aHeberi 6:18 - Emakhuwa Bible

¹⁸ Vano, sookhala itthu piili sahaawereya oceendyiwa: yoororomelihiwa ni nlipelo. Ni mwaha wa itthusene seiyo khoongwereya weera Muluku anilokotthe. Hiiho, hiyo nikhaleke oolipihiweene, hiyo nnimutthawela Muluku weera nivare nnenesene oweherera nivahiwaahu.

aHeberi 6:18 Iomraidhean Croise

Epacerero 19:22

Mutthaweke mwaakuveke, niwoko nkingwera opaka etthu nyuwo muhinaaye opwahawo.” Tivawo esidade ele yiitthaniwaaya Zowari.

1 Mamwene 2:28

Yowabe iiwakaru ihaali iye, aatthawela muheemani mwa Yave, anavara manyaka a altaari* eenre avaanela ni Adoniya. Wa soothesene, khaavaanenle ni Abesalomi.

Icipo 110:4

Yave aalipela ni kharwa aceendya soowuupuwelasawe: “Nyuwo ti Mutokweenexa a asaserdoti* mahuku ootheene mmukhaleloni mwa Melkhisedeki.”

Icipo 46:1

Muluku ti Wootthawelawahu ni ikurusahu; ekhavihero yoohimala mweehuhuni ya makacamiho.

Icipo 62:8

Ii! Muloko, munroromele Yoowo mahuku ootheene; mmoonihere mirimasanyu sootheene, niwoko Muluku ti Wootthawelawahu.

Masu a Miruku 3:18

Miruku ti mwiri onimvaha okumi yoole onkhubaarela; ni yoowo omvarexexa onooreelihiwa.

Masu a Miruku 4:13

Ovarexexe mahusiho, ohihiye, othokorore nnenesene, niwoko okumaawo onkhalela yeeyo.

Yesaya 27:5

Waahikhala hiiho, awosa erweeke weera etthawele wa Miyo; awosa epakeke murettele ni Miyo; aani epakeke murettele ni Miyo.”

Yesaya 51:12

“Miyo, aani ti Yoomi kinoopepesani. Heeni mungwoovaanyu atthu ankhwa, anamwane a atthu ari malaxi paahi?

Yesaya 56:4

Vano Yave oneera ha: “Wa inoko* anttittimihera iSaabadusaka ni anthanla yeeyo enkisiveliha ni aniiwelela wiiraanawaka –

Yesaya 64:7

Khawoworu oniitthana Nsinananyu hata onghaawela woovarexexani Nyuwo. Vano moonihuluwa munihiyaka mooriheyani niwoko na sootthekasahu.

Zakariya 9:12

Ii!, anamatthukiwa oosareya oweherera, muhokoleele vanipuroniwanyu noolipihiwaxa. Vaanaanova kinlaleiya weera kinimoorehererelani sootheene moota wa iphura.

Nuumeru 23:19

Muluku khanootha ntoko atthu; khanceendya soowuupuwelasawe ntoko ompakaaya omutthu. Yeeyo onghimaawe enookhumelela, ni yeeyo onroromelihaawe enookwanihereya.

Matheyo 24:35

Wiirimu ni vathi onuuvire, mene maswaaka kheerwa eviratho.

Matheyo 3:7

Aawoonnaawe Yohaane afarasi* ni aSaduki* ancipale ewaaka weiwo aapatisaawewo, aaweerela: “Inowa! Aweerenleni taani weera mutthawe isara sa Muluku sinkhuveela?

Luuka 2:25

Aakhala oYerusaleemu mulopwana mmoha iitthaniwa Simeyoni aari oororomeleya ni a murima wa omuluku. Owo aaweherera opepesiwa wa oYixrayeli, ni Munepa Wootteela waari ni yoowo.

aRooma 15:5

Muluku omvaha ovilela ni yoolipihera, oovaheeni munepa wa wiiwanana nyuwo munttharaka Kristu Yeesu,

aRooma 3:25

Muluku oomwiiyaathi Yoowo ntoko yoowiiveleela weera awere wiiraaniha ni ephomaawe niwoko na nroromelo. Owo aapaka yeeyo weera oonihere ororomeleyawawe, niwoko moovilelanimwawe aahiya soohittaruxiwa soottheka saapakiwe khalayi.

aRooma 3:4

Hata vakhaani! Muluku akhaleke a ekhaikhai, ni atthu ootheene anamootha. Ntoko elempwalaaya: “Weera yaakhuleliwe maswaanyu ntoko ekhaikhai nyuwo muulumaka, ni mmwiwine nyuwo mwaathorihiwaka.”

aRooma 5:5

Ni oweherera wu khaninrowa wooceela, niwoko Muluku ooniyeehera osivelawawe mmurimanimwahu ni Munepa Wootteela Owo onivanghaawe.

aFilipi 2:1

Vano, Kristu oolipiha mirimasanyu; osivelawawe woowoovahani opepesa; nyuwo mookhalano wiiwanana ni Munepaawe, mookhalano osivela ni ikharari,

aKolosi 1:23

mwapwaherera oolipeene ni ookhalihiweene munroromeloni, muhisusaka wa nroromelo mwaakhenlaanyu mwiiwakaru masu ooreeraxa. Awo ti masu ala nyuwo mwiiwalaanyu, ni alaleeriwe atthu ootheene a elapo ya vathi, ni miyo Pawulo koothatuwa murumeiyi a masu ooreeraxa ala.

aKolosi 1:27

Wa yaale Muluku aalakela waasuweliha variyari wa amalapo mihakhu soovuwa sa ntikhinelo nna, nri Kristu mwa nyuwo, oweherera wa ovuwa.

aKolosi 1:5

niwoko na oweherera onoowehererani wiirimu. Nyuwo woopacera mohiiwa sa oweherera wu mwaha wa masu a ekhaikhai, masu ooreeraxa

1 aTesalonika 1:10

ni moota mungwehereraanyu wiirimu orwa wa Mwanawe, mwa Yoowo Muluku omvenyererihalaawe mookhwaani: Yeesu, omvuluxa wa isara sineera sirwe.

1 Timootheyo 1:1

Ya Pawulo, murummwa a Kristu Yeesu munlamuloni na Muluku, Mvuluxaahu, ni na Kristu Yeesu, owehererawahu.

1 Timootheyo 6:12

Owane owana wooreera wa nroromelo. Ovarexexe okumi woohimala, mwa yoowo weyo woohiitthaniwa waalampaawo okhalela onamoona wooreera variyari wa anamoona ancipale.

2 Timootheyo 2:13

Nakhala oohiroromeleya, Owo onookhala oororomeleya, niwoko khangwera wiikhootta mwaneenaawe.

Titu 1:2

Nroromelo ni esuwelo ela yoolipiheriwa munroromeloni ya okumi woohimala, mwa yoowo Muluku oohootha aaroromelihalaawe ehinaaye ehuhu.

aHeberi 11:7

Munroromeloni Nowe, oopereriweene itthu nlelo sahaakhumelenle ni eettihiweene ni woova wootteela, aapaka nikula weera avuluxe emusaawe. Niwoko na nroromelo owo aathoriha elapo ya vathi ni aahaakhela waakhuleliwa ni Muluku onrweela niwoko na nroromelo.

aHeberi 3:11

Hiiho kaalipela moonyoonyiwanimwaka: ‘awo kheerwa evolowa ngwiitthuuwanimwaka.’”

aHeberi 3:6

mene Kristu ti oororomeleya ntoko Mwaana a Empa ya Muluku. Vano, Empeene yeeyo ti hiyo, navarela nnenesene oweherera ni ororomela mwa weiwo ninroromelaahu.

aHeberi 6:17

Muluku aatthuna woonihera ni ekhaikhai ya nnenesene wa yaale yeera yaakhele yoororomelihiwa weera olakelawaya khoorwa onceendyeya. Tivawo, aalipihera yoororomelihiwa ele ni nlipelo.

aHeberi 7:19

woonaka weera malamulo ale khayaawenre yookwanela. Woovoleihiwa wa hiyo oweherera woopwahaxa, mwa yoowo hiyo nimmwaattamelaahuno Muluku.

aHeberi 7:21

mene Owo oothatuwa Musaserdoti* ni nlipelo Muluku aamweerenlaawe: “Apwiya aalipela ni kheerwa eceendya olakelawaya: Nyuwo ti musaserdoti* oohimala.”

Yoxuwa 20:3

Hiiho yoowo anaamwiive mutthu woohilakela mweerisani, atthawelemo iixaakihaka mwa nakukuttula ohononeliwe.

1 Yohaane 1:10

Hiyo neera weera khanipanke soottheka, nnimpaka Muluku oowootha ni nsunawe khaninkhala mwa hiyo.

1 Yohaane 5:10

Yoowo onimuroromela Mwaana a Muluku ookhalano onamoona ola mwaneenaaweru. Yoowo ohinroromela mwa Muluku, onimukhaliha Muluku Namootha, niwoko khanroromela onamoona Muluku onkhalelaawe mwaha wa Mwanawe.

1 Samuweli 15:29

Yoole ori Ovuwa wa oYixrayeli khanootha hata khanceendya soowuupuwelasawe niwoko khahiyono mulopwana ooceendyaceendya.”