aHeberi 9:14 - Emakhuwa Bible

¹⁴ woopwahaxa ephome ya Kristu, mwa Yoowo iivaherenre ni Munepa woohimala ntoko Yoovaha yookwanela wa Muluku, eniitteelihe mirimasahu sa miteko sa okhwa weera nimurumeele Muluku mukumi.

aHeberi 9:14 Iomraidhean Croise

2 Samuweli 4:11

Wootepaxa anamatakhala amwiivale mulopwana oohinthowa mpaani ni vakaamaniwawe. Vekhaikhai kinimwaattaruxasa kaamalamalihaka mweelaponi niwoko na ovuuviha ephomaawe!”

2 Mamwene 19:16

Ii! Yave mwiiwe ni moone. Mwiiwe mutthenga Senakerebi orumihalaawe weera amuveihe Muluku Mukumi.

Yobi 15:16

wootepaxa mutthu oothanyeya ni ootakhala; mutthu ongwura sootakhala ntoko angwureliwaaya maahi.

Icipo 51:2

Mukirapihe wa soonanarasaka sootheene ni mukitteelihe wa sootthekasaka.

Okhuma 12:5

Mwaamunama oothanliwa akhaleke mulopwana a eyaakha emoha oohirakala hata ekhalaka eputtiputthi naari epuri.

Yesaya 42:1

“Ola murumeiyaaka kinimukhaviheraaka; oothanliwaaka, mwa yoowo onkihakalaliha; mwa yoola kinoohela Munepaaka ni Owo onooruuhela miloko ekhaikhai.

Yesaya 53:9

Oovahiwa nihiye variyari wa mahiye a atakhali ni anamapuha mookhwaani, aaroohipahularu hata ehooneyakaru yoowootha.

Yesaya 57:15

Vano Oosulusuluxa, Yoowo onkhala ni okumi wa mahuku ootheene, Nsinanawe Ootteela, oneera ha: “Miyo kinkhala vanipuroni noosuluxa ni nootteela, menetho ni yoowo orino murima woothananaxa ni wooyevihiwa mmunepani weera kikakamuxe munepa wa oowiiyeviha ni opepesa murima wa oothanana.

Yesaya 61:1

Munepa wa Yave ori mwa miyo, niwoko Yave ookittikitthela weera kaalaleere oohaawa mutthenga wooreera. Owo ookirumiha weera kaakosoope yaale arino murima woothananaxa, weera kaalaleere otaphuwa anamatthukiwa ni kaatapuxe mpiphini yaawo ari mukaliposo.

Yeremiya 10:10

Vaheera Yave ti Muluku a ekhaikhai; Owo ti Muluku Mukumi, Mwene Oohimala. Owo aanyoonyiwaka, elapo enootetereya; miloko khasingwera ovilela isarasawe.

Ezekiyeli 45:18

“ ‘Yave onlamula sootheene oneera ha: Vanihukuni noopacera na mweeri woopacera nyuwo munkuxeke mwaamombe oohirakala ni mutteeliheke Nipuro Nootteela*.

Daniyeli 6:26

Kinkhaliha ekano weera moomwenenimwaka wootheene atthu emooveke ni emuttittimiheke Muluku a Daniyeli, niwoko Owo ti Muluku Mukumi ni Owo onkhala wa mahuku ootheene. Omwenaawe khoorwa ophwatiwa ni olamulawawe khoommala.

Levitiku 22:20

Muhimuruuheru mwaamunama oorakala niwoko khamwaakhuleleliwa mwaha wa nyuwo.

Nuumeru 28:11

Vanihukuni noopacera na khula mweeri, mumveleelele Yave yooveleela yoohisa ya aximombe piili, napunci mmoha a ikhondoolo ni iputtiputthi ithannapiili sa eyaakha emoha, sootheene iyo soohirakala.

Nuumeru 28:3

Mwaaleele: ‘Yooveleela yoorehereriwa vayikho muneeraanyu mumvahaseke Yave ti ela: Iputtiputthi piili sa eyaakha emoha, soohirakala, ntoko yooveleela ya khula nihuku.

Nuumeru 28:9

Vanihukuni na eSaabadu, mpakase yooveleela ya iputtiputthi piili sa eyakha emoha ni soohirakala, vamoha ni sooveleela soowura ni yooveleela emoha ya irooro ya ikiilu* piili sa ephepa yooreerela yooweetheeliwa makhura.

Matheyo 12:28

Vano Miyo koomola minepa soonanara ni Munepa wa Muluku, vano wohoophiyerani omwene wa Muluku.

Matheyo 16:16

Simeyoni Pedru aamwaakhula: “Nyuwo ti Kristu, Mwaana a Muluku Mukumi.”

Matheyo 20:28

Hiihotho Mwaana a mutthu khaaweenle orumeeliwa, mene weera arumeele, ni aveleele okumaawe ntoko yoowoopola ancipale.

Matheyo 7:11

Wakhala weera nyuwo mureene anamattheka moosuwela waavaha itthu sooreera anamwanaanyu, wootepaxa Atithinyu ari wiirimu eniyaavahe itthu sooreera yaawo anaavekela!

Luuka 1:74

Aanivuluxa mmatatani a amwiittanaahu weera hiyo naarumeele Apwiya nihoovaka,

Luuka 12:24

Mwaawehe anakhuku – awo khaanaala, hata khaanghepha; khaanono empa yoothokorora itthu, hata matatha. Wa soothesene, Muluku onnaaciha. Nyuwo mootepa otthuneyaxa waapwaha apalame!

Luuka 12:28

Muluku awariha hiiho malaxi a ntuphini olelo ariwo, omaalotho anoovonyeriwa mmooroni, wootepaxa anoowariheni nyuwo, atthu a nroromelo vakhaani?

Luuka 4:18

“Munepa wa Apwiya ori ni Miyo, niwoko Owo wookittikitthela weera kaalaleere masu ooreeraxa atthu oohaawa. Owo wookirumiha weera kaalaleere otaphuliwa yaale ootthukiwa ni olama atthu oohoona, ni weera kaataphule atthu oopuheriwa.

Yohaane 3:34

Vano, Yoole Muluku omurummaawe, onuuluma masu a Muluku niwoko Owo onnavaha Munepa moota woohikhalano mwiinaano.

Miteko 1:2

mpaka nihuku aawelihingwaawe wiirimu, vahoolo wa waalamulela itthu mwa Munepa Wootteela arummwa aathanlalaawe.

Miteko 10:38

Moosuwela moota Muluku aamuttikitthenlaawe Yeesu ni Munepa Wootteela, ni ni ikuru, ni moota Owo eettaawe ilapo sootheene apakaka itthu sooreera ni aalamihaka ootheene yaale yaalamuliwe ni Diyabu*, niwoko Muluku aari ni Yoowo.

Miteko 14:15

“Alopwana, heeni nyuwo mumpakaanyu yeeyo? Hiyotho nri atthu ntoko nyuwo. Ninooruuhelani masu ooreeraxa niweerelakani mususe mwa itthusene seiyo sa siiyo, ni muhokoleele wa Muluku mukumi opanke erimu, elapo ni ephareiya ni sootheene siri mwemmo.

Miteko 15:9

Owo khanipakenle nthalu hiyo ni yaawo, woonaka weera ootteeliha mirimasaya ni nroromelo.

aRooma 1:20

Okhuma ephattuwelo ya elapo ya vathi, mikhalelo soohooneya sa Muluku, ntoko ikurusawe, soohimala, ni omulukwaawe, saahooniwa nnenesene. Iyo siiwexexiwa mwa itthu soopattuxiwa, moota wooweera atthweene yaawo ari oohileveleleya.

aRooma 1:4

Owo aakhalihiwa Mwaana a Muluku ni ikuru sa Munepa wa ntteeliho niwoko na ovenyererawawe mookhwaani: Yeesu Kristu, Apwiyaahu.

aRooma 11:12

Vano, waari weera wuuwa wa aYixrayeli ontaphulela oreela wa elapo ya vathi, ni oyeleelawaya ontaphulela mihakhu wa amalapo, wootepaxa onuutaphulele waattawaya!

aRooma 11:24

Ohiya toko yeeyo, nyuwo mwaathikiliwe wa sooliveira* sa ntuphini, ni yaavirikana ni ekhalelowaaya, mwaalumbaanyiwa ni sooliveira* sa ekhaikhai, wootepaxa nsilumbaanyiwe iphandi sa ekhaikhai ni yooliveireene yeeyo ya ekhaikhai?

aRooma 6:13

Muhiveleele mipatta sa irutthusanyu wa yoottheka ntoko mipatta sa soonanara. Ohiyanawaya, mwiivaherere wa Muluku, ntoko atthu aruuhiwe wa okhwa mpaka okumi. Mveleele mipatta sa irutthusanyu wa Yoowo, ntoko mipatta sa ekhaikhai.

aRooma 6:22

Vanonto, mweenre nyuwo mvuluxiwaka mwa yoottheka ni mukhala ipottha sa Muluku, soowiima munghephaanyu sinooronghani wa ntteeliho, ni ommaleloniwaya ti okumi woohimala.

1 aKorinto 15:45

Hiiho yoolempwa: “Mulopwana oopacera, Adamu, aathatuwa erutthu ya okumi”; Adamu ookisera aathatuwa munepa omvaha okumi.

2 aKorinto 5:21

Niwoko na hiyo Muluku oomutatuxa yoottheka Yoowo ahaasuwenle yoottheka, weera mwa Yoowo hiyo nikhale oowaakheleliwa ni Muluku.

2 aKorinto 6:16

Wiiwanana heeni eraayano Empa ya Muluku ni sa miluku soolokottha? Vano hiyo nri Empa ya Muluku mukumi. Ntoko Muluku eenraawe: “Nkikhale vamoha ni yaawo, ni nkeette variyariwaya. Nkikhale Mulukwaaya, ni awosa eniikhale mulokwaaka.”

aGalata 2:19

Niwoko na nlamulo kohookhwa wa nlamulo weera kimukhalele Muluku.

awEfeso 2:5

niwoko na osivelaxawawe onisivenlaawe hiyo naaraahu nlelo ookhweene mwa sootakhala. Nyuwo moovuluxiwa niwoko na mahala!

awEfeso 5:2

ni mukhale moosivelani, ntoko Kristu onisivenlaawetho ni iivaherenre wa hiyo ntoko yoovaha ni yoowiiveleela yoomusiveliha Muluku.

Deuteronomiyo 15:21

Mwaamunama arakala hoye hoye akhala oohoona naari arakala moota mukina wootepaxa, nyuwo muhimvahe Yave Mulukwaanyu ntoko yooveleela.

Deuteronomiyo 17:1

Muhimpakele Yave Mulukwaanyu yooveleela ya emombe elopwana hoye hoye ekhondoolo yoorakala, niwoko ti sa mwiikho wa Yoowo.

Deuteronomiyo 31:27

Koosuwela moota mumvaanyaanyu ni ettiyamaarwaanyu. Nyuwosa mwaamvaanya Yave miyo kireene nlelo ni okumi kikhalaka ni nyuwo, ankha kaakhwaaka!

Deuteronomiyo 33:27

Muluku ti wootthawelawanyu woohimala; nyoonosawe soohimala ti olipawanyu. Owo onoowoomola amwiittanaanyu ohoolowanyu eeraka: “Waaphwatase!”

Deuteronomiyo 5:26

Vekhaikhai khawowo mutthu mweelaponi otonke wiiwa nsu na Muluku Mukumi nikhumaka mmooroni, ntoko hiyo niiwalaahu, anapwaherera ni okumi.

1 aTesalonika 1:9

Atthweene yaawo anthaliha moota nyuwo mwaanaakhenlaanyu, ni moota muhokoleenlaanyu wa Muluku, muhiyaka miluku sikina weera munrumeele Muluku mukumi ni a ekhaikhai,

1 Timootheyo 1:17

Wa Mwene oohimala, Muluku mmoharu oohikhwa ni oohooneya, nikhale nttittimiho ni ovuwa mahuku ootheene oohimala. Ame*.

1 Timootheyo 3:15

Miyo kapisatho, onoosuwela mweettelo wootthuneya wa atthu Mpaani mwa Muluku eri ekerexa ya Muluku mukumi, ereene marimbu ni mathipelo a ekhaikhai.

Titu 2:14

Yeesu Owo iiveleenle wa hiyo weera anivuluxe wa sootakhala sootheene ni atteelihe muloko wa Yoowo mwaneenaawe, muloko mmoha ori ni nthiti opaka miteko sooreera.

aHeberi 1:3

Mwaana ori otutha wa ovuwa wa Muluku, ni ethoonyeroweene yeeyo ya mukhalelo wa Muluku, akhalihaka sootheene ni ikuru sa nsunawe. Aakwanihenraawe otteelihiwa wa yoottheka, aakilaathi moono mulopwana wa ovuwa wa musulusulu.

aHeberi 10:10

Mootthunani wu, nootteelihiwa niwoko na yooveleela ya erutthu ya Yeesu Kristu, evahiwe emaara emoha wa mahuku ootheene.

aHeberi 10:12

Vaheera Musaserdoti* Ola, amalihakaru yooveleelaawe yoohimala emoharu wa yoottheka, aakilaathi moono mulopwana wa Muluku.

aHeberi 10:2

Nawera waakwaneliha, sooveleela saarowa omala. Niwoko waari hiiho, anamalapa, etteelihiwaka emaara emoha, wa mahuku ootheene khayoonatho nthowa na sootthekasaya.

aHeberi 10:22

Tivawo, nimwaattamele Muluku ni murima wa ekhaikhai ni noosareya ni nroromelo, nikhalanaka mirima soomisiwa sa mathowa, ni nikhalanaka irutthusahu soorapihiwa ni maahi ootteela.

aHeberi 11:21

Munroromeloni Yakobe, ahanleene vakhaani okhwa, aahaareeliha anamwane ootheene a Yoseefe, ni aamulapa Muluku, uuramelaka vathokani ya ekopwaawe.

aHeberi 13:12

Hiihotho Yeesu aahaawa okerekhere wa milako sa esidade weera atteelihe muloko niwoko na ephomaawe.

aHeberi 3:12

Mwiipasoope, axunna, weera hata mmoha a nyuwo ahikhalane murima woonanara ni woohiroromela onsusa wa Muluku mukumi.

aHeberi 6:1

Tivawo, nihiye mahusiho oopacera mwaha wa Kristu, ni nipwaherere mpaka nikhale atokweene, nihivonyeraka veeli mathipelo awo: orukunxa mirima wa miteko sinrongha mookhwaani; nroromelo mwa Muluku;

aHeberi 7:16

mwa Yoowo aathatungwe Musaserdoti*, ohikhanle ni malamulo mwaha wa epuumba, mene ni ikuru sa okumi woohiphwateya.

aHeberi 7:27

Khahiyono ntoko asaserdoti* akina. Owo khanghaawela ovaha sooveleela nihuku ti nihuku, woopacera wa sootthekasawe, ni vahoolowaya wa soottheka sa muloko. Owo ohiiveleela khuluwi wa sootthekasaya, iivelenlaawe mwaneenaawe.

aHeberi 9:12

Owo aavolowa emaara emoharu paahi mwa nootteela na ootteela*, ohikhanle ni ephome ya ipuri, naari ya imombe ixaana, mene ni ephomaawe mwaneenaawe, ni hiiho aakwanihera ovuluwa woohimala.

aHeberi 9:26

Waari hiiho, waatthuneya weera Kristu ahaawe imaara sincipale, okhuma ompacereroni wa elapo ya vathi. Vanonto, ephiyaka emalihero ya ehuhu, Owo orwiiye emaara emoharu paahi weera avenxe yoottheka niwoko na wiiveleelawawe muneenaawe.

aHeberi 9:7

Wa soothesene, mutokweenexa a asaserdoti* paahi aavolowa ekwartu yanaaveeli emaara emoha paahi vayaakhani. Khaavolowa woohikhala ephome, mwa yeeyo owo aaveleelela sootthekasawe ni wa soottheka muloko waapakaaya niwoko na ohisuwelawaya.

aHeberi 9:9

Nno nri niphwanaphwaniho wa mahukwaahu, nooniheraka weera soovaha ni sooveleela soovahiwa khasaawera omvaha namalapa murima wookwanela otteela,

1 Pedru 1:19

mene ni ephome yootthuneyaxa ya Kristu, ntoko ya eputtiputthi yoohikhala ni nlepa, naari yoohirakala.

1 Pedru 2:22

“Owo khaatthenke, ni hata yoolokottha emoha khayaaphwanyiwe mmwaanomwawe.”

1 Pedru 2:24

Owo mwaneenaawe aavilela mweerutthuni sootthekasahu vamuttandani weera hiyo nikhwe wa soottheka, mene nikhale ni okumi wa ekhaikhai ya Muluku. Niwoko na makhwattaawe nyuwo moolamihiwa.

1 Pedru 3:18

Vano, Kristutho aahaawa emaara emoharu niwoko na soottheka, oohittheka wa anamattheka, weera aneettihe anironghaka wa Muluku. Owo aahiiviwa mweerutthuni, mene oohokoleela okhala ni okumi mukuruni sa Munepa,

1 Pedru 4:2

Hiiho, ehuhu emuhaleenle mweelaponi, akhale weera apake otthuna wa Muluku, ohikhanle opaka soohaawela soonanara sa atthu.

1 Yohaane 1:7

Hiyo vano neetta ngwaarani ntoko Muluku oraawe ngwaarani, ninkhalano wiiwanana mukina ni mukhwaawe, ni ephome ya Yeesu Mwanawe, ennitteeliha wa soottheka sootheene.

1 Yohaane 3:5

Nyuwo moosuwela weera Owo iixoonihenre weera avenxe sootthekasahu, ni mwa Yoowo khasiwowo soottheka.

Ethupululo 1:5

ni wa Yeesu Kristu ori Namoona oororomeleya, Ntthaara mwa anamakhwa, Namalamula a mamwene a elapo yootheene. Wa Yoole onnisivela ni onivulunxe wa sootthekasahu niwoko na ephomaawe, ni

1 Samuweli 17:26

Davide aahaakoha asilopwana aattamannaaweno: “Ntthuvelo heeni aneeraawe aakhele mulopwana yoowo anaamwiive muFilisti owo, aakihaka ottittimiheya wa aYixrayeli? muFulisti heeni yoowo oohiineliwa onaadeerera anakhotto a Muluku mukumi?”