aHeberi 9:15 - Emakhuwa Bible

¹⁵ Tivawo, Kristu ti Namawera a wiiraana onyowani, weera yaawo aniitthaniwa ephwanye yoororomelihiwa ya yoohiyeriwa* yoohimala. Owo oowera wiiraanyiha weiwo, niwoko okhwenle elevelelo ya soottheka sipakiwe ehuhu ya wiiraanyiha woopacera.

aHeberi 9:15 Iomraidhean Croise

Icipo 37:18

Yave onkosoopa okumi wa oororomeleya ni yoohiyeriwaaya enoopwaherera wa mahuku ootheene.

Daniyeli 9:26

Siviraleene isimana miloko mithannamosa ni piili sa seiyo, Oottikittheliwa onimwiiviwa ni khakhalanatho etthu. Esidade ni Nipuro Nootteela* nnoophwatiwa ni muloko wa namalamula anaarwe. Ommaleloni onoophiya ntoko mirupi: owana onoopwaherera mpaka ommaleloni ni woolaleiwa oheleya mathala.

Matheyo 19:29

Ni ootheene ahiyale impasaya, axunnaya, axirokoraya, asitithaya, asimayaya, anamwanaaya, hoye hoye imattasaya niwoko na Nsinanaka, eniyaakhele seiyo imaara ncira, ni eniiphwanyetho okumi woohimala.

Matheyo 22:3

Aahaarumihela arumeiyaawe atthu yaalattuliwe ofestani, eweerelaka weera eweeke, mene awo khayaatthunne orwa.

Matheyo 25:34

Vano Mwene anaaweerele yaawo a moono mulopwana: ‘Ngwe, ootteelihiwa a Atithaka. Mwaakhele ntoko yoohiyeriwa* omwene mureherereliwaanyu okhuma ompacereroni wa elapo ya vathi.

Matheyo 25:36

kaahaawela ikuwo, ni mwaakiwariha; kaavoreiwa, ni mwaakikosoopa; kaari okaliposo ni mwaakixekura.’

Marku 10:17

Yeesu eeraka avenye, mulopwana mmoha aamutthimakela Yoowo, anamukokhorela anamukoha: “Muhusiha ooreera, kipakeke eheeni weera kiphwanye okumi woohimala?”

Luuka 18:18

Mutthu mmoha oottittimiheyaxa aamukoha: “Muhusiha ooreera, kipakeke eheeni weera kiphwanye okumi woohimala?”

Luuka 22:20

Mooteene yoowo, emalihaka oca, aakuxa ekoomixi eeraka: “Ekoomixi ela ti wiiraana onyowani mwa ephomaaka, evuuvihiwe wa nyuwo.

Yohaane 10:28

Miyo kimvaha okumi woohimala ni iyo khasirwa siriheya. Khaawo aneera awere okaakha mmatatanimwaka.

Miteko 20:32

Vano miyo kinoovahererani wa Muluku ni wa masu a mahalaawe. Masu ala anoowera woopuhihani ni woovahani yoohiyeriwa* vamoha ni ootheene yaawo ari ootteelihiwa.

aRooma 5:10

Naaraahu nlelo amwiittana a Muluku, niiraanyihiwe ni Yoowo niwoko na okhwa wa Mwanawe, wootepaxa vano, nireene oowiiraanyihiweene, nnivuluxiwe ni okumaawe!

aRooma 5:6

Mwa yeeyo, ehuhu yootthuneya, hiyo naaraahu nlelo oohiwereene, Kristu aahaakhwela oohitteela.

aRooma 5:8

Vaheera Muluku onoonihera onisivelawawe moota ola: Kristu aanikhwenle, hiyo naaraahu nlelo anamattheka.

aRooma 6:23

Ntthuvelo na yoottheka ti okhwa, mene mahala a Muluku ti okumi woohimala mwa Kristu Yeesu Apwiyaahu.

aRooma 8:28

Noosuwela weera Muluku onneettiha soothesene wa mpuha wa yaale animusivela, yaale yiitthaniwe niwoko na yeeyo Owo aatthunaawe weera yaareye.

aRooma 8:30

Yaawo Owo aathanlalaawe okhuma khalayi, oowiitthanatho, ni yaawo aawiitthannaawe, oowaakhulelatho, ni yaawo owaakhulenlaawe, oohaavuwihatho.

aRooma 9:24

Vano hiyo nri a nyaapu iya, hiyo Muluku oniitthannaawe, ohikhanle paahi wa aYuda, menetho wa amalapo.

2 aKorinto 3:6

Owo ooniweriha weera nikhale arumeiyi a wiiraana onyowani, khoohiyono wa soolempwa, mene wa Munepa, niwoko soolempwa siniiva, mene Munepa omvaha okumi.

aGalata 3:20

Wa soothesene, namitthenga khanimukhaliha mmoha paahi. Mene Muluku ori mmoha.

awEfeso 1:7

Mwa Yoowo nookhalano ovuluxiwa niwoko na ephomaawe, nitho elevelelo ya sootthekasahu. Ti hiiho mihakhu sa mahala a Muluku,

2 aTesalonika 2:14

Owo owiitthanenleni yeeyo ni maswaahu ooreeraxa weera mwaakhele ovuwa wa Apwiyaahu Yeesu Kristu.

1 Timootheyo 2:5

Vano, ookhala Muluku mmoharu ni ookhala Mmoharu paahi eriyari ya Muluku ni atthu: Mulopwana Kristu Yeesu,

2 Timootheyo 2:10

Tivawo kimvilelaaka sootheene niwoko na oothanliwa, weera awotho yaakhele ovuluxiwa ori mwa Kristu Yeesu ni ovuwa woohimala.

Titu 1:2

Nroromelo ni esuwelo ela yoolipiheriwa munroromeloni ya okumi woohimala, mwa yoowo Muluku oohootha aaroromelihalaawe ehinaaye ehuhu.

Titu 3:7

weera, nireene oowaakhuleliweene niwoko na mahalaawe, hiyo nithatuwe anamwaakhela, niwehereraka okumi woohimala.

aHeberi 10:34

Nyuwo mwaahaamorela ikharari yaawo yaari okaliposo, ni mwaahaakhulela ni ohakalala waakhiwa wa sooreelasanyu, niwoko mwaasuwela weera mookhalano sooreela sitokweene ni soohimala.

aHeberi 10:36

Ontthuneya weera nyuwo muvilele mooteene yoowo weera mwaamalihaka opaka otthuna wa Muluku, nyuwo mwaakhele yeeyo Owo ororomelihalaawe.

aHeberi 11:13

Ootheene ale akhwiiye munroromeloni. Awo khayaakhenle soororomelihiwa, yoonne ni yunkheliwe iye ottaiwene paahi, esuwelaka weera yaari anamarwa ni aletto mweelaponi.

aHeberi 12:24

wa Yeesu, Namawera a wiiraana onyowani ni wa ephome emisiwe, mwa yeeyo enuuluma yooreeraxa opwaha ya Abeli.

aHeberi 13:20

Ti ohaawelawaka weera Muluku a murettele omvenyererihale Yeesu Apwiyaahu, Mukukhuli mutokweene a ikhondoolo, mwa Yoowo owenre ni ephomaawe wiiraanyiha woohimala,

aHeberi 2:14

Tivawo, woonaka weera anamwane ari a erutthu ni ephome, Owo aathatuwatho mukhalelo mmoharu wa yaawo weera amphwate ni okhwawawe yoowo orino ikuru sa okhwa, eyo tiiyo Diyabu*,

aHeberi 3:1

Tivawo, axunna ootteela, nyuwo muri a wiitthana wa wiirimu, mmuupuwelele nnenesene Yeesu ori Murummwa ni Mutokweenexa a asaserdoti* nnimulapaahu.

aHeberi 6:13

Hapo khaakhanle mukina mutokweenexa oomulipela, Muluku aamuroromelihalaawe Abrahaamu, aahiilipela mwaneenaawe,

aHeberi 6:15

Hiiho, vahoolo wa oweherera ni ovilela, Abrahaamu aahaakhela yoororomelihiwa ele.

aHeberi 7:22

Niwoko na nlipelo nne, Yeesu oothatuwa yoororomelihiwa ya wiiraanyiha otokweenexa.

aHeberi 8:13

Iitthanaka wiiraana wu ‘onyowani,’ Muluku aapaka wohuuluvala iwe woopacera, ni yeeyo eri ya khalayi ni yoowuuluvala, ehanle vakhaani olakaseiya.

aHeberi 9:12

Owo aavolowa emaara emoharu paahi mwa nootteela na ootteela*, ohikhanle ni ephome ya ipuri, naari ya imombe ixaana, mene ni ephomaawe mwaneenaawe, ni hiiho aakwanihera ovuluwa woohimala.

aHeberi 9:16

Mwaha wa etestamentu*, ontthuneya woonihera weera yoowo opanke yeeyo, ohookhwa,

aHeberi 9:28

hiihotho Kristu oovahereriwa ntoko Yooveleela emaara emoha paahi weera avenxe soottheka sa ancipale. Anaawe emaara yanaaveeli, ohikhanle ovenxa soottheka, mene weera aaruuhele ovuluwa yaawo aningweherera.

Yakobe 1:12

Ooreelihiwa mulopwana omvilela ngweereriwani, niwoko avilela, anaakhele ecireemba ya okumi Muluku aaroromelihalaawe yaawo animusivela.

1 Pedru 3:18

Vano, Kristutho aahaawa emaara emoharu niwoko na soottheka, oohittheka wa anamattheka, weera aneettihe anironghaka wa Muluku. Owo aahiiviwa mweerutthuni, mene oohokoleela okhala ni okumi mukuruni sa Munepa,

1 Pedru 5:10

Vahoolo woohaawa ehuhu vakhaani, Muluku a mahala ootheene, mwa Yoowo owiitthanenleni ovuwawawe woohimala mwa Kristu Yeesu, anookwaneliheni, anookhaliheni, anoolipiheni ni anaaweemexeni.

1 Yohaane 2:25

Ni eyo ti yeeyo Atiithi yaaroromelinghaaya: okumi woohimala.

Ethupululo 5:9

ni awo yaahiipa ecipo enyowani: “Moophwanela waakhela elivuru ni ohula iwalelosaya*, niwoko mohiiviwa ni moomuthumela Muluku atthu a epuumba, nuulumo, muloko ni elapo yootheene.