aHeberi 7:13 - Emakhuwa Bible

¹³ Vano, Yoowo mwa Yoowo singhimmwaaya itthu iya aari a epuumba ekina. Khaawo a epuumbeene yeela otonke orumeela valtaarini* ntoko musaserdoti*.

aHeberi 7:13 Iomraidhean Croise

Nuumeru 16:40

ntoko Yave aalamulenlaawe mwa Moisesi. Eyo yaapakiwe ntoko eyuupuxero wa aYixrayeli weera ahikhaleru anaahise erubani* ohoolo wa Yave ahikhanle a ekhapira ya Aharoni. Ovirikanawaya onoothatuwa ntoko Kora ni anamattharaawe.

Nuumeru 17:5

Ekopo ya yoowo kineeraaka kimuthanle enoottuva, ni Miyo kinimwiitapuxa mwa okhupanyaxa anoopakelasaayani aYixrayeli.”

aHeberi 7:11

Vano, waari ni osaserdoti* wa aLeevi muloko wa Yixrayeli waakhenlaaya malamulo. Moone, wawereya okwanihera yookwanela ni osaserdoti* wa aLeevi, heeni waatthuneyaaya weera aphiye nlelo Musaserdoti* Mukina mmukhaleloni wa Melkhisedeki, ohikhanle wa Aharoni?

aHeberi 7:12

Wakhala oceendya wa osaserdoti*, ontthuneya weera okhaletho oceendya wa nlamulo.

aHeberi 7:14

Ntoko esuweliwaaya, Yeesu ori a epuumba ya Yuda, ni Moisesi khanahime etthu ya epuumbeene yeele uulumaawe sa osaserdoti*.