aHeberi 9:28 - Emakhuwa Bible

²⁸ hiihotho Kristu oovahereriwa ntoko Yooveleela emaara emoha paahi weera avenxe soottheka sa ancipale. Anaawe emaara yanaaveeli, ohikhanle ovenxa soottheka, mene weera aaruuhele ovuluwa yaawo aningweherera.

aHeberi 9:28 Iomraidhean Croise

Yesaya 25:9

Nihuku nenenenno awosa eniyeere: “Vekhaikhai Owo ti Mulukwaahu; hiyo nnimuroromela ni Owo oonivuluxa. Owo ti Yave, nnimuroromelaahu. Nihakalalelaxe ovuluxawawe.”

Levitiku 10:17

“Muhikhuurenle heeni yooveleelela yoottheka vaNipuroni Nootteela*? Ti yooveleela yootteelaxa mvahiwaanyu weera mvenxe nthowa wa muloko murehererelaka wiiwanana ni Yave wa yoowo vamaithoniwawe.

Zakariya 14:5

Nyuwosa munootthawela oreyareyaniwaka, niwoko nno nnimwaataleya mpaka wAzeli. Munootthawa ntoko mwaatthangwaanyu otetereya mweehuhuni mwa Uziya, mwene a oYuda. Vano Yave Mulukwaaka onimoowa vamoha ni ootteelaawe ootheene.

Nuumeru 18:1

Yave aamweerela Aharoni: “Nyuwo, anamwaniinyu asilopwana ni emusi ya atithinyu, munookhalano nthowa na wakhalaru moota wa oveihiwa Nipuro Nootteela*. Nyuwo ni anamwaniinyu munookhalano nthowa mwa sakhalaru sooveiha sipakeiye mmutekoni wa esaserdoti.

Nuumeru 18:23

Ti yootthuneya ya aLeevi ovara muteko Muheemani ya Muthukumano* ni anookhalano nthowa na yakhalaru yoonanara eneera yeereiyemo. Ela ekano yoohimala wa ikhapira sootheene sineera sirwe. Awosa khayaakhelaru yoohiyeriwa eriyari ya aYixrayeli.

Nuumeru 7:33

mwaamombe mmoha, napunci ni eputtiputthi elopwana ya eyaakha emoha ntoko yooveleela yoohisa;

Matheyo 20:28

Hiihotho Mwaana a mutthu khaaweenle orumeeliwa, mene weera arumeele, ni aveleele okumaawe ntoko yoowoopola ancipale.

Matheyo 25:31

Mwaana a mutthu aawaaka moovuwanimwawe vamoha ni andyelowaawe ootheene, anaakilaathi vahiceniwawe ya ovuwa.

Matheyo 26:28

Ela ti ephomaaka ya wiiraanyiha, enriheya mwaha wa atthu ancipale weera eleveleliwe soottheka.

Yohaane 14:3

Ni Miyo kaarowaka ni koorehererelakani nipuro, kinoohokolowa ni nkookuxeni vamoha ni Miyo weera nyuwo mwakhale weiwo Miyo kineeraaka kakhalewo.

Miteko 1:11

yaaweerenle: “aGalileiya, heeni nyuwo mungwehexexaanyu wiirimu? Yeesweene Yoowo owelihiwe variyariwanyu wiirimu, anaahokolowe mooteene yoowo ntoko mmoonnaanyu awelaka.”

aRooma 3:25

Muluku oomwiiyaathi Yoowo ntoko yoowiiveleela weera awere wiiraaniha ni ephomaawe niwoko na nroromelo. Owo aapaka yeeyo weera oonihere ororomeleyawawe, niwoko moovilelanimwawe aahiya soohittaruxiwa soottheka saapakiwe khalayi.

aRooma 5:15

Mukhalelo wa mahala khoonlikanxereya ni mukhalelo wa yoottheka. Waari weera vekhaikhai atthu ancipale akhwiiye niwoko na yoottheka ya mutthu mmoha paahi, ekhaikhaitho weera mahala a Muluku ti oopwahaxa. Mahaleene yaawo anrweela wa Muluku wa ancipale niwoko na mutthu mmoha paahi, Yeesu Kristu, ti matokweenexa.

aRooma 6:10

Ni okhwawawe, Kristu okhwenle yoottheka khuluwi, ni okumi onyowani onkhalaawe, onimukhalela Muluku.

aRooma 8:23

Ni khasihiyono paahi seiyo, mene hiyo asineenaahu nookhalano soowiima soopacera sa Munepa, nniipulela mpuwamwahu, niwehereraka ni murima wootheene waakhulelawahu ntoko anamwane ni ovuluxiwa wa erutthwaahu.

aRooma 8:3

Yeeyo nlamulo nahaaweraaya opaka niwoko naaraaya nookhulumuliweene ni erutthu, Muluku oopaka, amurumihaka Mwanawe muneenaawe ntoko yooveleelela yoottheka alikanaka ni namattheka. Ni hiiho aathoriha yoottheka mweerutthuni,

1 aKorinto 1:7

moota wooweera ehoohaleeleni naari vakhaani yamahala ya Munepa nyuwo muwehereraka weera Apwiyaahu Yeesu Kristu ethupululiwe.

1 aKorinto 15:54

Yeeyo eri yoowuntta yaawaraka yoohunta, ni yeeyo yookhwa yaawaraka yoohikhwa, hiiho eniikwaniheriwe masu oolempwa: “Okhwa woomiriwa ni owina wookwanela.”

1 aTesalonika 1:10

ni moota mungwehereraanyu wiirimu orwa wa Mwanawe, mwa Yoowo Muluku omvenyererihalaawe mookhwaani: Yeesu, omvuluxa wa isara sineera sirwe.

2 aTesalonika 2:1

Axunna, mwaha wa orwa wa Apwiyaahu Yeesu Kristu ni othukumanawahu ni Yaawo, ninoodyoonttelelani nyuwo:

2 Timootheyo 4:8

Vano enookiweherera ecireemba ya ekhaikhai Apwiya, Mphuki oororomeleya, eneeraaya ekivahe nihuku nno, ni khoohiyono wa miyo paahi, menetho wa ootheene ansivela orwawaya.

Titu 2:13

niwehereraka oweherera wooreelihiwa: wooniheriwa woovuwa wa Mulukwaahu Mutokweene ni Mvuluxa Yeesu Kristu.

aHeberi 1:14

Vano, andyelo ari taani? Awo ari minepa soorumeela, sirumihiwe weera saarumeele yaawo eneera ephwanye ovuluwa.

aHeberi 10:10

Mootthunani wu, nootteelihiwa niwoko na yooveleela ya erutthu ya Yeesu Kristu, evahiwe emaara emoha wa mahuku ootheene.

aHeberi 12:14

Mwiilipihe weera mukhale mmuretteleni ni atthu ootheene ni weera mukhale ootteela, niwoko ohikhanle ntteeliho, khaawo eniwoone Apwiya.

aHeberi 2:3

Wootepaxa, nnoopowe hai hiyo nakhootta ovuluwa otokotoko ntoko wu? Ovuluwa wu waathalihiwe woopacera ni Apwiya, ni vahoolowaya woolipihiwa ni yaawo yiiwale.

aHeberi 4:15

Vano, khaninono mutokweenexa a asaserdoti* ohingwera onimorela ikharari ni ohilipawahu, mene aani, Mukina aavinre ngweereriwani wootheene ntoko hiyo, ahitthekakatho.

aHeberi 5:9

Ni aakwanihenraawe wiiwelelawawe, aathatuwa Naattuuttu oohimala a ovuluxiwa wa ootheene ammwiiwelela,

aHeberi 7:27

Khahiyono ntoko asaserdoti* akina. Owo khanghaawela ovaha sooveleela nihuku ti nihuku, woopacera wa sootthekasawe, ni vahoolowaya wa soottheka sa muloko. Owo ohiiveleela khuluwi wa sootthekasaya, iivelenlaawe mwaneenaawe.

aHeberi 9:25

Khaavolowa weera iivaherere imaara sincipale, ntoko mutokweenexa a asaserdoti* omvolowa nootteela na ootteela* eyaakha ti eyaakha ni ephome ya inama.

1 Pedru 2:24

Owo mwaneenaawe aavilela mweerutthuni sootthekasahu vamuttandani weera hiyo nikhwe wa soottheka, mene nikhale ni okumi wa ekhaikhai ya Muluku. Niwoko na makhwattaawe nyuwo moolamihiwa.

1 Pedru 3:18

Vano, Kristutho aahaawa emaara emoharu niwoko na soottheka, oohittheka wa anamattheka, weera aneettihe anironghaka wa Muluku. Owo aahiiviwa mweerutthuni, mene oohokoleela okhala ni okumi mukuruni sa Munepa,

2 Pedru 3:12

muwehereraka nihuku na Apwiya ni mwaakuvihaka orwawaya. Nihuku nenenenno wiirimu onuuhisiwe ni mooro, ni itthu sa vathi nsitothowe ni oviha.

1 Yohaane 3:2

Oosiveleya, vano nri anamwane a Muluku, ni nlelo khayoonihereiye yeeyo nneeraahu nikhale, mene noosuwela weera Owo iixooniheraka, nnikhale oolikana ni Yoowo, niwoko nnimoone moota okhanlaawe.

1 Yohaane 3:5

Nyuwo moosuwela weera Owo iixoonihenre weera avenxe sootthekasahu, ni mwa Yoowo khasiwowo soottheka.

Yuda 1:21

Mwiithokorore moosivelani mwa Muluku, muwehereraka weera ikharari sa Apwiyaahu Yeesu Kristu soorongheni mookumini woohimala.

Ethupululo 1:7

Moone weera Owo onimoowa mmahutteni, ni maitho ootheene eniimoone, yaaletho yaamuhomme, ni miloko sootheene sa elapo ya vathi nsilalamike niwoko na Yoowo. Hiiho onuukhale! Ame!*