Ahooleli 11:39 - Emakhuwa Bible

³⁹ Siviraleene nyeeri miili aahokoleela wa atithawe ni Yefeta aampakela yeeyo aaroromelinghaawe. Mwaamwali ole aari oowiikosopa. Yaakhumme vaavaale ekhovelelo ya aYixrayeli

Ahooleli 11:39 Iomraidhean Croise

2 Nyaha 35:25

Yeremiya aahiipa ecipo amuttittimiherelaka Yosiya, ni mpaka olelo va anamwiipa asithiyana ni asilopwana, annimuttittimiherela Yosiya ni icipo seiye sa olalamika. Eyo yoothatuwa ekhovelelo oYixrayeli, ni elempwale mulivuruni ya olalamika.

Yesaya 66:3

Vaheera yoole omveleela emombe ori ntoko mutthu yoowo ommwiiva mutthu ni yoole oniiva eputtiputthi ori ntoko mulopwana ompiritula exiko ya mwaaxaana a mwalapwa. Yoole ompaka yooveleela ya etrigu ori ntoko mulopwana onoonihera ephome ya ekhumba ni yoole onghisa erubani* yoowuupuwelela ori ntoko mulopwana onlapa muluku mukina woolokottha. Awosa aathanla iphirosaya ni minepasaya singhakalalela mitekosaya sa mwiikho.

Deuteronomiyo 12:31

Muhimulape Yave Mulukwaanyu mooteene yoowo simpakaaya miloko iyo, niwoko saalapaka milukusaya, iyo simpaka itthu soonanara soohiyanahiyana mwa seiyo Yave onthanyaawe. Awosa mpaka anaahisa anamwanaaya mmooroni ntoko sooveleela wa milukusaya.

Ahooleli 11:31

akhalaru anaakhume vamulako wa empaaka miyo akiciceeraka ngwaawinanimwaka awAmoni, vano owo anaakhale a Yave. Kinoompaka yooveleela yoohisa.”

Ahooleli 11:38

Yefeta aamweerela: “Oroweke.” Aamutthunihera orowa wa nyeeri miili. Owo ni asikhwaawe akina yaarowa mmattumuxani, eniinlasa niwoko na ohitheliwawawe.

Ahooleli 11:40

asimwali annirowa wookwana mahuku maxexe khula eyaakha weera yamuupuwelele mwaana muthiyana a Yefeta, muGiliyade.

1 Samuweli 1:11

Owo aaroromeliha eeraka: “Ii! Yave a ikuru sootheene, dyoontte moone othanana wa murumeiyaanyu muthiyana ni mukuupuwelele. Muhikittiwale; mukivahe mwaana mulopwana. Mwakivaha, kinoowinnyererani wa mahuku ootheene a okumaawe ni mayihaawe ni irerusawe khasimetthiwaru.”

1 Samuweli 1:22

Owo aaweerela aiyawe: “Mwaana ola ahiyaleene waamwa, kineeraaka kimukuxe weera kamoonihere Yave ni ola onookhalawo mahuku ootheene.”

1 Samuweli 1:24

Amuhiihaleene waamwa, nlelo areene mukhaanene, aamurongha Empa ya Yave oXilo vamoha ni emombe elopwana yaarino iyaakha tthaaru, efa* ya ephepa ni kacikhi a eviinyu.

1 Samuweli 1:28

Tivawo miyo olelo kinimvahaaka Yave. Owo anaakhale a Yave wa mahukwaawe ootheene.” Hiiho owo aamulapawo Yave.

1 Samuweli 2:18

Vano Samuweli areene nlelo mmiravo annarumeela vamaithoni wa Yave awanreene mukaandyo wa eliinyu*.