Ahooleli 10:13 - Emakhuwa Bible

¹³ Wa soothesene, mookihiya Miyo mulapaka miluku sikina. Tivawo nkootapuxanitho.

Ahooleli 10:13 Iomraidhean Croise

1 Nyaha 28:9

Vano weyo mwanaka Salomoni, omusuwele Muluku a atithawo, ni omurumeele ni murima wootheene, ohinyesereriwaka, niwoko Yave ongwehaweha mirima sootheene ni onsuwela wiixera wa soowuupuwela sootheene. Weyo wamwaasaasa, onoomphwanya, vaheera wamuhiya, Owo onimookhootta wa mahuku ootheene.

2 Nyaha 12:5

Vano, mprofeeti Xemaya, aahiixoonihera wa Rehobowami ni wa ahooleli a oYuda yaathukumanne oYerusaleemu, emoovaka Xixake, anaweerelasa: “Yave oneera ha: ‘Nyuwosa mookihiya; tivawo Miyo kinoohiyaakani, kiwinnyererakani wa Xixake.’”

2 Nyaha 15:2

Owo aarowa omukumanano Asa, anamweerela: “Asa vamoha ni muloko wootheene wa oYuda ni oBenyamini, mukiwiriyane: Nyuwo mwakhala ni Yave, Owo onookhala ni nyuwo. Mwamwaasa, Owo onimootthuniherani omphwanya, vaheera mwamuhiya, Owotho onimoohiyani.”

2 Nyaha 21:10

Mpaka olelo va awEdomi ampwaherera ootapuxeyeene mwa aYuda. Ehuhuweene yeeyo oLibena waawanawanatho, niwoko Yehorami aamuhiya Yave, Muluku a makholowaawe.

Yeremiya 2:13

Mulokwaaka woopaka itthu sootakhala piili: owo wookihiya Miyo kiri naattuuttu a maahi a okumi, ni woothipa ihimesaya, aani ihime soowaaleleya sihingwera okhalano maahi.

Yeremiya 2:19

Yootakhalaanyu enimoottaruxani ni ovaanyawanyu onimoohiihani. Mwiiwexexe ni moone moota onnanaraaya ni ongwaawihaaya omuhiya Yave, Mulukwaanyu, muhikoovaka Miyo,” onghima Yave, a ikuru sootheene.

Yoonasi 2:8

Yaawo anroromela miluku sikina, anramusa ikharari sa Muluku.

Deuteronomiyo 32:15

Wa soothesene, Yexuruni aahooca mpaka ohiya, anapacera ovaanya. Nyuwo mooneneva, moottittikalela ovona yooca. Moomuhiya Muluku oopattunxeni, munamukhootta Mwala oovulunxeni.

Ahooleli 10:14

Haya, mukhuwelelase miluku muthanlalaanyu. Miluku iyo soovuluxeni mwaavolowaka mmahoxoni!”

Ahooleli 2:12

Yaamuhiya Yave, Muluku a makholowaaya, aakhumihanse wExipitu. Yaatthara, enalapa miluku soohiyanahiyana sa miloko saarukureenre, etannyaka isara sa Yave.

Ahooleli 2:19

Vaheera aakhwaawe muhooleli, aYixrayeli yaahokoleela iphiro sootepaxa oopwaha sa makholowaaya, ettharaka, ekokhorelaka ni elapaka miluku sikina. Yannakhootta ohiya mitekosaya soonanara ni iphirosaya yaawaatelelaaya.