliwe moovuwani.

Titu 3:7

weera, nireene oowaakhuleliweene niwoko na mahalaawe, hiyo nithatuwe anamwaakhela, niwehereraka okumi woohimala.

aHeberi 10:38

Yoowo aakhuleliwa ni Miyo anaakhale munroromeloni, mene ahokoleela ottuli, khakisiveliha.”

aHeberi 3:14

Vekhaikhai, hiyo nri mpatta wa Kristu, navarela nnenesene mpaka ommaleloni nroromelo nne naakhalannaahu ompacereroni.

aHeberi 3:6

mene Kristu ti oororomeleya ntoko Mwaana a Empa ya Muluku. Vano, Empeene yeeyo ti hiyo, navarela nnenesene oweherera ni ororomela mwa weiwo ninroromelaahu.

aHeberi 4:14

Tivawo, woonaka weera nookhalano Mutokweenexa a asaserdoti* mutokotoko, Yeesu, Mwaana a Muluku ovolongwe wiirimu, nivarexexe ni murima wootheene nroromelo ninlapaahu.

aHeberi 6:19

Nookhalano oweherera wu ntoko nipuro noolipihiwa mookuminimwahu, noolipa nnenesene. Nroromelo nna nimvolowa mpuwa mwa empa yootteela mpaka wiithela wa ekuwo etokotoko,

1 Pedru 1:3

Ooreelihiwa akhale Muluku, Atiithi a Apwiyaahu Yeesu Kristu. Niwoko na ovenyerera mookhwaani wa Yeesu Kristu, Muluku, mwa ikhararisawe sitokotoko, oonivaha oyariwa onyowani woosareya ni oweherera wa okumi.

1 Pedru 1:5

muri oowaakihiwa ni ikuru sa Muluku niwoko na nroromelo mpaka wa ophiya ovuluxiwa, mwa weiwo oneera wooniheriwe ehuhu yoomalihera.

1 Yohaane 2:27

Vano, mwaha wa nyuwo, yoottikittheliwa mwaakhenlaanyu wa Munepa Wootteela enkhala mwa nyuwo, ni khoontthuneya weera ooxuttiheni mukina. Ntoko yoottikitthela ela ya ekhaikhai ni yoohilokottha enooxuttihani mwaha wa itthu sootheene, mukhale mwa Muluku, ntoko eyo yooxuttinghaayani.

Ethupululo 2:10

Muhoove wa itthu muneeraanyu muhaawe. Miyo kinooleelani: Diyabu* anaavonyere akina a nyuwo mukaliposo weera aweerereni, ni nyuwo mmwihaawe osoondiwa woomalaka mahuku muloko. Mukhale oororomeleya mpaka okhwa ni Miyo nkoovaheeni ecireemba ya okumi.