aHeberi 4:15 - Emakhuwa Bible

¹⁵ Vano, khaninono mutokweenexa a asaserdoti* ohingwera onimorela ikharari ni ohilipawahu, mene aani, Mukina aavinre ngweereriwani wootheene ntoko hiyo, ahitthekakatho.

aHeberi 4:15 Iomraidhean Croise

Okhuma 23:9

Muhaahasule anamarwa, niwoko nyeenyuweene moosuwela nnenesene onamarwa ti heeni mweenre mwakhalaka anamarwa wExipitu.

Yesaya 53:9

Oovahiwa nihiye variyari wa mahiye a atakhali ni anamapuha mookhwaani, aaroohipahularu hata ehooneyakaru yoowootha.

Hoxeya 11:8

Moota heeni kineeraaka koohiyeeni Efrayimi? Yixrayeli, moota heeni kineeraaka kiwinnyerereni mmatatani mwa akina? Moota heeni kineeraaka koopakeeni ntoko kaampankaaka Adema? Moota heeni kineeraaka koopakeleni yeele kaampakenlaaka Zeboyimi? Murimaaka khoonoona mathanlelo; ikhararisaka sootannyereya.

Matheyo 12:20

Owo kharwa ananariha ettheere yookhuneiya, naari ocipiha mutthambo ni mwiixi mwincipale, mpaka aneeraawe eettihere ekhaikhai owina.

Matheyo 4:1

Yeesu aakuxiwa ni Munepa aronghiwaka onikareni weera eereriwe ni Diyabu*.

Luuka 22:28

Nyuwo muri yaale avilenle vamoha ni Miyo mwa sooweereriwasaka.

Luuka 4:2

weiwo eereriwaawe ni Diyabu* wa mahuku miloko mixexe. Wa ehuhuweene yeele khaaciiye naari etthu, ni amalihaka mahukweene yaale, aavoliwa etala.

Yohaane 8:46

Mukina a nyuwo onoowera okoothera wa yoottheka emoha? Miyo kuulumaka ekhaikhai, heeni muhinkiroromelaanyu?

aRooma 8:3

Yeeyo nlamulo nahaaweraaya opaka niwoko naaraaya nookhulumuliweene ni erutthu, Muluku oopaka, amurumihaka Mwanawe muneenaawe ntoko yooveleelela yoottheka alikanaka ni namattheka. Ni hiiho aathoriha yoottheka mweerutthuni,

2 aKorinto 5:21

Niwoko na hiyo Muluku oomutatuxa yoottheka Yoowo ahaasuwenle yoottheka, weera mwa Yoowo hiyo nikhale oowaakheleliwa ni Muluku.

aHeberi 4:14

Tivawo, woonaka weera nookhalano Mutokweenexa a asaserdoti* mutokotoko, Yeesu, Mwaana a Muluku ovolongwe wiirimu, nivarexexe ni murima wootheene nroromelo ninlapaahu.

aHeberi 5:2

Hapo owo ori oohilipatho, onoowera waamorela ikharari yaawo ahisuwenle ni anghapuwa.

aHeberi 7:26

Vano, ti Mutokweenexa a asaserdoti* ntoko Ola hiyo nnimuhaawelaahu: ootteela, oohikhala ni nthowa, oohittheka, oomwalamwalihiwa ni anamattheka, ni awelihiweene wiirimu woopwahaxa.

aHeberi 9:28

hiihotho Kristu oovahereriwa ntoko Yooveleela emaara emoha paahi weera avenxe soottheka sa ancipale. Anaawe emaara yanaaveeli, ohikhanle ovenxa soottheka, mene weera aaruuhele ovuluwa yaawo aningweherera.

1 Pedru 2:22

“Owo khaatthenke, ni hata yoolokottha emoha khayaaphwanyiwe mmwaanomwawe.”

1 Yohaane 3:5

Nyuwo moosuwela weera Owo iixoonihenre weera avenxe sootthekasahu, ni mwa Yoowo khasiwowo soottheka.