aKolosi 1:13 - Emakhuwa Bible

¹³ Vano Awo aanoopola moolamuliwani wa epiphi ni aanithaamihera moomweneni wa Mwanaya Oosiveleya,

aKolosi 1:13 Iomraidhean Croise

Yesaya 42:1

“Ola murumeiyaaka kinimukhaviheraaka; oothanliwaaka, mwa yoowo onkihakalaliha; mwa yoola kinoohela Munepaaka ni Owo onooruuhela miloko ekhaikhai.

Yesaya 53:12

Tivawo kineeraaka kimuvahe mpatta variyari wa asitokweenexa ni Owo onookawa soohuhula vamoha ni ooweraxa, niwoko ohinnyerera okumaawe mookhwaani ni aahaalikeleliwa vamoha ni anamattheka. Vano ookuxa soottheka sa ancipale aavekelelaka anamattheka.

Yesaya 60:2

Moone, epiphi enkhuneela elapo ya vathi, ewiriphi eri vasulu wa miloko, mene mwa nyuwo onoomwaleelani Yave ni ovuwa wa Yave onooneya mwa nyuwo.

Zakariya 9:9

Muhakakalaxe mwaana muthiyana a oSiyoni; mukhuwele mwaana muthiyana a oYerusaleemu! Moone, mwenaanyu ongwaattamelani, oororomeleya ni oowineene, a murima woomaaleleya ni angwenleene buuru, aani mwaaxaana a buuru muthiyana.

Matheyo 17:5

Alokololaka, nihutte nootteelaxa nahaakhuneela, ni mwa nenno naakhuma nsu nimoha neeraka: “Ola ti Mwanaka oosiveleyaxa. Owo onkisiveliha vancipale. Mmwiiwe Yoowo.”

Matheyo 25:34

Vano Mwene anaaweerele yaawo a moono mulopwana: ‘Ngwe, ootteelihiwa a Atithaka. Mwaakhele ntoko yoohiyeriwa* omwene mureherereliwaanyu okhuma ompacereroni wa elapo ya vathi.

Matheyo 3:17

Vano nsu nimoha wiirimu naaheera: “Ola Mwanaka oosiveleyaxa mwa Yoowo kinnahakala.”

Luuka 13:24

“Mwiilipihe vancipale ovolowa mulako woophureya, niwoko Miyo kinooleelani weera ancipale eniyeerere ovolowa, mene kheerwa ewera.

Luuka 22:53

Mahuku ootheene Miyo kaari ni nyuwo Mpaani mwa Muluku, ni khamwaakitthunke. Mene ehuhuweene yeela ti yawinyu – elamulaka epiphi.”

Yohaane 17:24

Tiithi, kintthuna weera awo mwaakivanghaanyu ekhale vamoha ni Miyo weiwo kiraakawo, ni weera yoone ovuwawaka, ovuwa mwaakivanghaanyu, niwoko mwaakisivela ehinaaye ephattuwelo ya elapo ya vathi.

Yohaane 3:35

Atiithi animusivela Mwaana ni aamwinnyerera sootheene mmatatanimwawe.

Yohaane 5:24

Miyo kinoororomelihani: Yoowo oniiwa maswaaka ni anaaroromela Yaawo aakirumihale, ookhalano okumi woohimala ni kharwa athorihiwa, mene oolapuwa mookhwaani aphiyaka mpaka mookumini.

Miteko 26:18

weera mwahule maithwaaya ni mwaatatuxe wa epiphi, waara. Aani, kinimoorumihani wa yaawo weera mwaavuluxe wa ikuru sa Satana ni weera emutthare Muluku, ni hiiho yaakhele elevelelo ya sootthekasaya ni nipuro vamoha ni yaawo atteelihiwe niwoko na nroromelo mwa Miyo.’

aRooma 14:17

Omwene wa Muluku khoohiyono yooca, naari yoowura, mene waakhuleliwa, murettele ni ohakalala mMunepani Wootteela,

2 aKorinto 11:14

Ni kheehiyono yootikhiniha, niwoko Satana muneenaawe oniixeera ntoko ndyelo a waara.

2 aKorinto 4:4

Muluku a ehuhu ela ohuumiha sowiiwexexa sa atthu oohiroromela, weera ehoone waara wa masu ooreeraxa a ovuwa wa Kristu, mwa Yoowo ori mukhalelo wa Muluku.

awEfeso 1:6

Nnimuttottopele niwoko na ovuwa wa mahalaawe, mwa yaawo Owo onivanghaawe mwa Oosiveleya.

awEfeso 4:18

Soowuupuwelasaya siri sooriipihiweene, ni awo aamwalamwaxiwa ni okumi wa Muluku niwoko na ohisuwela ori mwa yaawo onrweela wa wuuma mirimasaya.

awEfeso 5:5

Vano nyuwo musuweleke nnenesene yeeyo: Khaawo namahuureya, hata oohitteela, naari namwiinlela mihakhu (eyo tiiyo olapa miluku sikina) anaakhele omwene wa Kristu ni Muluku.

awEfeso 5:8

Vano, khalayeene mwaari epiphi, mene vano muri waara mwa Apwiya. Mweetteke ntoko anamwane a waara,

awEfeso 6:12

niwoko owanawahu khoohiyono ni erutthu, naari ephome, mene ni ikuru ni asitokweene a mmunepani, ni malamulelo a elapo ya vathi ela ya mpiphini, aani owanawahu ori ni minepa soonanara sa wiirimu.

1 aTesalonika 2:12

nilipihaka murima, nipepesaka ni nikhalelaka onamoona weera nyuwo mweettele moota woophwanelela wa Muluku, mwa Yoowo owiitthanenleni wa omwenaawe ni ovuwa.

aHeberi 2:14

Tivawo, woonaka weera anamwane ari a erutthu ni ephome, Owo aathatuwatho mukhalelo mmoharu wa yaawo weera amphwate ni okhwawawe yoowo orino ikuru sa okhwa, eyo tiiyo Diyabu*,

1 Pedru 2:9

Wa soothesene, nyuwo muri ekhapira yoothanliwa, osaserdoti* wa emwene, muloko wootteela, muloko ori wa Muluku paahi, weera mulaleiye ikuru sa Yoole owiitthanneni nyuwo okhuma mpiphini mpaka waarawawe wootikhiniheya.

2 Pedru 1:11

Hiiho nyuwo mmwaakheliwe nnenesene mwaavolowaka moomweneni woohimala wa Apwiyaahu ni Mvuluxaahu Yeesu Kristu.

1 Yohaane 2:8

Wa soothesene, nlamulo kinoolepelaakani ti nnyowanitho. Ekhaikhai ya nlamulo nna ninoowera woona mwa Yeesu ni mwa nyuwo, niwoko epiphi enoomalamala, ni waara wa ekhaikhai onimwaara.

1 Yohaane 3:14

Noosuwela weera noovira mookhwaani, nirowaka mookumini, niwoko ninaasivela axunnihu. Yoowo ohinsivela, onkhala mookhwaani.

1 Yohaane 3:8

Yoole oneetta mootthekani ori a Diyabu*, niwoko Diyabu* oottheka okhuma ompacereroni. Vano, Mwaana a Muluku aarweenle weera aphwate miteko sa Diyabu*.