aHeberi 6:1 - Emakhuwa Bible

¹ Tivawo, nihiye mahusiho oopacera mwaha wa Kristu, ni nipwaherere mpaka nikhale atokweene, nihivonyeraka veeli mathipelo awo: orukunxa mirima wa miteko sinrongha mookhwaani; nroromelo mwa Muluku;

aHeberi 6:1 Iomraidhean Croise

Masu a Miruku 4:18

Ephiro ya oororomeleya eri ntoko ekamaama ya oxa, enaaraxa mpaka onkwanelaaya oxa.

Zakariya 12:10

Kinooyeehera ekhapira ya Davide ni amaki a oYerusaleemu munepa wa oreera murima ni odyoonttelela. Awosa anookiweha – yoowo yaamuhommaaya – ni anoomwiinlela ntoko oniinlelaawe yoole okhwiiye mwaniye aari mmoharu ni ntoko onlalamikeliwaaya okhwa wa ntthaara.

Matheyo 21:29

Ni owo aamwaakhula: ‘Nkintthuna.’ Vahoolotho vakhaani aaceendya soowuupuwelasawe ni aarowa.

Matheyo 21:32

niwoko Yohaane aarweenle owooniherani ephiro ya waakhuleliwa ni Muluku, mene khamunroromenle, vano anamaliviha a musokotho ni mapuuta aamuroromela. Nyuwo, hata moonakaru seiyo, khamurukunxale murima, hata khamunroromenle yoowo.

Matheyo 3:2

“Murukunxe mirima, niwoko omwene wa wiirimu wookhuveela.”

Matheyo 4:17

Vahoolowaya Yeesu aapacera olaleiya: “Murukunxe mirima, niwoko omwene wa wiirimu wookhuveela.”

Matheyo 5:48

Tivawo, mukhale ookwanela, ntoko Atithinyu ari wiirimu.

Matheyo 7:25

Yaarupa epula, saasareya nyooloko, yaahoopa epheyo ni ikuru, emanaka empa ele, mene empa ele khayunttungwe, niwoko yaalipihiwa ni mwala.

Marku 1:1

Epacerero ya masu ooreeraxa mwaha wa Yeesu Kristu, Mwaana a Muluku, yaari ha:

Marku 6:12

Awo yaavenya ni yaalaleiya weera muloko orukunxe mirimasaya.

Luuka 6:48

Owo onlikana mulopwana atekaka empa, aathipa woowiixa ni aapaka mathipelo vamwala. Siwaaka mirupi, mooloko waakusakula empa, khawaawenretho ottikinya empa ele, niwoko yaalipa.

Yohaane 12:44

Yeesu aaheera akhuwelaka ni nsu ntokotoko: “Yoowo onkiroromela Miyo, khankiroromela Miyo paahi, menetho Yaale akiruminghe.

Yohaane 14:1

Mirimasanyu sihikacamiheye. Munroromele Muluku, mukiroromeletho Miyo.

Yohaane 5:24

Miyo kinoororomelihani: Yoowo oniiwa maswaaka ni anaaroromela Yaawo aakirumihale, ookhalano okumi woohimala ni kharwa athorihiwa, mene oolapuwa mookhwaani aphiyaka mpaka mookumini.

Miteko 11:18

Yiiwaka yeeyo, yaahiya omukohakoha, ni yaamvuwiha Muluku yeeraka: “Vano Muluku ohaavaha orukunxa murima wa okumi mpaka amalapo asineenaaya!”

Miteko 17:30

Ehuhu evinre Muluku khaalikelenle ohisuwela iwo, mene vano onlamulela weera mmapuroni moothemwene, ootheene erukunxe mirimasaya.

Miteko 2:38

Pedru aawaakhula: “Murukunxeke mirimasanyu, ni mutthu ti mutthi a nyuwo apatisiweke mwa Nsina na Yeesu Kristu wa elevelelo ya sootthekasanyu, ni mmwaakhele mahala a Munepa Wootteela.

Miteko 20:21

Kaahaakhalela onamoona aYuda nitho aGrego weera ontthuneya awo erukunxele murimaaya wa Muluku ni eroromele mwa Apwiyaahu Yeesu.

Miteko 26:20

Woopacera kaahaalaleera yaawo yaari oDamasku; vahoolowaya yaawo yaari oYerusaleemu ni oYudeiya woothewene, nitho wa amalapo, kiweerelaka weera erukunxe murima ni ehokoleele wa Muluku epakaka miteko sinoonihera orukunxawaya murima wa ekhaikhai.

Miteko 3:19

Vano, murukunxe mirimasanyu ni muhokoleele wa Muluku weera sootthekasanyu sikhale soomalihiwa,

1 aKorinto 13:10

Wa soothesene, yaarwaaka yeeyo eri yookwanela, yoohikwanela eniimale.

1 aKorinto 2:6

Vano nnuuluma miruku variyari wa asitokweene. Miruku iya khasihiyono sa ehuhu ela, naari sa anamalamula a ehuhu ela, niwoko mirukusaya iyo sinoophiya sa siiyo.

2 aKorinto 7:1

Oosiveleya, woonaka weera nookhalano soororomelihiwa iya, niirapihe mwa sootheene simvaliha erutthu ni munepa, nikwaniheraka ntteelihonahu niwoko na omoova Muluku.

2 aKorinto 7:10

Othanana ntoko otthuna wa Muluku onruwera orukunxa murima onkeliha moovuluwani, ni othanana iwo woovira, mene othanana wa elapo ya vathi onruwera okhwa.

awEfeso 2:1

Nyuwo mwaari ookhweene mwa sootakhalasanyu ni sootthekasanyu,

awEfeso 2:5

niwoko na osivelaxawawe onisivenlaawe hiyo naaraahu nlelo ookhweene mwa sootakhala. Nyuwo moovuluxiwa niwoko na mahala!

awEfeso 4:12

Hiiho aatthuna waarehererela ootteela mutekwaaya, weera erutthu ya Kristu ekhale yoowunnuwihiwa,

aKolosi 1:28

Hiyo nnimulaleiya Yoowo, nimoopereraka ni nimuxuttihaka khula mutthu ni miruku sootheene weera niwoonihere atthu ootheene ookwanela mwa Kristu.

aKolosi 3:14

Opwaha soothesene, mwiiwarihe osivela ori yookumanela enkhaliha omoha wookwanela.

aKolosi 4:12

Epafra ori mmoha a nyuwo ni murumeiyi a Kristu Yeesu onimoovahani isalaama. Owo onnawana woohihiyerera mmavekeloni wa nyuwo weera nyuwo mupwaherere oolipeene mwa otthuna wootheene wa Muluku ntoko atthu atokweene munroromeloni ni ooviriyeliwaxa.

1 Timootheyo 3:16

Woohihovela weera ntikhinelo na ediinaahu ti ntokotoko: Yeesu ooniheriwe mweerutthuni, aakhuleliwe ni Muluku mMunepani, ooniwe ni andyelo, olaleiwe mmilokoni, ororomeliwe mweelaponi, ni aakheleliwe moovuwani.

1 Timootheyo 6:19

Moota ola awo eniithukumanye muhakhwaaya asineenaaya, mathipelo oolipa wa ehuhu ya muhoolo, ni hiiho eniiwere okumi wa ekhaikhai.

2 Timootheyo 2:19

Wa soothesene, nthipelo noolipaxa na Muluku ninkhala nooweemelaxa, ni nookhalihiwa ni yoolempwa ela: ‘Apwiya anaasuwela yaawo ari awaya’ ni ‘Ootheene anlapa Nsina na Apwiya, esuseke sootakhala.’

aHeberi 11:6

Nihikhanle nroromelo, khoongwereya omusiveliha Muluku, niwoko yoowo ommwaattamela Muluku, ontthuneya ororomela weera Owo ookhala ni weera onnaatthuvela yaawo ammwaasaasa.

aHeberi 12:13

Mpakele iphiro soowookowa inaawosanyu, weera ootuthunya ahitepaxe, mene alamihiwe.

aHeberi 7:11

Vano, waari ni osaserdoti* wa aLeevi muloko wa Yixrayeli waakhenlaaya malamulo. Moone, wawereya okwanihera yookwanela ni osaserdoti* wa aLeevi, heeni waatthuneyaaya weera aphiye nlelo Musaserdoti* Mukina mmukhaleloni wa Melkhisedeki, ohikhanle wa Aharoni?

aHeberi 9:14

woopwahaxa ephome ya Kristu, mwa Yoowo iivaherenre ni Munepa woohimala ntoko Yoovaha yookwanela wa Muluku, eniitteelihe mirimasahu sa miteko sa okhwa weera nimurumeele Muluku mukumi.

Yakobe 1:4

Ontthuneya weera ovilela okwaniheriwe weera nyuwo mukhale atokweene munroromeloni, ni a ekhaikhai ehoohaleelakani etthu.

1 Pedru 1:21

Niwoko na Yoowo nyuwo munimuroromela Muluku omvenyererihale Yeesu mookhwaani ni omvuwihale. Hiiho nroromelonanyu ni owehererawanyu onkhala mwa Muluku.

1 Pedru 5:10

Vahoolo woohaawa ehuhu vakhaani, Muluku a mahala ootheene, mwa Yoowo owiitthanenleni ovuwawawe woohimala mwa Kristu Yeesu, anookwaneliheni, anookhaliheni, anoolipiheni ni anaaweemexeni.

1 Yohaane 4:12

Khaawo otonke omoona Muluku. Hiyo nasivelana mukina ni mukhwaawe, Muluku onookhala mwa hiyo, ni osivelawawe ori wookwanelihiwa mwa hiyo.