Ahooleli 13:6 - Emakhuwa Bible

⁶ Muthiyana ole aarowa waathalihera sootheene aiyawe eeraka: “Mmoha a Muluku aahoorwa wuuluma ni miyo. Aari oovuwaxa ntoko ndyelo a Muluku. Nkimukonghe aakhumelelaawe owo khakileenle nsinanawe.

Ahooleli 13:6 Iomraidhean Croise

Epacerero 18:2

Abrahaamu aawoona asilopwana araru yeemenleene woorakamela vakhaani. Awoonakaru, aavenya vamulako wa eheemaawe, anaatthimakela weera aakumaneno, anuuramela vathi.

Epacerero 32:29

Yakobe aapwaherera: “Dyoontte mukileele nsinananyu.” Vaheera Owo aamwaakhula: “Munkohera heeni nsinanaka?” Ni vaavaale aamureeliha.

1 Mamwene 17:18

Vano naamukhweli ole aamukoha Eliya: “Kootthekenleni mulopwana a Muluku? Murweenle va okuupuxera sootthekasaka ni omwiiva mwanaka?”

1 Mamwene 17:24

Vanonto muthiyana aamweerela Eliya: “Vano koosuwela weera muri mulopwana a Muluku ni masu a Yave munuulumanyu ti a ekhaikhai.”

2 Mamwene 4:16

Elixa aamweerela: “Mwaahiyu ehuhuweene yeela, nyuwo munoomwaakanda mwaana.” Muthiyana ole aamwaakhula: “Hoye mulopwana a Muluku, muhimutthebwe murumeiyaanyu!”

2 Mamwene 4:9

Muthiyana ole aaweerela aiyawe: “Koosuwela weera mulopwana owo omviraxa va ti mulopwana ootteela a Muluku.

Okhuma 3:2

Vaavaale ndyelo a Yave aamukhumelela mmalumini a mooro yaakhuma vaniphuwani. Moisesi aahoona weera naamvarelaru niphuwa, khanaasa.

Okhuma 3:6

Aapwaherera eeraka: “Miyo ti Muluku a atithinyu; Muluku a Abrahaamu, a Isaki ni a Yakobe.” Vano Moisesi aakhuneela ekhovaawe niwoko aahoova ongweha Muluku.

Daniyeli 10:11

Owo aakeerela: “Daniyeli, nyuwo muri oosiveleyaxa. Ngwiriyane nnenesene masu kineeraaka kooleeleni, ni mweemele niwoko miyo kirumiheliwe nyuwo.” Owo akileelakaru yeeyo, miyo kaaheemela, kithukumelaka.

Daniyeli 10:5

Kaaweha osulu ni aakhala ohoolowaka mulopwana awanreene eliinyu*, iiphitelenleene laamba a eyuuma yoorikaxa.

Daniyeli 8:17

Owo aakaattamenlaawe, kaahoova, kinamorela vathi. Owo aakeerela: “Mwaana a mutthu, mwiiwexexe weera moonelo ola onthoonyera ihuhu sa ommaleloni.

Luuka 1:19

Ndyelo aamwaakhula: “Miyo Gabriyeli, kinkhala ohoolo wa Muluku mahuku ootheene. Koorumihiwa weera kooleeleni ni koovaheeni masu ooreera ala.

Luuka 9:29

Avekelaka hiihaale, ekhalelo ya ekhovaawe yaathatuwa, ni ikuwosawe saakhala sootteela ntoko waara wa overinya.

Miteko 6:15

Engwehaka ole, ootheene yaakilaathiye muSineedriyuni* yaahoona weera ekhovaawe yaalikana ni ekhove ya ndyelo.

Deuteronomiyo 33:1

Ti yaala mareeliho aavanghaawe Moisesi, mulopwana a Muluku, aareelihaka aYixrayeli ahinaaye okhwa:

1 Timootheyo 6:11

Wa soothesene, weyo, mulopwana a Muluku, otthawe itthu sootheene iyo ni waasaase waakhuleliwa ni Muluku, murima wa omuluku, nroromelo, osivela, ovilela ni murima woomaaleleya.

Yoxuwa 14:6

Asilopwana a oYuda yaamwaattamela Yoxuwa oGiligali ni Kalebi, mwaana mulopwana a Yefune, muKenizi, aamweerela: “Moosuwela yeeyo Yave aamweerenlaawe Moisesi, mulopwana a Muluku, oKadexi-Bareneya mwaha wa hiyo ooweeli.

Ethupululo 1:17

Kimoonakaru, kaamorela vanaawoniwawe ntoko mutthu okhwiiye. Vano Owo aakiikaathera ntatanawe na moono mulopwana, anakeerela: “Muhoove, Miyo ti Oopacera ni Oomalihera.

Ahooleli 13:10

Muthiyana aahaatthimakela aiyawe, anaathalihera: “Mulopwana yoole iixoonihenre wa miyo nihuku nne, ola ori va!”

Ahooleli 13:22

Aamweerela mwaariye: “Nnimookhwa, niwoko noomoona Muluku!”

Ahooleli 13:3

Ndyelo a Yave aahiixoonihera wa yoowo, anamweerela: “Nyuwo mwali eekupa muhirino anamwane, mene munoorupala mungyare mwaana mulopwana.

Ahooleli 13:7

Owo ookileela: ‘Munoorupala ni munoomuraya mwaana mulopwana. Muhiwure eviinyu naari soowura sikina soohapala ni muhiceru etthu yoohitteela, niwoko mmiravo owo anaakhale muNaziri* ootteeliheriwa Muluku okhuma oyariwawawe mpaka okhwawawe.’”

Ahooleli 13:8

Vano Manowa aamvekela Muluku: “Ii! Yave, kinoodyoonttelelani, weera mulopwana a Muluku munirumihenlaanyu, ahokoleele wa hiyo weera anixuttihe yoompakela mwaana aneera ayariwe.”

Ahooleli 6:11

Ndyelo a Yave ahoorwa, anakilaathi vathi wa mwiri wa ekarivalyu* wOfera waari wa Yowaxi, ngwAbiyezeri. Vano mwanawe Gidiyoni eera eepetthaka etrigu munttankhini saamiwa iwuuva* weera awiipithihe aMidiyani.

1 Samuweli 2:27

Vanonto mulopwana mmoha a Muluku aamwaattamela Eli, anamweerela: “Yave oneera ha: ‘Kaahiixoonihera vaate wa atitthinyu awosa yaaraaya wExipitu elamuliwaka ni Farawu*.

1 Samuweli 9:6

Vano, murumeiyaawe aamwaakhula: “Moone, musidadeni ela ookhala mulopwana a Muluku oottittimiheya. Sootheene owo onghimaawe sinimweereya. Nrowe namuulumane. Apaale owo onoonithoonyera ephiro yookuxera.”