Ahooleli 16:30 - Emakhuwa Bible

³⁰ Samesoni aaheera: “Kikhwe vamoha ni aFilisti!” Vano aahaakakha ni ikurusawe sootheene ni empa ya Dagoni yaahaamorela ahooleli ni atthu ootheene yaari mwemmo. Hiiho okhwawawe Samesoni aawiiva atthu ancipale opwaha okumaawe wootheene.

Ahooleli 16:30 Iomraidhean Croise

Epacerero 3:15

Nkiittanihe variyariwawo ni muthiyana, variyari wa ekhapiraawo ni ya muthiyana. Owo anaaswanye murwaawo ni weyo onuulume etthottopwaawe.”

Yobi 20:5

otheya wa oonanara murima ti woovira, ni ohakalala wa atakhali khoonlekela.

Yobi 31:3

Ti oheleya nthala wa atakhali, erisa wa yaawo ampaka yoonanara.

Icipo 62:3

Mpaka yaakhani muneeraanyu mukiwaneno, ootheene etthunaka okiiva – miyo kiri ntoko exiri yoothetemana ni ntoko etthu yootekeleliwa ehaleelaka omora?

Namalaleiya 9:12

Ohiya toko iyo, khaawo osuwenle ehuhuwaawe: Mooteene yoowo ihopa simpharihiwaaya muttavini noowiiva, ni ipalame simpharihiwaaya munraakhoni, atthutho anreiwa itthavi mweehuhuni ya erisa ammorelaayamo moota yahaawehereraaya.

Matheyo 16:25

Yoowo ontthuna ovuluxa okumaawe, anaayeleele, mene yoowo ongyeleela okumaawe niwoko na Miyo, anaaphwanye.

Miteko 20:24

Wa soothesene, nkimpwatthela, naari nkinoonelamo okumaaka etthu yoottittimeheyaxa wa miyo mwaneenaaka. Yoohaawelaaka emoharu eri omaliha otthimakawaka ni okwanihera muteko kaakhenlaaka wa Apwiya Yeesu, eyo tiiyo okhalela onamoona sa masu ooreeraxa a mahala a Muluku.

Miteko 21:13

Vano Pawulo aawaakhula: “Heeni nyuwo muniinlaanyu ni munthananihaanyu murimaaka? Koolikana khoohiyono otthukiwa paahi, menetho weera kikhwe oYerusaleemu niwoko na Nsina na Apwiya Yeesu.”

aFilipi 2:17

Wa soothesene, hata kirihiwaka ntoko yooveleela yoowura vasulu wa yooveleela ni muteko onrweela wa nroromelonanyu, koohakalala ni kootteeliwa murima ni nyuwo ootheene.

aFilipi 2:30

niwoko owo aahanle vakhaani okhwa mwaha wa osivela wa muteko wa Kristu, alevaka okumaawe weera akivahe ekhavihero nyuwo mwahaawenraanyu ovaha.

aFilipi 2:8

Aphwanyiweene mmukhaleloni mwa omutthu, ohiiyeviha mwaneenaawe, iiwelelaka mpaka okhwa, aani, okhwa vamuttandani!

aKolosi 2:15

ni awaakhaka ikapwitthi sa ikuru ni otokweene aahuulihiha muru mwaatthuni, awinaka seiye vamuttandani.

1 aTesalonika 5:2

niwoko nyuwo asineenaanyu moosuwela nnenesene weera nihuku na Apwiya nnirwe ntoko namwiiya ohiyu.

Ahooleli 14:19

Vano Munepa wa Yave waamulipiha. Aarowa wAxekeloni, anawiivawo asilopwana miloko miraru, anakuxa soowarasaya, anaavaha yaale yaatthomme ethale. Oonyoonyiweene, aarowa vaate wa atithawe.

Ahooleli 15:15

Amphwanyaka nandere a buuru, aamuttotta, anawiivano aFilisti asilopwana macira muloko.

Ahooleli 15:8

Aahaawanano moota woowoopiha awiivaka ancipale a yaawo. Vahoolowaya aarowa, anakhala munikhukuni vamwala wa wEtami.

Ahooleli 16:29

Samesoni aahiilipihera mwaamarimbuni muloko neeli a eriyari, mwa yaawo yaalipiha empa ya Dagoni. Aavarenleene amarimbu eeli ale – mukina moono mulopwana ni mukina muthiyana,

Ahooleli 16:31

Vahoolowaya axunneiye ni emusi yootheene ya atithawe yaarowa okuxa muttembo. Yaaruuha, enavitha eriyari ya oZoreya ni wExtawoli munihiyeni na atithawe Manowa. Aahaahoolela aYixrayeli wookwana iyaakha miloko miili.