aHeberi 9:7 - Emakhuwa Bible

⁷ Wa soothesene, mutokweenexa a asaserdoti* paahi aavolowa ekwartu yanaaveeli emaara emoha paahi vayaakhani. Khaavolowa woohikhala ephome, mwa yeeyo owo aaveleelela sootthekasawe ni wa soottheka muloko waapakaaya niwoko na ohisuwelawaya.

aHeberi 9:7 Iomraidhean Croise

2 Samuweli 6:7

Yave aamunyoonyeriwa Uza niwoko na epakelowaawe yoohitteela. Tivawo Muluku aamvulalinghaawe, anakhwela vaavaaleene mukerekhere wa Arka* a Muluku.

2 Nyaha 33:9

Wa soothesene, Manaxe oohapuxa oYuda ni muloko wa oYerusaleemu, mpaka waatepa opaka soonanara opwaha miloko Yave aaphwantaawe ohoolo wa aYixrayeli.

Icipo 19:12

Taani onsuwela sootapanyasawe sootheene? Mukilevelele sootapanya seiyo kihisuwenlaaka.

Icipo 95:10

Kaanyoonyeriwa ekhapira ele wa iyaakha miloko mixexe; keenre: ‘Awosa ti muloko woohapuwa ni khaaneetta mphironimwaka.’

Okhuma 30:10

Emaara emoha vayaakhani Aharoni apakeke wiiraana vamanyakaniwaya. Wiiraanawene weiwo wa khula eyaakha opakiweke ni ephome ya yooveleela mwaha wa yoottheka weera siiraane ikhapira sootheene sa muhoolo. Altaari* awo ti ootteelaxa wa Yave.”

Yesaya 28:7

Vano yaale amveveleyaxa niwoko na eviinyu ni soowura ti ala: asaserdoti* ni maprofeeti amveveleya niwoko na soowura ni anrukureereya nyuru niwoko na eviinyu. Awosa khaangwera weemela niwoko na owura yoohapala, mmoonelonimwaya anoona soopupuruma ni khaangwera othoriha ekhaikhai.

Yesaya 29:14

Tivawo, kineeraaka kitikhinihetho muloko ola ni sootikhiniha sincipale; miruku sa anamiruku sinooriheya; owalaala wa oocendyeraaya onkoongora.”

Yesaya 3:12

Amiravo anghasula mulokwaaka; asithiyana anlamula yoowo. Ii! Mulokwaaka yaale anoohoolelani annoolokotthani ni anoohapuxani mphironi.

Yesaya 9:16

Yaale anghooleliwa a muloko owo annalokottha yoowo ni yaale anghooleeliwa anoothweelelihiwa.

Hoxeya 4:12

Awosa animwaasa miruku wa miluku sa nyiri, ni anaakhuliwaaya ni mwaatthaabwa. Munepa wa oraruwa ti onaahapuxa; awosa khaanroromeleya wa Mulukwaaya.

Levitiku 16:34

Ekanowaanyu yoohimala ti ela: orehererela wiiwanana ni Yave opakiweke emaara emoha vayaakhani wa soottheka sootheene sa aYixrayeli.” Ni sootheene saapakiwa ntoko Yave aamulamulenlaawe Moisesi.

Levitiku 5:18

Owo amuruuheleke musaserdoti* napunci a muhuwaawe oohirakala ni oowaakhuleliwa ntoko yooveleelela nthowa. Moota hiiho musaserdoti* onoomurehererela wiiwanana ni Yave mwa yootapanya opankaawe mweerisani ni owo onooleveleliwa.

Amosi 2:14

Oowaaluweya khoopowa, oolipa khalipa, ni nakhotto khoopola okumaawe.

Nuumeru 15:25

Musaserdoti* areherereleke wiiwanana ni Yave muloko wootheene wa aYixrayeli, ni awosa anooleveleliwa, niwoko yootthekaaya kheehiyono mweerisani, ni awosa yaamuruuhela Yave yooveleela yoorehereriwa vayikho ni yooveleelela yoottheka.

awEfeso 4:18

Soowuupuwelasaya siri sooriipihiweene, ni awo aamwalamwaxiwa ni okumi wa Muluku niwoko na ohisuwela ori mwa yaawo onrweela wa wuuma mirimasaya.

aHeberi 10:3

Wa soothesene, sooveleela iyo eyaakha ti eyaakha sinnuupuxera sa soottheka,

aHeberi 6:19

Nookhalano oweherera wu ntoko nipuro noolipihiwa mookuminimwahu, noolipa nnenesene. Nroromelo nna nimvolowa mpuwa mwa empa yootteela mpaka wiithela wa ekuwo etokotoko,

aHeberi 7:27

Khahiyono ntoko asaserdoti* akina. Owo khanghaawela ovaha sooveleela nihuku ti nihuku, woopacera wa sootthekasawe, ni vahoolowaya wa soottheka sa muloko. Owo ohiiveleela khuluwi wa sootthekasaya, iivelenlaawe mwaneenaawe.

aHeberi 9:3

Wiithela wa ekuwo etokotoko yanaaveeli yaari ekwartu yanaaveeli, yiitthaniwa nootteela na ootteela*,