Ahooleli 2:2 - Emakhuwa Bible

² ni nyuwosa khamwiiraanano miloko sa elapo ela, mene mmwaaphwate altaaraaya.’ Muhikiiwelelenle heeni?

Ahooleli 2:2 Iomraidhean Croise

Epacerero 12:18

Tivawo Farawu* aalamunlaawe wiitthaniwa Abraamu, aneera: “Eheeni nyuwo mukipankaanyu? Heeni mwahaakileelaanyu weera owo mwaarinyu?

Epacerero 4:10

Yave aamukoha: “Mpanke eheeni? Mwiiwe, ephome ya munninyu enkikhuwelela Miyo vatthayani.

Okhuma 32:21

Aamweerela Aharoni: “Atthu ala aweeringheni weera nyuwo mwaaruuhele yoottheka etokotoko ela?”

Yeremiya 2:18

Vano, murowenleni wExipitu ongwura Nilu? Ni munrowelani wa Asiriya ongwura Efratesi?

Yeremiya 2:36

Munghapuwelaxani muceendyaka imaara sincipale ephirowaanyu? Nyuwo munoopwaneya wExipitu, ntoko mwaapwaneyaanyu wAsiriya.

Yeremiya 2:5

Yave oneera ha: “Yoohiyanyiha heeni makholowaanyu yaaphwannyaaya wa Miyo weera ekihiye, ekirakamelaka Miyo? Awosa yaatthara miluku soohimuteko, yiitatuxaka asineenaaya oohimuteko.

Deuteronomiyo 7:16

Nyuwosa ontthuneya ophwata miloko sootheene Yave Mulukwaanyu aneeraawe oovahereraseni. Muhimoreliwe ikharari naari muhilape milukusaya niwoko eyo enimookhalelani ntapha.

2 aTesalonika 1:8

Vano, Awo eniyaattaruxe yaawo ahimusuwenle Muluku, ni ahiniiwelela masu ooreeraxa a Apwiyaahu Yeesu.

Yoxuwa 9:7

aYixrayeli yaaweerela aHivi: “Apaale munkhala vakhiviruwahu. Mwa yeeyo, khoonghwereya hiyo wiiraana ni nyuwo.”

1 Pedru 4:17

Vano, yoophiya ehuhu weera opacere othoriha Empa ya Muluku. Ni, othoriha wapacera ni hiyo, eniikhale emalihero heeni ya yaawo ahiniiwelela masu ooreeraxa a Muluku?

Ahooleli 2:20

Tivawo isara sa Yave saapattenlaaya aYixrayeli ni Owo aaheera: “Weenre muloko ola onanarihaka wiiraana kaapakenlaaka makholowaaya ni ohikiiwaka,

Ahooleli 6:10

Kooweerelasanitho: ‘Miyo ti Yave Mulukwaanyu; muhilape miluku sa awAmori a elapweene yeela munkhalaanyu. Wa soothesene, khamukiiwale.’”

Ahooleli 6:8

Owo aahaarumihela mprofeeti eenre: “Yave Muluku a aYixrayeli oneera ha: Kohookhumihasani wExipitu, elapo ya okaporo.

Ahooleli 8:27

Gidiyoni aavarela muteko eyuuma yoorikaxa ele weera ampakele mooxikootti a esaserdoti, aniikaathi esidadaawe wOfera. Vano aYixrayeli ootheene yaararuwasa emulapaka mooxikootti ole. Mooxikootti ole aathatuwa ntapha wa Gidiyoni ni amusaawe.