aHeberi 7:26 - Emakhuwa Bible

²⁶ Vano, ti Mutokweenexa a asaserdoti* ntoko Ola hiyo nnimuhaawelaahu: ootteela, oohikhala ni nthowa, oohittheka, oomwalamwalihiwa ni anamattheka, ni awelihiweene wiirimu woopwahaxa.

aHeberi 7:26 Iomraidhean Croise

Icipo 68:18

Mwaawenlaanyu moowinani osulusulu weera mwakhalewo, Yave Muluku, mwaahaakuxa anamatthukiwa ancipale. Mwaawaakhela atthu ntoko yoovaha – mpakatho anamavaanya.

Okhuma 28:36

Mpake etthu ya malootho mararu ya eyuuma yoorikaxa ni mulepemo ntoko namalepa onlepaawe munnelani woottittelano. Mulepe ha: YOOTTEELIHERIWA YAVE.

Yesaya 53:9

Oovahiwa nihiye variyari wa mahiye a atakhali ni anamapuha mookhwaani, aaroohipahularu hata ehooneyakaru yoowootha.

Ezekiyeli 44:27

Vanihukuni aneeraawe avolowe vanipuwani na mpuwa wa Nipuro Nootteela* weera arumeelemo, musaserdoti* iiveleeleleke yooveleelela yoottheka, onghima Yave onlamula sootheene.

Nuumeru 29:26

Vanihukuni nanaathanu mwaareherere aximombe athannaaxexe, anapunci a ikhondoolo eeli ni iputtiputthi muloko niixexe sa eyaakha emoha, sootheene iyo soohirakala.

Matheyo 27:18

Owo aasuwela weera awo yaamvaherera Yeesu niwoko na nrima.

Marku 16:19

Emalihakaru wuuluma ni yaawo, Apwiya Yeesu yaawelihiwa wiirimu, ni yaakilaathi moono mulopwana wa Muluku.

Luuka 1:35

Ndyelo aamwaakhula: “Munepa Wootteela onimoorweelani ni ikuru sa Musulusulu nsookhuneeleni ni erungwaawe. Hiiho, Yoole Ootteela anaayariwe, aniitthaniwe Mwaana a Muluku.

Luuka 23:22

Emaara yanaararu Pilatu aaweerela: “Niwoko heeni? Etthu yoonanara heeni Mulopwana Ola opankaawe? Nkiphwannye mwa Yoowo naari etthu yoophwanela okhwa. Kinoorumiha omuttaruxa, ni vahoolo kinoomutaphula.”

Luuka 23:41

Hiyo ninttaruxiwa ni ekhaikhai, niwoko nnaakhela yeeyo mitekosahu simphwanelaaya. Mene Mulopwana Ola, kheewo opankaawe yoonanara.”

Luuka 23:47

Vano kenturiyoni*, oonaka seiyo seereiye, aamuttottopela Muluku eeraka: “Vekhaikhai, Mulopwana Ola aari a ekhaikhai.”

Luuka 24:26

Khawaatthuneya weera Kristu ahaawe itthusene seiyo ni avolowe moovuwanimwawe?”

Luuka 24:46

Aaweerela: “Yoolempwa weera Kristu aarwa ohaawa ni ovenyerera mookhwaani nihuku nanaararu,

Yohaane 14:30

Miyo nkinooleelani vancipale niwoko mutokweene a elapo ya vathi aneera arwaaka. Owo khanono ikuru ni Miyo.

Yohaane 8:29

Yaale akiruminghe ari ni Miyo. Awo khaakihiyale meekhaaka niwoko mahuku ootheene kimpaka yeeyo enaasiveliha.”

Miteko 3:14

Nyuwo mwaamukhootta Ootteela ni Oororomeleya, ni mwaamvekela weera mutaphuleliwe namwiiva.

Miteko 4:27

Mwa yeeyo, Herodi ni Ponto Pilatu yaathukumana vamoha ni amalapo ni muloko wa aYixrayeli musidadeni yeela, weera emvaanelele Yeesu, mwa Yoowo munttikitthenlaanyu.

2 aKorinto 5:21

Niwoko na hiyo Muluku oomutatuxa yoottheka Yoowo ahaasuwenle yoottheka, weera mwa Yoowo hiyo nikhale oowaakheleliwa ni Muluku.

aHeberi 1:3

Mwaana ori otutha wa ovuwa wa Muluku, ni ethoonyeroweene yeeyo ya mukhalelo wa Muluku, akhalihaka sootheene ni ikuru sa nsunawe. Aakwanihenraawe otteelihiwa wa yoottheka, aakilaathi moono mulopwana wa ovuwa wa musulusulu.

aHeberi 12:2

ningwehexexaka Yeesu ori ompacereroni ni ommaleloni wa nroromelonahu. Owo aavilela muttanda, aramusaka wuulihawaya muru, asuwelaka ohakalala waamuweherera. Vano ori ekilaathelo moono mulopwana wa ehice ya Muluku.

aHeberi 2:10

Aweettihaka ancipale a anamwanaawe wa ovuwa, waatthuneya wa Muluku, Apwiya ni Mpattuxa a itthu sootheene, oomutatuxa Namapacera a ovuluwawaya ookwanela, aviraka moohaawani.

aHeberi 2:17

Tivawo waatthuneya weera Owo aathatungwe ntoko axunneiye mmakhaleloni ootheene, weera akhale Mutokweene a asaserdoti* a ikharari ni oororomeleya mmutekoni mwa Muluku, ni weera iiraanyihe soottheka sa muloko.

aHeberi 3:1

Tivawo, axunna ootteela, nyuwo muri a wiitthana wa wiirimu, mmuupuwelele nnenesene Yeesu ori Murummwa ni Mutokweenexa a asaserdoti* nnimulapaahu.

aHeberi 7:11

Vano, waari ni osaserdoti* wa aLeevi muloko wa Yixrayeli waakhenlaaya malamulo. Moone, wawereya okwanihera yookwanela ni osaserdoti* wa aLeevi, heeni waatthuneyaaya weera aphiye nlelo Musaserdoti* Mukina mmukhaleloni wa Melkhisedeki, ohikhanle wa Aharoni?

aHeberi 8:1

Moone, marimbu oottittimiheyaxa hiyo nninghimaahu ti ola: nookhalano Mutokweenexa a asaserdoti*, ntoko Ola, mwa Yoowo okilaathiye wiirimu moono mulopwana wa ehice ya Otokweene,

aHeberi 9:14

woopwahaxa ephome ya Kristu, mwa Yoowo iivaherenre ni Munepa woohimala ntoko Yoovaha yookwanela wa Muluku, eniitteelihe mirimasahu sa miteko sa okhwa weera nimurumeele Muluku mukumi.

1 Pedru 1:19

mene ni ephome yootthuneyaxa ya Kristu, ntoko ya eputtiputthi yoohikhala ni nlepa, naari yoohirakala.

1 Pedru 2:22

“Owo khaatthenke, ni hata yoolokottha emoha khayaaphwanyiwe mmwaanomwawe.”

1 Pedru 3:22

owenle wiirimu ni, ori moono mulopwana wa Muluku, weiwo andyelo, elamulelo ni ikuru sootheene simmwiiwelelaaya Yoowo.

1 Yohaane 2:2

Owo onooponle weera sootthekasahu sikhale sooleveleliwa, ni khasihiyono paahi sootthekasahu, menetho soottheka sa elapo ya vathi yootheene.

1 Yohaane 3:5

Nyuwo moosuwela weera Owo iixoonihenre weera avenxe sootthekasahu, ni mwa Yoowo khasiwowo soottheka.

Ethupululo 3:7

“Wa ndyelo a ekerexa eri ya oFiladelfiya, mulepe: Awo ari masu a Yoole ori Ootteela ni a ekhaikhai ni orino exaavi ya Davide. Yeeyo onghulaawe, khaawo ongwera owala, ni yeeyo ongwalaawe khaawo ongwera ohula.