aHeberi 8:10 - Emakhuwa Bible

¹⁰ Wu ori wiiraana Miyo kineeraaka kipake ni muloko wa aYixrayeli vahoolo wa mahuku awo, anghima Apwiya: Nkihele malamulowaaka mmuupuwelonimwaya, ni nkilepe yaawo mmirimanimwaya. Nkikhale Mulukwaaya, ni awo eniikhale mulokwaaka.

aHeberi 8:10 Iomraidhean Croise

Okhuma 24:4

Vano Moisesi aalepa sootheene Yave aahimmaawe. Oxaawaya aavenya, anaateka altaari* mukerekhere mwaako, anaweemexa amarimbu muloko neeli a maluku ethoonyeraka ipuumba muloko ni piili sa aYixrayeli.

Okhuma 24:7

Vahoolowaya aasomela muloko Elivuru ya Wiiraana. Awo yaamwaakhula: “Nnoopaka moororomeleyani sootheene Yave olamulenlaawe.”

Okhuma 34:1

Yave aamweerela Moisesi: “Mukuxe enyutto ni ephalo mwaattule itthaabwa piili sa maluku ntoko seiye soopacera ni mwa seiyo kinoolepa masu yaarimo soopacera, mwa seiyo mpwenxaanyu.

Okhuma 34:27

Vano Yave aamweerela Moisesi: “Mulepe masu ala, niwoko ni yaala kimpaka wiiraana ni nyuwo ni aYixrayeli ootheene.”

Ecipo Yooreeraxa 2:16

Oosiveleyaaka ti awaka ni miyo ti awawe; owo onciha eriyari ya ithutu sooreeraxa.

Yeremiya 24:7

Miyo kinimwaavahasa murima woowera okisuwela, aani osuwela weera Miyo ti Yave. Anookhalasa mulokwaaka, ni Miyo kinookhala Mulukwaaya, niwoko awosa anoohokoleela wa Miyo ni murima wootheene.

Yeremiya 31:1

“Mweehuhuni eyo,” onghima Yave, “kinookhala Muluku a ipuumba sootheene sa aYixrayeli, ni awosa anookhala mulokwaaka.”

Yeremiya 31:33

Yave oneera: “Wiiraana kineeraaka kipakele muloko wa oYixrayeli eviraleene mahuku awo, ti wu: Kinoohela Nlamulonaka mpuwamwaya ni kinoolepa mmurimanimwaya. Kinookhala Mulukwaaya, ni awosa anookhala mulokwaaka.

Yeremiya 32:38

Awosa anookhala mulokwaaka, ni Miyo kinookhala Mulukwaaya.

Yeremiya 32:40

Kinimwaakhalihera wiiraana woohimala: Nkirwa kihiya waapakela nnene, ni kinoopakiha weera ekoove ni murima, weera ehikihuluwetho.

Ezekiyeli 37:27

Wookhalawaka onuukhale ni yaawosa; Miyo kinookhala Mulukwaayasa ni awosa anookhala mulokwaaka.

Ezekiyeli 39:22

Okhuma nihuku nno woorowa ohoolo, aYixrayeli anoosuwela weera Miyo ti Yave, Mulukwaaya.

Hoxeya 1:10

Wa soothesene, aYixrayeli animwaatta ntoko ehaava ya mphareiya ehimphimeyaru, hata ehinaalikeleyaru. Vanipuroni yeerelasiwaaya: ‘Nyuwosa khamuhiyono mulokwaaka,’ awosa animwiitthaniwa ‘anamwane a Muluku Mukumi.’

Hoxeya 2:23

Miyo kinimwiiphatteela muloko mulaponi; kinoompwattha ni osivela yoole kaamwiitthanaaka ‘Oohisiveleya.’ Kinoomweerela yoole iitthaniwa ‘Khahiyono mulokwaaka,’ ‘Nyuwo ti mulokwaaka’; ni awosa eniyeere: ‘Nyuwo ti Mulukwaaka.’”

Zakariya 13:9

Mpatta wanaararu owo kinohela vayikho; kinootteelihamo ntoko eparatha*, aani ntoko eyuuma yoorikaxa. Awosa animwiitthana Nsinanaka ni Miyo kinoowaakhula, keeraka: ‘Awosa ti mulokwaaka’ ni awosa animweera: ‘Yave ti Mulukwaahu.’”

Zakariya 8:8

Miyo kinimwaahokoloxera weera ekhale oYerusaleemu; awosa anookhala mulokwaaka ni Miyo kinookhala Mulukwaaya moororomeleyani ni mweekhaikhaiyini.”

Matheyo 22:32

‘Miyo kiri Muluku a Abrahaamu, Isaaki ni Yakobe’? Owo khahiyono Muluku a akhwiiye, mene a akumi!”

aRooma 11:27

Ni wu onuukhale owiiraananawaka yaawo, kaavenxaka sootthekasaya.”

1 aKorinto 6:16

Khamusuwenle weera yoole onkona ni mapuuta ti erutthu emoha ni yoowo? Vano, ntoko eneeriwaaya: “Ooweeli eniikhale erutthu emoha paahi.”

2 aKorinto 3:3

Nyuwo munoonihera weera muri ekaratta ya Kristu, emalihero ya mitekosahu, ehilempwale ni owiini, mene ni Munepa wa Muluku mukumi, kheelempwale vatthaabwani wa nluku, mene vatthaabwani wa mirima sa atthu.

Deuteronomiyo 30:6

Yave Mulukwaanyu onimoovahasani ni ekhapiraanyu murima woororomeleya weera munsiveleke ni murimaanyu ni okumaanyu wootheene ni weera mukhaleke ni okumi.

Titu 2:14

Yeesu Owo iiveleenle wa hiyo weera anivuluxe wa sootakhala sootheene ni atteelihe muloko wa Yoowo mwaneenaawe, muloko mmoha ori ni nthiti opaka miteko sooreera.

aHeberi 11:16

Vano, ohiya toko yeeyo, awo yaaweherera ewaani yootthuneyaxa, eyo tiiyo ewaani ya wiirimu. Tivawo, Muluku khaniixuulihiha muru iitthaniwaka Mulukwaaya, niwoko ohaarehererela esidade emoha.

Yakobe 1:18

Awo yaalakela oniyara ni masu a ekhaikhai, weera nikhale ntoko soowiima soopacera sa sootheene seiyo Awo apattunxaaya.

Yakobe 1:21

Tivawo, mwiixoopole wa ohitteela wootheene ni sootakhala soowaatta, ni mwaakhele ni murima woowiiyeviha masu yaaliwe mmurimanimwanyu, mwa yaawo anoowera woovuluxani.

1 Pedru 1:23

Nyuwo mooyariwa veeli, ohikhanle wa mmiso onriheya, mene wa mmiso ohinriheya niwoko na masu ookumi ni oohimala a Muluku.

1 Pedru 2:9

Wa soothesene, nyuwo muri ekhapira yoothanliwa, osaserdoti* wa emwene, muloko wootteela, muloko ori wa Muluku paahi, weera mulaleiye ikuru sa Yoole owiitthanneni nyuwo okhuma mpiphini mpaka waarawawe wootikhiniheya.