Ahooleli 10:16 - Emakhuwa Bible

¹⁶ Vano yaarihela okerekhere miluku sa anamarwa yaaraayano, enamulapa Yave. Vanonto Yave khaatthuna woonatho ohooxiwa wa aYixrayeli.

Ahooleli 10:16 Iomraidhean Croise

Epacerero 6:6

Yave aathananihiwa niwoko na ompakawawe mutthu mweelaponimu, ni eyo yaamvoreya vamurimaniwawe.

2 Mamwene 13:23

Wa soothesene, Yave aawoonihera murimaawe wooreera, aamorelaka ikharari aapwatthaka niwoko na wiiraanawawe ni Abrahaamu, Isaki ni Yakobe. Mpaka olelo Owo khantthuna waaphwata hata owoomola vamaithoniwawe.

2 Nyaha 15:8

Mwene Asa iiwakaru masu ale, ni mprofeeti Azariya, mwaana mulopwana a Obede, aathalihenraawe otthuna wa Muluku, aalipihaxa murimaawe. Aavenxa miluku soohiira sa elapo yootheene ya oYuda, oBenyamini ni isidade aawinnaawe mmanyaakoni sa wEfrayimi, anaareherera altaari* a Yave yaari ohoolo wa nipithela* na Empa ya Muluku.

2 Nyaha 33:15

Manaxe aakhumiha Mpaani mwa Yave miluku sa anamarwa ni icaambulo iikaathiyaawemo, mpakatho altaari* ootheene a miluku soowootha aatenkaawe vanttumuxani na Empa ya Yave ni oYerusaleemu; aavonyera okerekhere wa esidade.

2 Nyaha 7:14

vano mulokwaaka oniitthaneliwa Nsinanaka, wiiyeviha, onavekela, onaasaasa ekhovaaka, ni wasusa mphironimwaya moonanara, kiri wiirimu kinimwiiwa, kileveleleke yootthekaaya ni kilamiheke elapwaaya.

Icipo 73:21

Murimaaka waakiriipalaaya ni okumaaka waasareiyaaya nrima,

Yesaya 63:9

Moothanananimwaya moothemwene Owo aathananatho ni ndyelo a okhalawawe aahaavuluxa. Owo aawoopola moosivelanimwawe ni mukhararinimwawe. Ti Yoowo aavenxa, aweettihaka mmahukuni a khalayi.

Yeremiya 31:20

Khahiyono Efrayimi oosiveleyaaka? Mwaana kinimutthunaxaaka? Imaara sootheene Miyo kinuulumaaka sa Efrayimi, kimmuupuwelelaxa yoowo. Tivawo, kinimuhelaxaaka vamurimani; kinimmorelaaka ikharari,” onghima Yave.

Hoxeya 11:8

Moota heeni kineeraaka koohiyeeni Efrayimi? Yixrayeli, moota heeni kineeraaka kiwinnyerereni mmatatani mwa akina? Moota heeni kineeraaka koopakeeni ntoko kaampankaaka Adema? Moota heeni kineeraaka koopakeleni yeele kaampakenlaaka Zeboyimi? Murimaaka khoonoona mathanlelo; ikhararisaka sootannyereya.

Hoxeya 14:8

Ii! wEfrayimi, nkipwatthele heenitho miluku sikina? Ti Miyo kinimwaakhula, kinamukosoopa. Kiri ntoko mwiri wa epinyeiru* ekithi; soowiimasanyu sootheene sinrweela wa Miyo.”

Mikeyasi 7:18

Ii! Muluku, khawoworu muluku mukina ntoko Nyuwo, munttiwala soottheka ni ovaanya wa yaawo anghalahala a mmulokonimwanyu! Nyuwo khamunnyoonyiwa wa mahuku ootheene, mene munghakalalela woowoonihera murima wooreera.

Luuka 15:20

Vahoolowaya, aavenya ni aarowa wa atithawe. Areene nlelo ottai, atiithi yaamoona ni yaasareya ni ikharari, enamutthimakela mwanaya, enamukhubaara, enamubeeca.

Luuka 19:41

Aakhuveelaawe ni oonaka esidade, Yeesu aahiinlela yeele

Yohaane 11:34

Owo aamukoha: “Mmwiyaathiye woowi?” Awo yaamwaakhula: “Ngwe ni moone, Apwiya.”

awEfeso 4:32

Mureerelane murima mmorelanaka ikharari mukina ni mukhwaawe, mulevelelanaka ntoko Muluku oolevelenlaaweni mwa Kristu.

Deuteronomiyo 32:36

Yave onoothoriha mulokwaawe ni, oonaka weera khaakuru ni weera khaawo ohanle, akhalaka neethi naari epottha, Owo onimwaamorela ikharari arumeiyaawe.

aHeberi 3:10

Tivawo kaanyoonyeraxiwaaka ekhapireene yeele ni kaaheera: ‘mirimasaya singhapuwa mahuku ootheene, ni awo khaasuwenle iphirosaka.’

aHeberi 4:15

Vano, khaninono mutokweenexa a asaserdoti* ohingwera onimorela ikharari ni ohilipawahu, mene aani, Mukina aavinre ngweereriwani wootheene ntoko hiyo, ahitthekakatho.

Yoxuwa 24:23

Yoxuwa aaweerela: “Vanonto, mvonyere okhwipi miluku sikina muraanyuno ni muhokoleele wa Yave, Muluku a aYixrayeli.”

Ahooleli 2:18

Imaara sootheene Yave aarumihelaawe muhooleli, Owo aakhala ni muhooleli aavuluxaka mmatatani mwa amwiittanaaya, muhooleli areene nlelo ni okumi. Yave aahaamorela ikharari mwaha wa wiinlawaya ohoolo wa yaale yaahooxa ni yaathananiha.

1 Samuweli 12:10

aYixrayeli yaamukhuwelela Yave yeeraka: ‘Noottheka, nimuhiyaka Yave nirumeelaka miluku siniitthaniwa aBahali* ni Axetoroti. Vano, munoopole mmatatani mwa amwiittanaahu ni nnimoorumeelani Nyuwo.’

1 Samuweli 7:3

Samuweli aaheerela muloko wootheene wa aYixrayeli: “Mwatthuna omuhokoleela Yave ni murimaanyu wootheene, vano mvenxe miluku sikina variyariwanyu nitho miluku sikina siniitthaniwa Axetoroti ni vahoolowaya mumvahe mirimasanyu Yave munrumeelaka Yoowo paahi. Owo onoowoopolani mmatatani mwa aFilisti.”

1 Samuweli 7:4

Hiiho aYixrayeli yaavenxa milukusaya sa aBahali* ni Axetoroti, enamurumeela Yave paahi.