aHeberi 9:22 - Emakhuwa Bible

²² Mwa yeeyo, nlamulo ninnyesereriha weera itthu sootheene sitteelihiwe ni ephome, ni ohikhanle ovuuviha wa ephome, kheewowo elevelelo.

aHeberi 9:22 Iomraidhean Croise

Ezekiyeli 43:18

Vano owo aakeerela: “Mwaana a mutthu, Yave onlamula sootheene, oneera ha: Meerelo eneera ettharihiweke saapakiwaka sooveleela soohisa ni yaamiseriwaka ephome altaari* awo eteekiweene, ti ala:

Levitiku 14:14

Musaserdoti* ahingeke ephome ya yooveleelela nthowa okhipi wa naaru noolopwana na yoowo aneera atteelihiwe, vakathani etokweene ya ntatanawe noolopwana ni ya nnaawonawe noolopwana.

Levitiku 14:25

Musaserdoti* iiveke eputtiputthi wa yooveleelela nthowa, akuxeke ephome vakhaani ni ahingeke okhipi wa naaru noolopwana na yoowo aneera atteelihiwe, vakathani etokweene ya ntatanawe noolopwana ni ya nnaawonawe noolopwana.

Levitiku 14:6

Vano amukuxe mwaapalame mukumi vamoha ni etthaabwa ya esidari*, ekuwo yooxeera ni ephandi ya hisopo*, amuxuweyeke mphomeni mwa mwaapalame iiveliwe mmaahini a oluusi.

Levitiku 17:11

Vano okumi wa soopattuxiwa sootheene sineetta ori mphomeni, ni Miyo kohoovahani weera murehererele wiiwanana ni Yave valtaarini*; ti ephome enrehererela okumi wiiwanana ni Yave.

Levitiku 4:20

apakelaka emombe mooteene yoowo aapakenlaaweno emombe ya yooveleelela yoottheka. Moota hiiho musaserdoti* onoorehererela wiiwanana ni Yave, ni owo onooleveleliwa.

Levitiku 4:26

Owo ahiseke makhura ootheene valtaarini* ntoko aahinsaawe makhura a yooveleelela murettele. Moota hiiho musaserdoti* onoorehererela wiiwanana ni Yave wa yoottheka ya mulopwana owo, ni owo onooleveleliwa.

Levitiku 4:35

Owo avenxeke makhura ootheene a eputtiputthi ya yooveleelela murettele. Vanonto musaserdoti* ahiseke seiyo valtaarini* vasulu wa soomveleelela Yave soorehereriwa vayikho. Moota hiiho musaserdoti* onoomurehererela wiiwanana ni Yave, ni mulopwana owo onooleveleliwa.

Levitiku 5:10

Vahoolowaya musaserdoti* amveleeleke mwaapalame mukinoowo ntoko yooveleela yoohisa ni attharihaka soonyesereriha sa sooveleela, amurehererelaka wiiwanana ni Yave niwoko na yoottheka opankaawe, ni owo onooleveleliwa.

Levitiku 5:11

Wa soothesene aahikhalano meerelo ooveleelela aximasiya meeli hoye hoye makhinda meeli, aruuheke ntoko yooveleelela yoottheka ikiilu* piili sa ephepa ya etrigu yooreerela weera aveleelele yootthekaawe. Owo ahimiinelewo makhura naari ahiikaathi erubani*, niwoko ti yooveleelela yoottheka.

Levitiku 5:12

Owo amuruuhele yeeyo musaserdoti*, ni musaserdoti* anyottoleke vakhaani ntoko mpatta wa eyuupuxero, ni eyo ahisereke valtaarini* vasulu wa sooveleeleliwa Yave soorehereriwa vayikho. Eyo ti yooveleelela yoottheka.

Levitiku 5:18

Owo amuruuheleke musaserdoti* napunci a muhuwaawe oohirakala ni oowaakhuleliwa ntoko yooveleelela nthowa. Moota hiiho musaserdoti* onoomurehererela wiiwanana ni Yave mwa yootapanya opankaawe mweerisani ni owo onooleveleliwa.

Levitiku 6:7

Moota hiiho musaserdoti* onoomurehererela wiiwanana ni Yave, ni owo onooleveleliwa vamaithoni wa Yave yakhalaru etthu ya seiyo opankaawe simutatunxe nanthowa.”