aHeberi 6:17 - Emakhuwa Bible

¹⁷ Muluku aatthuna woonihera ni ekhaikhai ya nnenesene wa yaale yeera yaakhele yoororomelihiwa weera olakelawaya khoorwa onceendyeya. Tivawo, aalipihera yoororomelihiwa ele ni nlipelo.

aHeberi 6:17 Iomraidhean Croise

Epacerero 26:28

Awosa yaamwaakhula: “Hiyo nohoona weera Yave ori ni nyuwo ni nohuupuwela weera fataari wiiraana ni nyuwo. Nintthuna weera okhale wiiraana variyariwahu.

Icipo 110:4

Yave aalipela ni kharwa aceendya soowuupuwelasawe: “Nyuwo ti Mutokweenexa a asaserdoti* mahuku ootheene mmukhaleloni mwa Melkhisedeki.”

Icipo 33:11

Vaheera soovaanela sa Yave sinkhala mahuku ootheene ni soowuupuwela sa murimaawe simpwaherera wa ikhapira sootheene.

Icipo 36:8

Awosa anca sa seiye saattiye Mpaanimwanyu ni munimwaavaha owura sa moolokwaanyu wa ohakalala.

Okhuma 22:11

mulattwaayasa wuulummweke olipeliwaka vamaithoni wa Yave weera miyo nkikunxe ya muneene. Vano ontthuneya weera muneene aakhuleleke yeeyo; mukhwaawe khoontthuneya oliva etthu.

Masu a Miruku 19:21

Vamurimani wa mutthu sookhala soovaanela sincipale, vaheera ompwaherera ti olakawawe Yave.

Ecipo Yooreeraxa 5:1

Koovolowa muttimbenimwaka murokoraka, ootthomeriwaaka; koothukumanyiha emiraaka vamoha ni soosivasiva. Kohooca macerephaaka ni oravowaaka; koowura eviinyuwaaka ni mukakaaka. Muceeke asinthamwene, ii! Oosivelana, ngwureke muntthunelaanyu.

Yesaya 14:24

Yave a ikuru sootheene oolipela: “Vekhaikhai, yeeyo kivaanenlaaka enookhumelela ni yeeyo kintthunaaka enimweereya.

Yesaya 46:10

Okhuma ompacereroni Miyo kinsuweliha ommaleloni; okhuma khalayi seiye sineera seereye. Miyo kineera: ‘Otthunawaka onoopwahereraxa ni kinoopaka sootheene sinkisiveliha.’

Yesaya 55:11

Hiihotho ni masu kinghimaaka: khaankihokoleela ehipanke etthu, mene anookwanihera yeeyo kintthunaaka ni anoomalihera yeeyo kirumihenlaaka.

Yesaya 55:7

Mutakhali ahiyeke ephirowaawe ni mutthu oonanara soowuupuwelasawe. Owo ahokoleele wa Yave ni Owo onoommorela ikharari, arukunuwele wa Muluku ni Owo onoomulevelela ni murima wooreera.

Malekiya 3:6

“Mwa yeeyo, Miyo, Yave, nkinceendya. Tivawo nyuwosa, ekhapira ya Yakobe, muhiphwatiwaanyu.

Yohaane 10:10

Namwiiya onrweela wiiya, wiiva ni ophwata paahi. Miyo kaarweenle weera atthu ekhalane okumi, aani okumi woowaattaxa.

aRooma 11:29

Samahala ni wiitthana wa Muluku ti woohivirikanyiheya.

aRooma 8:17

Nakhala anamwane, nri vano anamwaakhela a mahala a Muluku vamoha ni Kristu, hiyo nahaawa vekhaikhai vamoha ni Kristu weera nivuwihiwe vamohatho.

aGalata 3:29

Ni nyuwo mwaari a Kristu, vano ti ekhapira ya Abrahaamu, ni muri anamwaakhela ntoko yoororomelihiwa enghimaaya.

awEfeso 1:11

Mwa Yoowo nithanliwe ehinaaye ehuhu mwaha wa soovaanela sa Yoowo ompaka itthu sootheene ntoko otthuna wa murimaawe

aHeberi 11:7

Munroromeloni Nowe, oopereriweene itthu nlelo sahaakhumelenle ni eettihiweene ni woova wootteela, aapaka nikula weera avuluxe emusaawe. Niwoko na nroromelo owo aathoriha elapo ya vathi ni aahaakhela waakhuleliwa ni Muluku onrweela niwoko na nroromelo.

aHeberi 11:9

Munroromeloni aakhala mweelaponi yoororomelihiwa ntoko areene mweelaponi ya anamarwa. Aakhala muheemani vamoha ni Isaaki ni Yakobe, mwa yaawo yaahaakhela yoororomelihiweene yeeyo.

aHeberi 6:12

Ohiyanawaya, khanintthuna weera mukhale ooreesi, mene weera mwaatakihe yaawo anaakhela soororomelihiwa munroromeloni ni moovilelani.

aHeberi 6:16

Atthu animulipela mukina ori mutokweene waapwaha yaawo, ni nlipelo ninlipihera yeeyo ehimmwale, nimalihaka masu ootheene.

aHeberi 6:18

Vano, sookhala itthu piili sahaawereya oceendyiwa: yoororomelihiwa ni nlipelo. Ni mwaha wa itthusene seiyo khoongwereya weera Muluku anilokotthe. Hiiho, hiyo nikhaleke oolipihiweene, hiyo nnimutthawela Muluku weera nivare nnenesene oweherera nivahiwaahu.

Yakobe 1:17

Yoovahiwa yooreera yootheene ni yamahala yookwanela yootheene enrweela wa Atiithi a waara, mwa Yaawo ahinceendya ntoko irungu sooceendyaceendya.

Yakobe 2:5

Mwiiwe, axunnaka oosiveleya: Muluku khaathanlale oohaawa vamaithoni wa amalapo weera ekhale oopuha munroromeloni ni yaakhele yoohiyeriwa* ya omwene Owo aaroromelihalaawe yaawo animusivela Yoowo?

1 Pedru 1:3

Ooreelihiwa akhale Muluku, Atiithi a Apwiyaahu Yeesu Kristu. Niwoko na ovenyerera mookhwaani wa Yeesu Kristu, Muluku, mwa ikhararisawe sitokotoko, oonivaha oyariwa onyowani woosareya ni oweherera wa okumi.

1 Pedru 3:7

Mooteene yoowo nyuwo, axiiya, musuweleke nnene okhala ni axaarinyu, mwaattittimihaka ntoko mpatta woohilipa, ni ntoko anamwaakhela vamoha ni nyuwo a mahala a okumi, weera mavekelowaanyu ehooceeleye.