Ahooleli 2:10 - Emakhuwa Bible

¹⁰ Vano emalamanleene makholo a ekhapira yootheene yeele, yaakhumelela ekhapira enyowani yahaamusuwenle Yave, hata yeeyo aapakenlaawe aYixrayeli.

Ahooleli 2:10 Iomraidhean Croise

Epacerero 15:15

Vano wa nyuwo, mmuuluvale mmuretteleni ni mmwivithiwe ni wuuluvala wooreera vamoha ni makholowaanyu.

Epacerero 25:17

Iximayeli aakhala ni okumi iyaakha ncira ni miloko miraru niithannapiili. Aahookhwa, anavithiwa athukumanyihiwaka vamoha ni makholowaawe.

Epacerero 25:8

Aakhwiiye uuluvanleene, ni misingu sitokweene, anavithiwa athukumanyihiwaka vamoha ni makholowaawe.

Epacerero 49:33

Yakobe amalihakaru waalamulela anamwanaawe, aahiixaatalela, anakhwa ni aathukumanyihiwa ni atthwaawe.

2 Samuweli 7:12

Waamalaka okumaanyu, muniitthuuwa vamoha ni makholowaanyu, kinoomukhaliha mmoha a ekhapiraanyu weera oorandeleni. Owo onookhala a ekhapiraanyu ni Miyo kinookhaliha omwenaawe.

1 Nyaha 28:9

Vano weyo mwanaka Salomoni, omusuwele Muluku a atithawo, ni omurumeele ni murima wootheene, ohinyesereriwaka, niwoko Yave ongwehaweha mirima sootheene ni onsuwela wiixera wa soowuupuwela sootheene. Weyo wamwaasaasa, onoomphwanya, vaheera wamuhiya, Owo onimookhootta wa mahuku ootheene.

Yobi 21:14

Hata hiiho, awosa ammweerela Muluku: ‘Munihiye! Khanintthuna iphirosanyu.’

Okhuma 1:6

Vano Yoseefe, axunneiye ni ootheene a ekhapira ele yaahookhwaasa.

Okhuma 1:8

Vano aalamula wExipitu aari mwene munyowani ahaasuwenleru sa Yoseefe.

Okhuma 5:2

Farawu* aahaakhula: “Yave Owo taani weera miyo kimwiiwelele ni kaahiye aYixrayeli erowaka? Nkimusuwenle Yave ni nkirwa kaahiya aYixrayeli epwahaka.”

Yesaya 5:12

Ofestaniwaya ankhalano amakita, atthakare, akarakaxa, ampetta ni eviinyu. Vaheera khaampwattha miteko sa Yave, ehittittimihaka soopaka sa matataawe.

Yeremiya 22:16

Awo yaahaakiha nthowa na oohaawa ni ootthoiwa, tivawo sootheene saaweettelaaya nnene. Eyo ti eneero ya okisuwela Miyo,” onghima Yave.

Yeremiya 31:34

Khakhalaru mukina anaamuxuttihe mwaattamanaawe hata munneiye, eeraka: ‘Munsuwele Yave,’ niwoko ootheenaawo anookisuwela, okhuma mukhaani mpaka mutokweene,” onghima Yave. “Niwoko Miyo kinimwaalevelela soonanara ni nkuupuwelelatho sootthekasaya.”

Yeremiya 9:2

Ii! Waariwo woophiyerawaka munikareni, weera kihiye mulokwaaka kisusaka mwa yoowo; ootheene awo anamararuwa ni nakupa a anamavariha.

Yeremiya 9:3

“Awosa anreherera nluminaya ntoko muupa weera elathele soowootha. Ti soowootha, ehikhanle ekhaikhai sinlamula mweelaponi. Awosa anghelelela opaka sootakhala; awosa khaankisuwela Miyo,” onghima Yave.

Yeremiya 9:5

Nthamwene onimulokottha mukhwaawe ni khawowo onuuluma ekhaikhai. Awosa anxutteriha malumaaya wootha; aniikhulumula mwa soottheka.

Nuumeru 27:13

Moonneene, nyuwotho munoothukumanyihiwa ni makholowaanyu ntoko munninyu Aharoni,

Luuka 20:32

Woomalihera aahookhwatho naamukhweli.

Miteko 13:36

Amalihaka waarumeela atthu a ekhapiraawe ntoko Muluku aatthunaawe, Davide aahookhwa. Owo aavithiwa ni makholowaawe ni erutthwaawe yaahuntta.

Deuteronomiyo 31:16

Yave aamweerela Moisesi: “Nyuwo munimwiitthuuwa vamoha ni makholowaanyu ni muloko ola woowaakuveya onooraruwasa, ottharaka miluku sikina sa elapo oneeraaya wavolowe. Awosa anookihiya, ehipwatthaka wiiraana kaapakenlaaka.

2 aTesalonika 1:8

Vano, Awo eniyaattaruxe yaawo ahimusuwenle Muluku, ni ahiniiwelela masu ooreeraxa a Apwiyaahu Yeesu.

Titu 1:16

Awo aneera weera aamusuwela Muluku, mene ni mitekosaya anoomukhootta. Ari oothanyeya, oohiiwelela, ni oohiwera opaka hata etthu emoha yooreera.

Yoxuwa 24:31

aYixrayeli yaamurumeela Yave mookumini moothemwene mwa Yoxuwa ni mwa ahooleli yaahanle ni okumi ni yaasuwenle sootheene Yave aapakenlaawe aYixrayeli.

1 Samuweli 2:12

Vano anamwane asilopwana a Eli yaari oohuureya; awosa khayaampwatthela Yave.