Ahooleli 6:15 - Emakhuwa Bible

¹⁵ Gidiyoni aamukoha: “Ii! Yave, nkaatapuxe hai aYixrayeli? Nihimonaka ti nikhaanene opwaha mahimo makina a aManaxe ni miyo kiri ooyevaxa mweemusinimwaka.”

Ahooleli 6:15 Iomraidhean Croise

Epacerero 32:10

vano miyo koosuwela weera nkiphwanenle onnene wootheene, ni ororomeleya mumpakenlaanyu murumeiyaanyu. Kaamulapuwaaka mooloko Yordanu, kaarino ekopowaaka paahi, mene vano kookhalano sooreela ni asinama ancipale.

Okhuma 3:11

Wa soothesene Moisesi aamwaakhula Muluku: “Miyo taani weera kamweemelele Farawu* ni weera kaakhumihe aYixrayeli mwExipitu?”

Okhuma 4:10

Moisesi aamweerela Yave: “Ii! Adonai, wuulumawaka onkhala woohaawano, hata khalayeene, naari vaanaano vaava Nyuwo munuulumaanyu ni murumeiyaanyu. Nkingwera wuuluma nnenesene.”

Yeremiya 1:6

Kaamwaakhula: “Ii! Yave onlamula sootheene, nkingwera wuuluma nnenesene; kiri mmiravo paahi.”

Yeremiya 50:45

Tivawo, mwiiwe yeeyo Yave aavaanelenlaawe aBabiloniya, yeeyo orehererenlaawe oBabiloniya: Axaana a mihuwo anoopuruliwa, ni moocihamo onoonanarihiwa niwoko na yaawosa.

Mikeyasi 5:2

“Vaheera nyuwo Beteleheemu Efrata, murookhalaru mukhaani eriyari ya mahimo a oYuda, wa nyuwo onimoorwa wa Miyo mmoha aneera akhale mulamuli a oYixrayeli – mwa yoowo epacererowaawe ekhumale khalayixa.”

Luuka 1:34

Mariya aamukoha ndyelo: “Eniikhumelele hai yeeyo, woonaka weera miyo nkinatoko okonano mulopwana?”

1 aKorinto 15:9

Miyo kiri mukhaanene a arummwa ootheene, ni hata vakhaani nkiphwanenle wiitthaniwa murummwa, niwoko koottharatthara ekerexa ya Muluku.

awEfeso 3:8

Kiri mweeraru kireene ooyevaxa variyari wa ootteela, koovahiwa mahala ala oowaalaleera amalapo mihakhu soohaalikeleya sa Kristu,

Ahooleli 6:11

Ndyelo a Yave ahoorwa, anakilaathi vathi wa mwiri wa ekarivalyu* wOfera waari wa Yowaxi, ngwAbiyezeri. Vano mwanawe Gidiyoni eera eepetthaka etrigu munttankhini saamiwa iwuuva* weera awiipithihe aMidiyani.

1 Samuweli 18:23

Awosa yaamuphithelela masu ale Davide, mene owo aaheera: “Othatuwa mukamwene a mwene ti etthu etokotokoxa. Miyo ti mulopwana oohaawa ni oohisuwanyeya paahi.”

1 Samuweli 9:21

Sawuli aamwaakhula: “Miyo muBenyamini – epuumba yooyevaxa eriyari ya ipuumba sikina sa oYixrayeli ni nihimonaka ti noohittittimiheya mmahimoni ootheene a epuumba ya Benyamini. Heeni munkeerelaanyu hiiho?”