Ahooleli 12:4 - Emakhuwa Bible

⁴ Vano Yefeta aawiitthana asilopwana a oGiliyade, enaawanano awEfrayimi. aGiliyade yaahaawina, niwoko awEfrayimi yaaheera: “Nyuwosa aGiliyade muri anamatthawatthawa a ekhapira ya wEfrayimi ni Manaxe.”

Ahooleli 12:4 Iomraidhean Croise

1 Mamwene 17:1

Vano Eliya, muTixebi arowaka oTixebi, elapo ya oGiliyadi, aamweerela Ahabi: “Kinlipela mwa Nsina na Yave, Muluku a aYixrayeli mwa Yoowo kinimurumeelaaka weera khaniimaru nikame hata kheeruparu epula iyaakha sinrwa mpaka ehuhu kineeraaka kihime.”

Nehemiya 4:4

Ii! Muluku, muniiwe, niwoko nnoonyemuliwa. Mwaahokoloxere onyemuliwa weera okhale wawaya. Evarasiwe eronghiwaka elapo ekina!

Icipo 78:9

Asilopwana a wEfrayimi, yaarookuxaru nyuupa, yaatthawa munihukuni na ekhotto.

Masu a Miruku 12:13

Mutakhali ompharihiwa muntaphani mwa ngwoothanimwawe, vaheera oororomeleya onoowera wiitapuxa mmakacamihoni.

Masu a Miruku 15:1

Yoowaakhula yoomaaleleya enghuluxa onyoonyiwa, vaheera masu ookwitula antannya isara.

Ahooleli 11:10

Ahooleli a oGiliyade yaamwaakhula: “Yave ti namoonaahu: Ninoopaka yeeyo muhimmaanyu.”

Ahooleli 12:3

Koonakaru weera khamwaakikhavihera, kaaleva okumaaka, kinarowa waawanano awAmoni ni Yave aakiwiniha. Vano heeni nyuwo mukirweenlaanyu olelo? Apaale muntthuna okiwanano?”

Ahooleli 12:5

aGiliyade yaahaakamela moohiixera mwa Yordanu mwaalapuwiwa wookela wEfrayimi. Imaara sootheene namatthawatthawa a awEfrayimi eeraawe: “Kilapuwe,” vano aGiliyade yannamukoha: “Nyuwo ngwEfrayimi?” Owo eera: “Hoye,”

1 Samuweli 25:10

Nabali aawaakhula arumeiyaawe Davide: “Davide owo taani? Mwaana mulopwana a Yixai owo taani? Aakhala arumeiyi ancipale animutthawa pwiiyaaya mahuku ala.