aHeberi 3:5 - Emakhuwa Bible

⁵ Moisesi aari oororomeleya ntoko murumeiyi Mpaani mootheene mwa Muluku, akhalelaka onamoona yeeyo yaarwa ohimmwa vahoolo,

aHeberi 3:5 Iomraidhean Croise

Nehemiya 9:14

Mwaahaasuweliha nihukunanyu nootteela na eSaabadu ni mwaahaavaha miruku, ikano ni malamulo mwa murumeiyaanyu Moisesi.

Icipo 105:26

Aamurumiha murumeiyaawe Moisesi ni Aharoni, mwa yaawo aathanlalaawe.

Okhuma 14:31

aYixrayeli yaahoonasa ikuru sitokotoko sa Yave aawananaka awExipitu, yaamoova Yave ni yaamuroromela Yoowo nitho murumeiyaawe Moisesi.

Okhuma 40:16

Moisesi aapaka sootheene ntoko Yave aamulamulenlaawe.

Nuumeru 12:7

Wa soothesene, khoohiyono hiiho, ni murumeiyaaka Moisesi – owo ti oororomeleya waapwaha arumeiyi ootheene akina.

Matheyo 24:45

Murumeiyi heeni oororomeleya ni a miruku wa yoowo animvahereraaya Apwiyaawe sa owannyaya weera aavaheke akina yooca ya ehuhu yootthuneya?

Matheyo 25:21

Apwiya yaamwaakhula: ‘Ti wooreera, murumeiyi ooreera ni oororomeleya! Weyo waari oororomeleya wa vakhaani, miyo nkoororomele wa sincipale. Owe ni ovolowe moohakalalani wa Apwiyaawo.’

Luuka 12:42

Apwiya yaamwaakhula: “Vanonto, murumeiyi taani oororomeleya ni a miruku, Apwiya amukhalinghaaya muhooleli a arumeiyi weera aavahe yoocaaya wa ehuhu yootthuneya?

Luuka 24:27

Vano, okhuma Moisesi ni maprofeeti ootheene, aahaathalihera sootheene saalempwa sa Yooworu.

Luuka 24:44

Vano aaweerela: “Ti yeeyo kooleenlaakani kireene nlelo ni nyuwo: ‘Waatthuneya weera sikwaniheriwe sootheene silempwe mwaha wa Miyo mmalamuloni a Moisesi, mmaprofeetini ni mulivuruni ya icipo.’”

Yohaane 5:39

Nyuwo munsoma Yoolempwa* nnenesene niwoko munuupuwela weera mmwiphwanyemo okumi woohimala. Ti Yoolempwa* enkikhalela onamoona.

Miteko 28:23

Hiiho yaahiiwanana omukumanano Pawulo nihuku naalaihaniwe, ni nihuku nne yaaphiya aYuda ancipale nipuro nenne owo aaraawe. Okhuma ohinaxe mpaka ohiyu owo aahaathalihera ni aahaakhalela onamoona wa omwene wa Muluku, atthunaka waaviriyela mwaha wa Yeesu avarelaka muteko nlamulo na Moisesi ni maprofeeti.

Miteko 7:37

Owo ti Moiseseene yoowo aaweerenle aYixrayeli: ‘Muluku anaamukhalihe variyari wa axunninyu mprofeeti ntoko miyo.’

aRooma 3:21

Vanonto wohoonihereya waakhuleliwa ni Muluku, onrweela wa Yoowo, ohikhanle mwaha wa nlamulo. Nlamulo ni maprofeeti ankhalela onamoona mwaha wa waakhuleliwa iwo.

1 aKorinto 4:2

Ontthuneya weera ootheene oovahereriwa ohoolela ekhale oororomeleya.

Deuteronomiyo 3:24

“Ii! Adonai Yave, moopacera omoonihera murumeiyaanyu ovuwawanyu ni ntatananyu nooweraxa. Khawowo muluku mukina wiirimu naari elapo ya vathi ongwera opaka mitekosanyu ni sootikhiniha mumpakaanyu.

Deuteronomiyo 34:5

Vanonto, Moisesi, murumeiyi a Yave, aakhwenle vaavaale, oMowabe, ntoko Yave aahimalaawe.

1 Timootheyo 1:12

Kinimutthapela Kristu Yeesu Apwiyaahu, okivanghe ikuru ni onkiitthana oororomeleya, akikhalihaka mmutekoni ola.

aHeberi 1:1

Khalayi Muluku aahuuluma ni makholowaahu imaara sincipale ni moota woohiyanahiyana ni iyano sa maprofeeti;

aHeberi 3:2

Aari oororomeleya wa Yoole aamukhalinghaawe, hiiho ntoko Moisesi aaraawe oororomeleya Mpaani mootheene mwa Muluku.

aHeberi 3:4

Khula empa entekiwa ni mutthu, mene Muluku ori Namateka a sootheene.

aHeberi 8:5

Awo anrumeela vaNipuroni Nootteela* nri etakiho ni munttuusi wa nenno nri wiirimu. Tivawo Moisesi oopereriwaawe eeraawe apake etabernaakulu*: “Mwiipasoope woopaka sootheene ntoko moota mooniheriwaanyu vamwaakoni.”

aHeberi 9:24

Vano, Kristu khaavolongwe vaNipuroni Nootteela* noopakiwa ni atthu, etakiho emoha ya yeele ya ekhakhai. Owo aavolowa wiirimu oneenexa, weera iixoonihere vamaithoni wa Muluku niwoko na hiyo.

Yoxuwa 1:15

mpaka Yave aneeraawe aavahe nipuro noowiitthuuwa ntoko oovanghaaweni ni mpakatho awo eneeraaya ekuxe elapo Yave Mulukwaanyu onoovahaaweni. Vahoolowaya nyuwosa muhokoleeleke weera mwaakamele elapwaanyu, mwa yeeyo Moisesi murumeiyi a Yave oovanghaaweni, mpatta ninkhuma nsuwa wa Yordanu.”

Yoxuwa 1:2

“Murumeiyaaka Moisesi, ohookhwa. Vano, nyuwo ni muloko wootheene ola mwiirehererase weera mulapuwe mooloko Yordanu ni mwavolowe mweelaponi kineeraaka kaavahe aYixrayeli.

Yoxuwa 1:7

Mukhaleke ookhomaala ni oolipaxa murima! Nnene woowiiwelela malamulo ootheene murumeiyaaka Moisesi oovanghaaweni, muhihapuwelaka moono mulopana naari muthiyana weera siweetteleni nnene weiwo muneeraanyu mvireke.

Yoxuwa 8:31

ntoko Moisesi, murumeiyi a Yave, aalamulenlaawe aYixrayeli. Aahaateka attharihaka yeeyo elempwale mulivuruni ya Nlamulo na Moisesi – altaari* a maluku oohiratteliwa, mwa yaawo khayaavareliwe ikaruma sa eyuuma. Vasuluwaya yaampakela Yave sooveleela soohisa ni sa murettele.

Yoxuwa 8:33

aYixrayeli ootheene, akhalaka muYixrayeli hoye hoye namarwa, vamoha ni asitokweenaaya, ahoolelaaya ni aphukaaya yaari yeemelelo mipatta soomiili sa Arka* a Wiiraana a Yave yaawehawehaka yaawo yaateexa, eyo tiiyo asaserdoti* yaari aLeevi. Mpatta mukina wa muloko waari yeemelelo ohoolo vamwaako Gerizimi ni mpatta mukinoowo ohoolo vamwaako Ebali, ntoko Moisesi, murumeiyi a Yave, aalamulenlaawe khalayi muloko wa aYixrayeli weera oreelihiwe.

Ethupululo 15:3

ni yaahiipa ecipo ya Moisesi, murumeiyi a Muluku, ni ecipo ya Eputtiputthi: “Sitokotoko ni sootikhiniheya siri mitekosanyu, Apwiya Muluku a ikuru sootheene. Soowookowa ni sa ekhaikhai siri iphirosanyu, Mwene a ilapo.