aHeberi 8:9 - Emakhuwa Bible

⁹ Khoorwa okhala ntoko wiiraana kaapankaaka ni makholowaaya nihuku kaavarenlaaka ni matata weera kaavenxe wExipitu. Niwoko awo khayaapwaherenre ngwiiraanyihanimwaka, Miyo koosusa wa yaawo, anghima Apwiya.

aHeberi 8:9 Iomraidhean Croise

Epacerero 19:16

Vano owo nlelo ahovelaka, asilopwana yaamvara ni matata vamoha ni mwaariye nitho anamwanaawe asithiyana eeli, enaakhumiha mmwe yaanyesereraka, enawiikaathi okerekhere wa esidade, niwoko Yave aahaamorela ikharari.

Yobi 8:20

Vano, ettiitthu ti weera Muluku khanimukhootta mutthu ookwanela ni khanlipihera matata a yaale ampaka yoonanara.

Icipo 105:43

Aakhumiha mulokwaawe ohakalalaka; oothanliwaawe waatteelaka murima.

Icipo 77:20

Mwaahoolela mulokwaanyu ntoko muhuwo mmatatani mwa Moisesi ni Aharoni.

Icipo 78:57

Yaari oohiroromeleya ni ohiiwelela ntoko makholowaaya, yaapirituwa ntoko muupa woohimuteko.

Okhuma 32:8

Woowaakuveya aahiya yeele kaalamulenlaaka ni ahiipakela muluku oowootha mmukhaleloni wa mwaamombe. Awo aamuuramela empakelaka sooveleela, yeeraka: ‘aYixrayeli, iya va milukusanyu sookhumihaleni wExipitu.’”

Okhuma 34:10

Vano Yave aamweerela: “Kimpaka wiiraana ni nyuwo. Vamaithoni wa mulokwaanyu wootheene kinoopaka sootikhiniha sihitonke opakiwa variyari wa miloko sikina sootheene sa mweelaponi. Muloko mwa yoowo munkhalaanyu onimoona muteko wootikhiniha Miyo, Yave, kineeraaka kipake.

Ecipo Yooreeraxa 8:5

Taani onrwa awelaka wookhuma munikareni, akhaviheriwaka ni oosiveleyaawe? Vathi wa mwiri wa imasa miyo kaahoovenxani mukhoveni; weiwo amayinyu yooyanreni, iwe yaale yaahaawa ovoreya wa oyara, yaahooyarani.

Yesaya 40:11

Owo onkosoopa muhuwaawe ntoko Mukukhuli; Owo onthukumanyiha iputtiputthi ni moonowaawe anaakanda. Owo onghoolela nnenesene ikhondoolo sinaamwiwa.

Yesaya 41:13

Niwoko Miyo ti Yave Mulukwaanyu kinoovarelani ntatananyu noolopwana kiweerelakani: Muhoove, Miyo kinimookhaviherani.

Yesaya 51:18

Wa anamwane asilopwana ootheene aayanraawe khaariworu oomuhoolela; wa anamwane asilopwana owunnuwihalaawe, khaariworu oomvarela ntata.

Yesaya 63:9

Moothanananimwaya moothemwene Owo aathananatho ni ndyelo a okhalawawe aahaavuluxa. Owo aawoopola moosivelanimwawe ni mukhararinimwawe. Ti Yoowo aavenxa, aweettihaka mmahukuni a khalayi.

Yeremiya 31:32

Khookhala ntoko wiiraana kaapankaaka ni makholowaanyu kaavarenlaaka ni ntata weera kaakhumihe wExipitu; niwoko aananariha wiiraanawaka, kaarookhalaru Iyaya,” onghima Yave.

Icipo Soolalamika 4:16

Yave muneenaawe ohaamwaraxasa; Owo khanaakosoopasatho. Khawoworu onaattittimiha asaserdoti* hata ahooleli.

Ezekiyeli 16:59

“ ‘Yave onlamula sootheene oneera ha: Miyo kinimoopakelani yeeyo mphwanenlaanyu, niwoko nyuwo moonyoosa nlipelonaka woonanarihani wiiraana.

Ezekiyeli 16:8

Evinreene ehuhu ekina, kiviravirakarutho mukhivirumwanyu, kaahoowehani, kinoona weera mohunnuwa mungweraanyu osivela, ni kaawaatalelani malayaaka, kinakuttelela etiriyaanyu. Kaalipela, kinakhaliha wiiraana ni nyuwo, onghima Yave onlamula sootheene, ni nyuwo moothatuwa awaka.

Amosi 5:22

Naari nyuwosa mukiruuhelaka sooveleela soohisa ni sa irooro, iyo khasinkisiveliha. Naari mukiruuhelaka sooveleela sooreerela sa murettele, nkimpwatthelaru seiyo.

Malekiya 2:13

Yookhalatho etthu ekina nyuwosa mumpakaanyu: Munaasariha maithori altaari* a Yave; muniinla, mwiipulelaka, niwoko Owo khampwatthela sooveleelasanyu, hata khanaakhela mmatatanimwanyu ntoko soowaakhuleleya.

Marku 8:23

Owo aavara ntata na mutthu oohoona ni aamukhumihera vaate wa mmuttettheni. Amusenyelakaru mmaithoni mwa mulopwana ni amwiikaatherakaru matata, Yeesu aamukoha: “Nyuwo munimoona etthu?”

Miteko 13:11

Musuwele vano weera Apwiya ti mwiittanaanyu, ni nyuwo mmwikhale oohoona, muhiweraka woona waara wa nsuwa wa ehuhu ekina.” Woowaakuveya yaamukhuruwela ewiriphi, ni owo, aapapelaka, aamwaasa mukina weera amuhoole ni ntata.

Miteko 7:36

Owo aahaakhumiha weiwo, apakaka sootikhiniha ni ineneero wExipitu, mphareiyani yooxeera ni munikareni wa iyaakha miloko mixexe.

Miteko 9:8

Sawuli aavenya vathi, ni ahulaka maitho, khaawenre woona etthu. Hiiho yaamukuxa emvarelaka matata mpaka oDamasku.

aGalata 4:24

Eyo ti niphwanaphwaniho ntokotoko. Asithiyana eeli awo anthoonyihera wiiraana miili: wiiraana omoha waapacenre vamwaako Sinayi, ni onaayara anamwane a okaporo. Wu ti Hagari.

Deuteronomiyo 29:1

Ti seiya sootthuneya sa wiiraana Yave aamulamulenlaawe Moisesi waapakela aYixrayeli oMowabe ohiya wiiraana aapakenlaawe oHorebi.

Deuteronomiyo 29:12

Muri va weera mvolowase ngwiiraanani ni Yave Mulukwaanyu; wiiraanawene weiwo Owo ompakaawe olelo ni nyuwosa ni nlipelo.

Deuteronomiyo 29:25

Vano yoowaakhula eniikhale ela: “Ti niwoko muloko ola woohiya wiiraana wa Yave, Muluku a makholowaaya, wiiraanawene weiwe aapakenlaawe aakhumihaleene wExipitu.